約書亞記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
5:1 Iol-tàn hô sai pêng ê A-mô͘-lī lâng chiahê ông kah óa hái ê Ka-nân lâng chiahê ông, thiaⁿ tio̍h Siōng-chú tī I-su-la-el lâng ê bīn-chêng hō͘ Iol-tàn hô ê chúi ta-.khì, thèng-hāu in kòe-.khì; in ê sim in-ūi I-su-la-el lâng ê iân-kò͘ chiū sit táⁿ, sîn put hù thé.
5:2 Tī Gil-gal Kiâⁿ Kat-lé
Hit sî, Siōng-chú tùi Io-siú-ah kóng, " Lí tio̍h chhòng hóe-chio̍h to, tē-jī pái kā I-su-la-el lâng kiâⁿ kat-lé. "
5:3 Io-siú-ah chiū chhòng hóe-chio̍h to, tī " Pau-phôe soaⁿ "（ Chù, Goân e̍k-pún sī " Tû-khì phôe soaⁿ "）hia, kā I-su-la-el lâng kiâⁿ kat-lé.
5:4 Io-siú-ah kā in kiâⁿ kat-lé ê iân-kò͘, sī in-ūi tùi Ai-gi̍p chhut-.lâi ê jîn-bîn, kiàn-nā ē kau-chiàn ê chapo͘ teng, chhut Ai-gi̍p í-āu tī lō͘-.ni̍h sí tī khòng-iá.
5:5 In-ūi tùi Ai-gi̍p chhut-.lâi ê jîn-bîn lóng siū kat-lé; to̍k-to̍k chhut Ai-gi̍p í-āu tī khòng-iá ê lō͘-.ni̍h só͘ seⁿ ê chèng lâng, lóng bô siū kat-lé.
5:6 I-su-la-el lâng tī khòng-iá kiâⁿ sì-cha̍p nî, it-ti̍t kàu hiahê jîn-bîn, to̍h-sī chhut Ai-gi̍p ê sî ê chiàn-sū choân-pō͘ siau-bia̍t, in-ūi in bô chun-thàn Siōng-chú ê ōe. Siōng-chú bat tùi in chiùchōa, m̄ hō͘ in khòaⁿ tio̍h Siōng-chú tùi in chó͘-sian só͘ chiùchōa beh siúⁿ-sù hō͘ lán ê tē, to̍h-sī lâu leng kah bi̍t ê tē.
5:7 In ê kiáⁿ-sun, to̍h-sī I só͘ heng khí-lâi sòa-chiap in ê, lóng bô siū kat-lé; in-ūi in tī lō͘-.ni̍h bô kā in kiâⁿ kat-lé, só͘-í, Io-siú-ah chiah kā in kiâⁿ kat-lé.
5:8 Jîn-bîn lóng siū kat-lé liáu-āu, chiū tiàm tī iâⁿ lāi kakī ê só͘-chāi, thèng-hāu kat-lé ê khang-chhùi hó-.khì.
5:9 Siōng-chú tùi Io-siú-ah kóng, " Góa kin-á-ji̍t kā Ai-gi̍p ê lêng-jio̍k î-sóa lī-khui lín. " Chiū ánne, hit só͘-chāi miâ kiò-chò Gil-gal, it-ti̍t kàu kin-á-ji̍t.
5:10 Hit sî, I-su-la-el lâng chat iâⁿ tī Gil-gal. Hit-goe̍h cha̍p-sì ê-hng, tī I-é-lī-kho siâⁿ ê pêng-goân siú Pôaⁿ-kòe-cheh.
5:11 Pôaⁿ-kòe-cheh ê keh tńg kang, in chiū chia̍h hit só͘-chāi só͘ chhut-sán ê, tútú hit ji̍t chia̍h bô-kàⁿ piáⁿ kah hang ê ngó͘-kok.
5:12 In chia̍h hit só͘-chāi só͘ chhut-sán ê, keh tńg kang, má-ná chiū thêng-hioh, I-su-la-el lâng mā bô koh ū má-ná. Hit nî, in chiū chia̍h Ka-nân tē ê lông-sán-bu̍t.
5:13 Io-siú-ah kah Siōng-chú Kun-tūi ê Thóng-léng
Io-siú-ah óa-kīn I-é-lī-kho siâⁿ ê sî, gia̍h thâu khòaⁿ, khòaⁿ tio̍h ū chi̍t-ê lâng chhiú poe̍h to, khiā tī i ê tùi-bīn. Io-siú-ah kīn-óa i, mn̄g i kóng, " Lí sī ūi goán ê lâng, á-.sī ūi goán ê tùi-te̍k? "
5:14 I ìn kóng, " Bô, góa lâi sī beh chò Siōng-chú ê kun-tiúⁿ. " Io-siú-ah chiū phak tī tē-.ni̍h kā i pài, kóng, " Góa ê Chú bēng-lēng lô͘-po̍k siáⁿ-mi̍h? "
5:15 Siōng-chú ê kun-tiúⁿ tùi Io-siú-ah kóng, " Thǹg lí kha-.ni̍h ê ê, in-ūi lí só͘ khiā ê só͘-chāi sī sèng ê. " Io-siú-ah chiū chiàu ánne kiâⁿ.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。