聖經閱讀

查字典本章地圖影像 [ 條列 | 表格 | 整段 ] 繁簡語態度量衡其他閱讀計畫

新版查詢或移至：說明

申命記線上收聽:中文和合本現代中文譯本修訂版現代台語台語聖經客語福州話希伯來文讀經下載檔案關於語音聖經

20:1

Kah Tùi-te̍k Kau-chiàn ê Kui-tēng

" Lí chhut-khì kah tùi-te̍k kau-chiàn ê sî, khòaⁿ tio̍h bé, chhia, í-ki̍p jîn-bîn pí lí khah chē ê, m̄-bián kiaⁿ in, in-ūi chhōa lí chhut Ai-gi̍p tē ê Siōng-chú — lí ê Siōng-tè kah lí tông-chāi.
20:2 Lín teh beh lîm-tīn kau-chiàn ê sî, chè-si tio̍h kàu jîn-bîn ê bīn-chêng soan-pò͘,
20:3 tùi in kóng, ' I-su-la-el lâng, lín tio̍h thiaⁿ, lín kin-á-ji̍t beh kah jîn-bîn ê tùi-te̍k kau-chiàn, m̄ thang sit táⁿ, m̄-bián kiaⁿ kah phi̍h-phi̍h chhoah, mā m̄ thang in-ūi in lâi lún neh;
20:4 in-ūi Siōng-chú — lín ê Siōng-tè to̍h-sī kah lín chò-hóe khì ê, ē thè lín kah tùi-te̍k kau-chiàn, lâi chín-kiù lín.
20:5 Hiahê koaⁿ-tiúⁿ mā tio̍h tùi jîn-bîn soan-pò͘, kóng, ' Siáⁿ lâng khí sin-chhù iáu-bōe kiâⁿ lo̍k-sêng ê lé? I tio̍h tńg-khì in tau, khióng-kiaⁿ i ē tīn-bông soah hō͘ pa̍t lâng kiâⁿ lo̍k-sêng ê lé.
20:6 Siáⁿ lâng chèng phû-tô hn̂g iáu-bōe ū chia̍h tio̍h i ê kóe-chí? I mā thang tńg-khì in tau, khióng-kiaⁿ i ē tīn-bông soah hō͘ pa̍t lâng bán khì chia̍h.
20:7 Siáⁿ lâng phèng-tiāⁿ bó͘ iáu-bōe chhōa i? I mā thang tńg-khì in tau, khióng-kiaⁿ i ē tīn-bông soah hō͘ pa̍t lâng chhōa i.
20:8 " Hiahê koaⁿ-tiúⁿ koh tio̍h tùi jîn-bîn soan-pò͘, kóng, ' Siáⁿ lâng kiaⁿ-hiâⁿ sit táⁿ? I thang tńg-khì in tau, khióng-kiaⁿ i ê hiaⁿ-tī ê sim ē siau-iûⁿ kah i ê sim sio-siâng.
20:9 Hiahê koaⁿ-tiúⁿ tùi jîn-bîn soan-pò͘ liáu-āu, tio̍h siat-li̍p hiahê kun-tiúⁿ chò thâu lâi chhōa jîn-bîn.
20:10 " Lí óa-kīn chi̍t-ê siâⁿ beh phah ê sî, tio̍h tāi-seng tùi in soan-pò͘ hô-pêng ê ōe.
20:11 In nā ēng hô-pêng ê ōe kā lí tap-hok, kā lí khui siâⁿ mn̂g, hit tiong-kan só͘-ū ê jîn-bîn lóng ē chò lí ê chhe-ēng, lâi ho̍k-sāi lí.
20:12 In nā m̄-khéng kah lí hô-hó, tian-tò beh kah lín kau-chiàn, lín chiū tio̍h ûi-khùn hit-ê siâⁿ.
20:13 Siōng-chú — lí ê Siōng-tè kā i kau-hù lí, lí chiū tio̍h ēng to kā i hiahê chapo͘ teng choân-pō͘ thâi-sí.
20:14 To̍k-to̍k chabó͘ lâng, gín'á, chengseⁿ kah siâⁿ lāi it-chhè só͘ chhiúⁿ ê mi̍h, lí thang chhiúⁿ-lâi chò kakī ê lō͘-ēng. Lí só͘ chhiúⁿ lí ê tùi-te̍k ê mi̍h, to̍h-sī Siōng-chú — lí ê Siōng-tè só͘ siúⁿ-sù hō͘ lí ê, lí thang chia̍h-ēng.
20:15 Lī-khui lí hn̄g-hn̄g hiahê siâⁿ, m̄-sī chiahê lia̍t kok ê siâⁿ, lí tio̍h ánne kā i khoán-thāi.
20:16 " To̍k-to̍k sio̍k chiahê jîn-bîn ê siâⁿ, Siōng-chú — lí ê Siōng-tè í-keng siúⁿ-sù hō͘ lí chò sán-gia̍p, kî-tiong kiàn-nā ū chhoán-khùi ê, lí m̄ thang hō͘ i oa̍h-.leh;
20:17 Tio̍h chiàu Siōng-chú — lí ê Siōng-tè só͘ bēng-lēng lí ê, kā Hiat lâng, A-mô͘-lī lâng, Ka-nân lâng, Pe-lí-ji lâng, Hi-bī lâng, I-é-bú-suh lâng, choân-pō͘ bia̍t-tiāu,
20:18 bián-tit in kà-sī lín o̍h it-chhè khó-ò͘ⁿ ê tāichì, to̍h-sī in tùi in ê sîn-bêng só͘ kiâⁿ ê, tì-sú lín tek-chōe Siōng-chú — lín ê Siōng-tè.
20:19 " Lí nā chin kú ûi-khùn chi̍t-ê siâⁿ, kong-kek beh cheng-ho̍k i, chiū m̄ thang ēng pó͘-thâu phah-pháiⁿ chhiū-bo̍k, in-ūi lí thang chia̍h i ê kóe-chí, só͘-í, m̄ thang kā i chhò tiāu, chhân-iá ê chhiū-ba̍k kám sī lâng, hō͘ lí ûi-khùn?
20:20 Chóng-.sī, lí só͘ bat m̄-sī thang chò chia̍h-mi̍h ê chhiū, thang chhò lâi kā i húi-hoāi, ēng i lâi chò kong siâⁿ ê khì-kū, kong-kek hit-ê kah lí kau-chiàn ê siâⁿ, kàu kong-phòa ûi-chí. "

查詢或移至：說明

[ 條列 | 表格 | 整段 ] 繁簡語態重新查詢影像本章地圖度量衡其他

中文:和合本和合本2010現代中文譯本1995版現代中文譯本2019版新譯本恢復本思高譯本呂振中譯本NET聖經中譯本深文理和合本官話和合本北京官話譯本文理和合本神天聖書文理委辦譯本施約瑟淺文理譯本馬殊曼譯本四人小組譯本高連茨基聖詠經郭實臘新遺詔書和舊遺詔聖書太平天國文理譯本原文直譯(參考用)
英文:ESVKJVBBEWEBASVDarbyERV
原文與古譯本:舊約馬索拉原文七十士譯本
台客語:現代台語2021版漢字現代台語2021版全羅聖經公會巴克禮台漢本巴克禮全羅巴克禮漢羅聖經公會現代客語全羅聖經公會現代客語漢字全民台語聖經全羅全民台語聖經漢羅全民台語聖經Ruby
其他:聖經公會布農語聖經聖經公會泰雅爾語聖經聖經公會魯凱語聖經賽德克族Tgdaya語聖經公會阿美語1997聖經公會太魯閣語聖經印尼聖經越南聖經俄文聖經韓文聖經日語聖經藏語聖經武加大譯本新武加大譯本

各聖經譯本著作權如版權說明。

本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。

信望愛站使用cookies 技術來強化網站功能，您使用本網站，表示您同意我們使用 cookies 技術.