創世記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
20:1 A-bu-la-hàm kah A-mí-me-le̍k
A-bu-la-hàm tùi hia chiām-chiām ǹg lâm-hong sóa-.khì; kià-kha tī Ka-té-si kah Siu-l chi kan ê Ge-lal.
20:2 A-bu-la-hàm kóng-kàu i ê bó͘ Sa-la̍h, chiū kóng i sī kakī ê sió-mōe; Ge-lal ông A-mí-me-le̍k chiū chhe lâng kā Sa-la̍h chhōa-.khì.
20:3 Àm-sî, bîn-bāng tiong, Siōng-tè lâi kā A-mí-me-le̍k kóng, " Lí sī kai sí ê lâng, in-ūi lí só͘ chhōa hit-ê chabó͘ lâng sī lâng ê bó͘. "
20:4 A-mí-me-le̍k iáu-bōe chhin-kīn i, chiū kóng, " Chú ah, kiâⁿ gī ê jîn-bîn, Lí kám mā beh kā i bia̍t-tiāu?
20:5 Hitê lâng kám m̄-sī pún-sin tùi góa kóng, ' I sī góa ê sió-mōe '? Cha-bó͘ lâng pún-sin mā kóng, ' I sī góa ê a-hiaⁿ. ' Góa chò chit-ê tāichì, sī sim toan-chiàⁿ, chhiú chheng-khì. "
20:6 Siōng-tè kā i thok-bāng, kóng, " Góa pún chai lí chò chit-ê tāichì sī sim tiong toan-chiàⁿ; Góa chiah chó͘-tòng lí, bián-tit lí tek-chōe Góa, só͘-í, Góa bô iông-ín lí bong tio̍h i.
20:7 Taⁿ lí tio̍h kā chit-ê lâng ê bó͘ hêng i, in-ūi i sī sian-ti, i beh thè lí kî-tó, lí chiah ē oa̍h; lí nā m̄ hêng i, lí tio̍h chai, lí kah lí só͘-ū ê lâng lóng ē sí. "
20:8 A-mí-me-le̍k thàu-chá khí-.lâi, kiò chèng lô͘-po̍k lâi, kā chiahê tāichì lóng kóng hō͘ in thiaⁿ, hiahê lâng lóng chin kiaⁿ.
20:9 A-mí-me-le̍k kiò A-bu-la-hàm lâi, tùi i kóng, " Lí tùi goán só͘ kiâⁿ ê sī siáⁿ-mi̍h sū? Góa ū siáⁿ-mi̍h tek-chōe lí, lí kèng-jiân hō͘ góa kah góa kok lāi ê lâng hām-lo̍h tāng chōe? Lí tùi góa kiâⁿ bô eng-kai kiâⁿ ê tāichì. "
20:10 A-mí-me-le̍k koh tùi A-bu-la-hàm kóng, " Lí khòaⁿ tio̍h siáⁿ-mi̍h, chiah chò chit-ê tāichì? "
20:11 A-bu-la-hàm kóng, " Góa siūⁿ kóng chit só͘-chāi ê lâng lóng bô kiaⁿ Siōng-tè, in ē ūi tio̍h góa ê bó͘ ê iân-kò͘ thâi-sí góa. "
20:12 Jî-chhiáⁿ i mā si̍t-chāi sī góa ê sió-mōe, siâng-pē bô siâng bó, āu-lâi chò góa ê bó͘.
20:13 Tng Siōng-tè kiò góa lī-khui lāu-pē ê ke khì sì-kè kiâⁿ ê sî, góa kā i kóng, ' Chiong-lâi lán só͘ beh kàu ê só͘-chāi, chhiáⁿ lí kā lâng kóng, i sī góa ê a-hiaⁿ. Che to̍h-sī lí khoán-thāi góa ê un. '"
20:14 A-mí-me-le̍k kā iûⁿ, gû, lô͘-po̍k, lú-pī hō͘ A-bu-la-hàm, koh kā i ê bó͘ Sa-la̍h hêng i.
20:15 A-mí-me-le̍k koh kóng, " Lí khòaⁿ, góa ê tē lóng tī lí ê bīn-chêng, lí thang sûi-ì tòa. "
20:16 Koh kā Sa-la̍h kóng, " Góa hō͘ lí ê a-hiaⁿ chi̍t-chhìn gîn, chò lí tī choân ke bīn-chêng cha̍h ba̍k-chiu ê chîⁿ; taⁿ lí tī chèng lâng bīn-chêng bô tāichì à. "
20:17 A-bu-la-hàm kî-tó Siōng-tè, Siōng-tè chiū i hó A-mí-me-le̍k kah i ê bó͘, í-ki̍p i ê lú-pī, in chiū ē seⁿ kiáⁿ.
20:18 In-ūi Siōng-chú ūi tio̍h A-bu-la-hàm ê bó͘ Sa-la̍h ê iân-kò͘, í-keng hō͘ A-mí-me-le̍k chhù lāi ê chabó͘ lâng bē tàng seⁿ kiáⁿ.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。