民數記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
29:1 Sin-nî Hiàn ê Chè
( LBK 23: 23-25)
" Chhit goe̍h chhe-it, lín tio̍h ū sèng-hōe, lóng m̄ thang chò lô-tōng ê kang; che sī lín pûn sàu-kak ê ji̍t.
29:2 Lín tio̍h hiàn phang-phang ê sio-chè hō͘ Siōng-chú, to̍h-sī gû-káng-á chi̍t chiah, mî-iûⁿ-káng chi̍t chiah, bī-móa-nî ê iûⁿ-káng-á chhit chiah, lóng tio̍h bô khoat-tiám ê.
29:3 In ê sò͘-chè, ēng tiâu-hô iû ê iù mī-hún, ūi tio̍h chi̍t chiah gû-káng hiàn cha̍p-hūn chi saⁿ e-hoat, ūi tio̍h chi̍t chiah iûⁿ-káng hiàn gō͘-hūn chi-it e-hoat.
29:4 Ūi tio̍h hit chhit chiah iûⁿ-á, ta̍k chiah tio̍h hiàn cha̍p-hūn chi-it e-hoat.
29:5 Koh hiàn chi̍t chiah soaⁿ-iûⁿ-káng chò sio̍k-chōe-chè, kā lín sio̍k-chōe.
29:6 Chiahê sī ta̍k goe̍h chhe-it ê sio-chè kah i ê sò͘-chè, í-ki̍p tiāⁿtiāⁿ hiàn ê sio-chè kah in ê sò͘-chè, í-ki̍p i ê koàn-tiān, kok chiàu i ê lē í-gōa, lóng chò phang-phang ê hóe-chè hiàn hō͘ Siōng-chú. "
29:7 Sio̍k-chōe-ji̍t Hiàn ê Chè
( LBK 23: 26-32)
" Chhit goe̍h chhe-cha̍p, lín tio̍h ū sèng-hōe, tio̍h khek-khó͘ kakī ê sim, lóng m̄ thang chò-kang.
29:8 Lín tio̍h hiàn phang-phang ê sio-chè hō͘ Siōng-chú, to̍h-sī gû-káng-á chi̍t chiah, mî-iûⁿ-káng chi̍t chiah, bī-móa-nî ê iûⁿ-káng-á chhit chiah, lóng tio̍h bô khoat-tiám ê.
29:9 In ê sò͘-chè, ēng tiâu-hô iû ê iù mī-hún, ūi tio̍h chi̍t chiah gû-káng hiàn cha̍p-hūn chi saⁿ e-hoat, ūi tio̍h chi̍t chiah iûⁿ-káng hiàn gō͘-hūn chi-it e-hoat;
29:10 Ūi tio̍h hit chhit chiah iûⁿ-á, ta̍k chiah tio̍h hiàn cha̍p-hūn chi-it e-hoat.
29:11 Koh hiàn chi̍t chiah soaⁿ-iûⁿ-káng chò sio̍k-chōe-chè, che sī tī sio̍k-chōe-chè kah tiāⁿtiāⁿ hiàn ê sio-chè kah in ê sò͘-chè, í-ki̍p in ê koàn-tiān í-gōa. "
29:12 Tòa-pêⁿ-cheh Hiàn ê Chè
( LBK 23: 33-44)
" Chhit goe̍h cha̍p-gō͘, lín tio̍h ū sèng-hōe, lóng m̄ thang chò lô-tōng ê kang; tio̍h chhit kang siú cheh ho̍k-sāi Siōng-chú.
29:13 Lín tio̍h hiàn sio-chè chò phang-phang ê hóe-chè hō͘ Siōng-chú, to̍h-sī sè chiah ê gû-káng-á cha̍p-saⁿ chiah, mî-iûⁿ-káng nn̄g chiah, bī-móa-nî ê iûⁿ-á cha̍p-sì chiah, lóng tio̍h bô khoat-tiám ê.
29:14 In ê sò͘-chè ēng tiâu-hô iû ê iù mī-hún, ūi tio̍h chit cha̍p-saⁿ chiah gû-káng, ta̍k chiah gû-káng hiàn cha̍p-hūn chi saⁿ e-hoat, ūi tio̍h nn̄g chiah mî-iûⁿ-káng, ta̍k chiah mî-iûⁿ-káng hiàn gō͘-hūn chi-it e-hoat.
29:15 Ūi tio̍h hit cha̍p-sì chiah iûⁿ-á, ta̍k chiah iûⁿ-á hiàn cha̍p-hūn chi-it e-hoat.
29:16 Mā hiàn chi̍t chiah soaⁿ-iûⁿ-káng chò sio̍k-chōe-chè, che sī tī tiāⁿtiāⁿ hiàn ê sio-chè kah i ê sò͘-chè kah i ê koàn-tiān í-gōa.
29:17 " Tē-jī ji̍t tio̍h hiàn sè chiah gû-káng-á cha̍p-jī chiah, mî-iûⁿ-káng nn̄g chiah, bī-móa-nî ê iûⁿ-á cha̍p-sì chiah, lóng tio̍h bô khoat-tiám ê;
29:18 Mā ūi tio̍h gû-káng, iûⁿ-káng kah iûⁿ-á, sòa hiàn i ê sò͘-chè, i ê koàn-tiān, lóng chiàu in ê sò͘-gia̍h, chiàu hit-ê lē;
29:19 Mā hiàn chi̍t chiah soaⁿ-iûⁿ-káng chò sio̍k-chōe-chè, che sī tī tiāⁿtiāⁿ hiàn ê sio-chè kah i ê sò͘-chè kah i ê koàn-tiān í-gōa.
29:20 " Tē-saⁿ ji̍t tio̍h hiàn gû-káng-á cha̍p-it chiah, mî-iûⁿ-káng nn̄g chiah, bī-móa-nî ê iûⁿ-á cha̍p-sì chiah, lóng tio̍h bô khoat-tiám ê;
29:21 mā ūi tio̍h gû-káng, iûⁿ-káng kah iûⁿ-á, sòa hiàn i ê sò͘-chè, i ê koàn-tiān, lóng chiàu in ê sò͘-gia̍h, chiàu hit-ê lē.
29:22 Mā hiàn chi̍t chiah soaⁿ-iûⁿ-káng chò sio̍k-chōe-chè, che sī tī tiāⁿtiāⁿ hiàn ê sio-chè kah i ê sò͘-chè kah i ê koàn-tiān í-gōa.
29:23 " Tē-sì ji̍t tio̍h hiàn gû-káng-á cha̍p chiah, mî-iûⁿ-káng nn̄g chiah, bī-móa-nî ê iûⁿ-á cha̍p-sì chiah, lóng tio̍h bô khoat-tiám ê.
29:24 Mā ūi tio̍h gû-káng, iûⁿ-káng kah iûⁿ-á, sòa hiàn i ê sò͘-chè, i ê koàn-tiān, lóng chiàu in ê sò͘-gia̍h, chiàu hit-ê lē;
29:25 Mā hiàn chi̍t chiah soaⁿ-iûⁿ-káng chò sio̍k-chōe-chè, che sī tī tiāⁿtiāⁿ hiàn ê sio-chè, kah i ê sò͘-chè, kah i ê koàn-tiān í-gōa.
29:26 " Tē-gō͘ ji̍t tio̍h hiàn gû-káng-á káu chiah, mî-iûⁿ-káng nn̄g chiah, bī-móa-nî ê iûⁿ-á cha̍p-sì chiah, lóng tio̍h bô khoat-tiám ê.
29:27 Mā ūi tio̍h gû-káng, iûⁿ-káng kah iûⁿ-á, sòa hiàn i ê sò͘-chè, i ê koàn-tiān, lóng chiàu in ê sò͘-gia̍h, chiàu hit-ê lē.
29:28 Mā hiàn chi̍t chiah soaⁿ-iûⁿ-káng chò sio̍k-chōe-chè, che sī tī tiāⁿtiāⁿ hiàn ê sio-chè kah i ê sò͘-chè kah i ê koàn-tiān í-gōa.
29:29 " Tē-la̍k ji̍t tio̍h hiàn gû-káng-á peh chiah, mî-iûⁿ-káng nn̄g chiah, bī-móa-nî ê iûⁿ-á cha̍p-sì chiah, lóng tio̍h bô khoat-tiám ê.
29:30 Mā ūi tio̍h gû-káng, iûⁿ-káng kah iûⁿ-á, sòa hiàn i ê sò͘-chè, i ê koàn-tiān, lóng chiàu in ê sò͘-gia̍h, chiàu hit-ê lē.
29:31 Mā hiàn chi̍t chiah soaⁿ-iûⁿ-káng chò sio̍k-chōe-chè, che sī tī tiāⁿtiāⁿ hiàn ê sio-chè kah i ê sò͘-chè kah i ê koàn-tiān í-gōa.
29:32 " Tē-chhit ji̍t tio̍h hiàn gû-káng-á chhit chiah, mî-iûⁿ-káng nn̄g chiah, bī-móa-nî ê iûⁿ-á cha̍p-sì chiah, lóng tio̍h bô khoat-tiám ê.
29:33 Mā ūi tio̍h gû-káng, iûⁿ-káng kah iûⁿ-á, sòa hiàn i ê sò͘-chè, i ê koàn-tiān, lóng chiàu in ê sò͘-gia̍h, chiàu hit-ê lē.
29:34 Mā hiàn chi̍t chiah soaⁿ-iûⁿ-káng chò sio̍k-chōe-chè, che sī tī tiāⁿtiāⁿ hiàn ê sio-chè kah i ê sò͘-chè kah i ê koàn-tiān í-gōa.
29:35 " Tē-peh ji̍t lín tio̍h ū giâm-siok-hōe, lóng m̄ thang chò lô-tōng ê kang.
29:36 Lín tio̍h hiàn sio-chè chò phang-phang ê hóe-chè hō͘ Siōng-chú, to̍h-sī gû-káng chi̍t chiah, mî-iûⁿ-káng chi̍t chiah, bī-móa-nî ê iûⁿ-á chhit chiah, lóng tio̍h bô khoat-tiám ê.
29:37 Mā ūi tio̍h gû-káng, iûⁿ-káng kah iûⁿ-á, sòa hiàn i ê sò͘-chè, i ê koàn-tiān, lóng chiàu in ê sò͘-gia̍h, chiàu hit-ê lē.
29:38 Mā hiàn chi̍t chiah kang ê soaⁿ-iûⁿ chò sio̍k-chōe-chè, che sī tī tiāⁿtiāⁿ hiàn ê sio-chè kah i ê sò͘-chè kah i ê koàn-tiān í-gōa.
29:39 " Tī lín chiahê cheh-kî, tio̍h ēng chiahê mi̍h hiàn hō͘ Siōng-chú, lóng tī só͘ hē ê goān kah kam-sim só͘ hiàn ê í-gōa, chò lín ê sio-chè, sò͘-chè, koàn-tiān kah pêng-an-chè. "
29:40 Siōng-chú só͘ bēng-lēng Mô͘-se ê, Mô͘-se chiū chiàu ánne lóng kā I-su-la-el lâng kóng.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。