利未記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
12:1 Sán-hū Kiat-chēng-lé ê Kui-tēng
Siōng-chú hoan-hù Mô͘-se kóng,
12:2 " Lí tio̍h hoan-hù I-su-la-el lâng kóng, nā ū chabó͘ lâng hoâi-īn seⁿ chapo͘ kiáⁿ, i chiū bô chheng-khì chhit ji̍t kah tī keng-kî lāi lahsap ê ji̍t bô chheng-khì sio-siâng.
12:3 Hitê eⁿ-á kàu tē-peh ji̍t tio̍h siū kat-lé.
12:4 Cha-bó͘ lâng iáu teh lâu hoeh, tio̍h tiàm tī i ê chhù saⁿ-cha̍p saⁿ ji̍t. Chheng-khì ê ji̍t iáu-bōe móa, m̄ thang bong sèng ê mi̍h, mā m̄ thang ji̍p-khì sèng ê só͘-chāi.
12:5 " I nā seⁿ chabó͘ kiáⁿ, chiū bô chheng-khì nn̄g-ê chhit ji̍t, chhin-chhiūⁿ tī keng-kî ê sî sio-siâng; nā iáu teh lâu hoeh, tio̍h tiàm tī i ê chhù la̍k-cha̍p-la̍k ji̍t chiah chheng-khì.
12:6 " Tī i chheng-khì ê ji̍t móa, bô-lūn sī ūi chapo͘ kiáⁿ á-.sī chabó͘ kiáⁿ, i tio̍h ēng bī-móa-nî ê iûⁿ-á chò sio-chè, chi̍t chiah hún-chiáu-kiáⁿ á-.sī chi̍t chiah pan-kah chò sio̍k-chōe-chè, tòa kàu hōe-bō͘ mn̂g-kháu kau-tài chè-si.
12:7 Chè-si tio̍h hiàn tī Siōng-chú ê bīn-chêng, ūi i sio̍k-chōe, i ê hoeh-goân chiū chheng-khì. " Che to̍h-sī chabó͘ lâng seⁿ chapo͘ kiáⁿ á-.sī seⁿ chabó͘ kiáⁿ ê kui-lē.
12:8 I ê khùi-la̍t nā bô kàu-gia̍h thang hiàn chi̍t chiah iûⁿ-á, i chiū tio̍h ēng nn̄g chiah pan-kah á-.sī nn̄g chiah hún-chiáu-kiáⁿ, chi̍t chiah chò sio-chè, chi̍t chiah chò sio̍k-chōe-chè. Chè-si tio̍h thè i sio̍k-chōe, i chiū chheng-khì. "
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。