帖撒羅尼迦後書 線上收聽:中文和合本 現代中文譯本修訂版 現代台語 台語聖經 台語(長老會傳播中心授權） 客語 現代客語 福州話 粵語和合本 希臘文(WH-NT) 下載檔案 關於語音聖經
2:1 Chú ê Ji̍t Kàu à
Hiaⁿ-tī chí-mōe, koan-hē lán ê Chú I-é-su Ki-tok ê chài-lîm, í-ki̍p lán siū tiàu-chi̍p kah I chò-hóe ê tāichì, goán khún-kiû lín,
2:2 Nā ū lâng ká-mō͘ goán ê miâ kóng goán ū ī-giân á-.sī thoân-káng á-.sī siá phoe kóng, " Chú ê ji̍t chitmá kàu à", lín ê sim m̄ thang sûi-piān iô-tāng, mā m̄ thang kiaⁿ-hiâⁿ.
2:3 Lâng bô-lūn ēng siáⁿ-mi̍h hong-hoat, lóng m̄ thang hō͘ i phiàn-.khì, in-ūi hit ji̍t beh kàu chìn-chêng, it-tēng seng ū pōe-kàu ê tāichì hoat-seng, mā ū put-hoat ê lâng, to̍h-sī chù-tiāⁿ bia̍t-bông ê lâng ē chhut-hiān.
2:4 Hitê lâng hoán-tùi só͘-ū ê sîn-bêng á-.sī kèng-pài ê tùi-siōng, koh kiau-ngō͘ kóng iâⁿ-kòe it-chhè, sīm-chì khì chē tī Siōng-tè ê sèng-tiān, chū-chheng chò Siōng-tè.
2:5 Góa iáu kah lín chò-hóe ê sî, bat kā lín kóng chiahê tāichì, lín kám bē kì-.tit?
2:6 Lín lóng chai, chitmá siáⁿ-mi̍h teh chó͘-tòng hit-ê put-hoat ê lâng, hō͘ i sî-kî kàu chiah chhut-hiān.
2:7 In-ūi hit-ê put-hoat ê sîn-pì sè-le̍k í-keng khai-sí teh ūn-chok, to̍k-to̍k tio̍h tán kàu chó͘-tòng ê sè-le̍k thiat-lī liáu-āu chiah ē hoat-seng.
2:8 Hit sî, put-hoat ê lâng ē chhut-hiān. Chú I-é-su chài-lîm ê sî, ē ēng I ê chhùi thò͘ chi̍t-kháu khì lâi kā i thâi-sí, ēng I chài-lîm hián-hiān ê êng-kng kā i siau-bia̍t.
2:9 Hitê put-hoat ê lâng lîm-kàu ê sî, óa-khò Sa-tán ta̍k chióng ê koân-sè, lâi kiâⁿ ké sîn-jiah kah kî-sū.
2:10 I koh ēng kok chióng put-gī ê kúi-kè, lâi khi-phiàn hiahê teh beh bia̍t-bông ê lâng, in-ūi in bô chiap-la̍p ē-tàng hō͘ in tit-kiù ê chin-lí.
2:11 In-ūi ánne, Siōng-tè hō͘ in sán-seng kiông-lia̍t ê chhò-kak, khì siong-sìn hiahê hi-ké.
2:12 Kiat-kó hō͘ hiahê m̄-sìn chin-lí, tian-tò ì-ài put-gī ê lâng lóng siū tēng chōe.
2:13 Kám-siā kah Kó͘-lē ê Kî-tó
Chú só͘ thiàⁿ ê hiaⁿ-tī chí-mōe, goán tio̍h put-sî ūi tio̍h lín kám-siā Siōng-tè, in-ūi Siōng-tè tùi khí-thâu to̍h kéng-soán lín lâi hō͘ lín tit-kiù, hō͘ lín óa-khò Sèng Sîn lâi chiâⁿ chò sèng-kiat ê chú-bîn, koh hō͘ lín siong-sìn chin-lí.
2:14 Siōng-tè thong-kòe goán só͘ thoân hō͘ lín ê hok-im ho͘-tiàu lín, lâi hióng-siū lán ê Chú I-é-su Ki-tok ê êng-kng.
2:15 Só͘-í, hiaⁿ-tī chí-mōe, lín tio̍h kian-tēng sìn-sim, kian-chhî chun-siú goán só͘ kà-sī lín ê chin-lí, bô-lūn sī ēng chhùi kóng ê á-.sī ēng phoe siá ê, it-chhè só͘ ha̍k-si̍p ê lóng tio̍h chun-siú.
2:16 Goān thiàⁿ lán ê Chú I-é-su Ki-tok kah lán ê Thiⁿ-pē Siōng-tè, ēng I ê un-tián siúⁿ-sù hō͘ lán éng-oán ê an-ùi kah bí-hó ê ǹg-bāng,
2:17 Lâi an-ùi lín ê sim, hō͘ lín ū khùi-la̍t thang chò ta̍k hāng hó sū, soan-káng ta̍k chióng ê hó ōe.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。