歌羅西書 線上收聽:中文和合本 現代中文譯本修訂版 現代台語 台語聖經 台語(長老會傳播中心授權） 客語 現代客語 福州話 粵語和合本 希臘文(WH-NT) 下載檔案 關於語音聖經
4:1 Chò chú-lâng ê, tio̍h ēng chèng-gī kah kong-pêⁿ tùi-thāi lín ê lô͘-po̍k, tio̍h ē kì-tit lín tī thiⁿ-téng mā ū chi̍t-ê Chú.
4:2 Khoàn-bián
Tio̍h put-toān choan-sim kî-tó, kî-tó ê sî tio̍h kéng-séng, tio̍h kám-siā Siōng-tè.
4:3 Mā tio̍h ūi goán kî-tó, kî-kiû Siōng-tè koh hō͘ goán ū thoân tō-lí ê ki-hōe, thang soan-iông Ki-tok ê ò-pì. Góa ūi tio̍h chit-ê tāichì chiah teh chē-kaⁿ.
4:4 Chhiáⁿ ūi góa kî-tó, hō͘ góa ē-tàng kā eng-kai kóng ê ò-pì lóng kóng chheng-chhó.
4:5 Tio̍h pá-ak ki-hōe, tùi-thāi bī-sìn-chiá tio̍h ū tì-hūi.
4:6 Kóng-ōe tio̍h un-hô, chhin-chhiūⁿ ēng iâm tiâu-bī, tio̍h liáu-kái án-chóaⁿ lâi ìn-tap múi chi̍t-ê lâng.
4:7 Kiat-bóe ê Chhéng-an
Góa tī chia ê tāichì, góa só͘ thiàⁿ ê hiaⁿ-tī Tu-khi-kó͘ ē kā lín kóng, i kah góa chò-hóe tiong-si̍t teh chò chú ê kang, lóng sī Chú ê lô͘-po̍k.
4:8 In-ūi ánne, góa thiau-kang chhe-phài i khì lín hia, hō͘ lín chai goán tī chia ê chêng-hêng, thang hō͘ lín ê sim tit tio̍h kó͘-lē.
4:9 O-ne-si-mô͘ ē kah i chò-hóe khì, i sī tiong-si̍t thang thiàⁿ ê hiaⁿ-tī, mā sī lín hia ê lâng. In ē kā góa tī chia ê tāichì lóng kā lín pò-kò.
4:10 Kah góa chò-hóe chē-kaⁿ ê A-lí-su-ta̍t-khó͘ kah Ba-ná-ba ê piáu sió-tī Má-khó, beh kā lín chhéng-an; koan-hē Má-khó, góa í-keng kā lín hoan-hù kòe; i nā khì-kàu lín hia, chhiáⁿ lín tio̍h kā i chiap-la̍p.
4:11 Hitê kiò-chò Iû-sú-toh ê I-é-su mā kā lín chhéng-an. Tī Iô-tá-iah lâng ê sìn-tô͘ tiong-kan, kantaⁿ téng-bīn chit Sam-ūi ūi tio̍h Siōng-tè kok-tō͘ kah góa tâng-kang, in hō͘ góa tit tio̍h chin tōa ê an-ùi.
4:12 Tùi lín hia lâi, Ki-tok I-é-su ê lô͘-po̍k Ê-pa-hú-lah beh kā lín chhéng-an, i tiāⁿtiāⁿ ūi lín pek-chhiat kî-tó, kiû Siōng-tè hō͘ lín khiā chāi, chhiong-móa khak-sìn, oân-choân sūn-ho̍k Siōng-tè ê chí-ì.
4:13 Góa thang chèng-bêng, i khak-si̍t ūi tio̍h lín kah tī Lâu-tí-kiah í-ki̍p Hi-la-pó-lih ê lâng lô-khó͘ chò-kang.
4:14 Góa chhin-ài ê Lū-ka i-seng kah Tê-má beh kā lín chhéng-an.
4:15 Chhiáⁿ thè góa kā tī Lâu-tí-kiah hiahê hiaⁿ-tī chí-mōe kah Num-ha̍h, í-ki̍p tī in tau teh chū-hōe ê sìn-tô͘ chhéng-an.
4:16 Chit-ê phoe tha̍k-liáu, tio̍h siat-hoat choán hō͘ Lâu-tí-kiah lâng ê kàu-hōe tha̍k. Lín mā tio̍h tha̍k tùi Lâu-tí-kiah choán lâi ê phoe.
4:17 Tio̍h kā A-khip-pò͘ kóng, " Tio̍h kín-sīn lâi chīn lí tùi Chú só͘ niá-siū ê chit-hūn. "
4:18 Góa Páu-lô chhin-pit siá phoe kā lín chhéng-an. Lín tio̍h siàu-liām góa chitmá teh chē-kaⁿ. Goān Siōng-tè ê un-tián kah lín tông-chāi!
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。