哥林多後書 線上收聽:中文和合本 現代中文譯本修訂版 現代台語 台語聖經 台語(長老會傳播中心授權） 客語 現代客語 福州話 粵語和合本 希臘文(WH-NT) 下載檔案 關於語音聖經
9:1 Pang-chō͘ Tâng-sìn ê Hiaⁿ-tī
Koan-hē chín-chè Iô-tá-iah sìn-tô͘ ê tāichì, góa m̄-bián koh siá phoe hō͘ lín.
9:2 Góa chai lín jia̍t-sim pang-chān lâng, góa bat kā chit-hāng tāichì tùi Ma-ke-tó-niah lâng khoa-kháu, kóng, " A-kha-iah ê sìn-tô͘ tī kū-nî to̍h chún-pī piān. " Lín ê jia̍t-sim ū kám-tōng chin chē lâng.
9:3 Góa chhe-phài chiahê hiaⁿ-tī khì lín hia, ǹg-bāng lín chiàu góa kóng ê seng chún-pī piān, chiah bián góa tī chit-hāng tāichì só͘ khoa-kháu ê piàn-sêng khang-chhùi pō͘-chi̍h.
9:4 Nā bô, bān-it ū Ma-ke-tó-niah lâng kah góa chò-hóe khì, khòaⁿ tio̍h lín bô chún-pī piān, goán ē in-ūi siuⁿ-kòe siong-sìn, lín soah chin làu-khùi. Lín kám bē kám-kak koh khah làu-khùi?
9:5 Só͘-í, góa siūⁿ tio̍h khǹg hiahê hiaⁿ-tī liōng-chá khì lín hia, hoan-hù kā lín í-chêng só͘ tap-èng ê hōng-hiàn seng chún-pī piān, ánne góa kàu-ūi ê sî, lín í-keng chún-pī piān, piáu-sī lín ê hōng-hiàn m̄-sī bián-kióng, sī kam-sim lo̍k-ì ê.
9:6 Lín tio̍h ē kì-tit, chéng-chí iā chió ê lâng, siu-sêng to̍h chió; chéng-chí iā chē ê lâng, siu-sêng to̍h chē.
9:7 Só͘-í, ta̍k lâng tio̍h chiàu kakī só͘ koat-tēng ê lâi hōng-hiàn, m̄ thang m̄-kam, m̄ thang bián-kióng, in-ūi Siōng-tè thiàⁿ hoaⁿ-hí hōng-hiàn ê lâng.
9:8 Siōng-tè ē kā ta̍k hāng un-tián chhiong-móa tī lín tiong-kan, m̄ nā hō͘ lín sî-siông chhiong-chiok, koh ē-tàng chò ta̍k hāng hó sū.
9:9 Tú chiàu keng-tián só͘ kì-chài, I khóng-khài chín-chè sànchhiah lâng, I ê jîn-chû éng-oán chûn-chāi. (chù, SPh 112:9)
9:10 hit ūi siúⁿ-sù chéng-chí hō͘ iā chéng ê, mā siúⁿ-sù bí-niûⁿ hō͘ lâng chia̍h ê Siōng-tè, I ē siúⁿ-sù hō͘ lín su-iàu ê chéng-chí, mā ē ke-thiⁿ lín jîn-chû só͘ kiat ê kóe-chí.
9:11 Siōng-tè ē sî-siông hō͘ lín hù-chiok, thang sûi-sî chín-chè su-iàu ê lâng, hō͘ chin chē lâng in-ūi thong-kòe goán chiap tio̍h lín ê hōng-hiàn lâi kám-siā Siōng-tè.
9:12 In-ūi lín chit-ê ho̍k-sāi ê kang-chok, m̄ nā kái-koat sìn-tô͘ ê su-iàu, mā hō͘ chin chē lâng ke-thiⁿ in tùi Siōng-tè ê kám-siā.
9:13 Thong-kòe lín só͘ chò ê chit-hāng chû-siān kang-chok, chèng-si̍t lín ū sūn-ho̍k lín só͘ sêng-jīn ê Ki-tok hok-im, iū-koh khóng-khài chín-chè sànchhiah lâng, thang kui êng-kng hō͘ Siōng-tè.
9:14 Siōng-tè siúⁿ-sù hō͘ lín te̍k-pia̍t ê un-tián, hō͘ hiahê lâng koh khah kèng-ài lín, koh ūi lín kî-tó.
9:15 Tio̍h kám-siā Siōng-tè, I siúⁿ-sù hō͘ lán bē tàng kó͘-kè ê un-tián.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。