哥林多前書 線上收聽:中文和合本 現代中文譯本修訂版 現代台語 台語聖經 台語(長老會傳播中心授權） 客語 現代客語 福州話 粵語和合本 希臘文(WH-NT) 下載檔案 關於語音聖經
13:1 Thiàⁿ-sim — Phó͘-phiàn ê Sim-lêng Un-sù
Góa nā-chún ē-hiáu kóng kok chióng lâng ê ōe-gí, sīm-chì thiⁿ-sài ê im-gí, nā bô thiàⁿ-sim, góa kóng-ōe to̍h bē su teh kòng tōa-lô/, á-.sī teh phah nâ-poa̍h.
13:2 Góa nā-chún ū thoân hok-im ê un-sù, iū-koh liáu-kái só͘-ū ê ò-pì kah tì-sek, sīm-chì ū kian-kiông ê sìn-sim thang î-san tó-hái, nā bô thiàⁿ-sim, góa chiū lóng bô lō͘-ēng.
13:3 Góa nā kā só͘-ū ê châi-sán the̍h-lâi chín-chè, á-.sī hiàn seng-khu hō͘ hóe sio, nā bô thiàⁿ-sim, chiahê tāichì tùi góa chiū lóng bô lī-ek.
13:4 Thiàⁿ-sim sī khoan-iông koh chû-pi, thiàⁿ-sim sī bē oàn-tò͘, bē khoa-kháu, bē kiau-ngō͘,
13:5 Bē chò kiàn-siàu ê tāichì, bē kiû kakī ê lī-ek, bē khoài siū-khì, bē khioh-hūn,
13:6 Bē ài put-gī, chí ū ài chin-lí.
13:7 Thiàⁿ-sim ē pau-iông it-chhè, tùi ta̍k hāng tāichì lóng ū sìn-sim, lóng phō ǹg-bāng, lóng ē-tàng jím-nāi.
13:8 Thiàⁿ-sim éng-oán chûn-chāi, m̄ koh, thoân-káng sìn-sit ê un-sù sī chiām-sî ê; hiahê kóng kńg-chi̍h-ōe ê châi-tiāu ē bô-.khì, tì-sek mā ē bô-.khì.
13:9 In-ūi lán ê tì-sek bô oân-choân, thoân-káng Siōng-tè sìn-sit ê châi-tiāu mā bô oân-choân.
13:10 Oân-choân ê nā kàu, bô oân-choân ê chiū ē siau-sit-.khì.
13:11 Góa chò gín'á ê sî, kóng-ōe chhin-chhiūⁿ gín'á, sèng-chêng chhin-chhiūⁿ gín'á, ì-kiàn chhin-chhiūⁿ gín'á. Taⁿ góa í-keng tōa-lâng ā, chiū kā gín'á ê tāichì lóng pàng-sak.
13:12 Lán chitmá sī tùi kiàⁿ teh khòaⁿ, bū-bū bô bêng, m̄ koh, kàu hit sî chiū ē tng-thâu tùi-bīn, khòaⁿ-kah chheng-chheng chhó-chhó. Góa chitmá ê tì-sek bô oân-choân, m̄ koh, kàu hit sî chiū ē oân-choân liáu-kái, chhin-chhiūⁿ Siōng-tè oân-choân liáu-kái góa.
13:13 Taⁿ sìn, ng3bang7, thiàⁿ saⁿ hāng ē eng2oan2 chun5chai7, ki5tiong siōng tiong7iau3 ê sī thiàⁿ.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。