哥林多前書 線上收聽:中文和合本 現代中文譯本修訂版 現代台語 台語聖經 台語(長老會傳播中心授權） 客語 現代客語 福州話 粵語和合本 希臘文(WH-NT) 下載檔案 關於語音聖經
8:1 Chè-kòe Ngó͘-siōng ê Chia̍h-mi̍h
Koan-hē chè-kòe ngó͘-siōng ê mi̍h, lán chai lán lóng ū tì-sek. Tì-sek ē hō͘ lâng kiau-ngō͘, m̄ koh, thiàⁿ-sim ē chō-chiū lâng.
8:2 Lâng nā siūⁿ kóng i ū tì-sek, kî-si̍t i iáu m̄-chai i eng-kai chai ê.
8:3 Thiàⁿ Siōng-tè ê lô͘-po̍k to̍h-sī Siōng-tè só͘ bat ê lâng.
8:4 Só͘-í, koan-hē chia̍h chè-kòe ngó͘-siōng ê mi̍h, lán chai sè-kan ê ngó͘-siōng lóng m̄-sī chin ê; lán mā chai Siōng-tè chí ū chi̍t-ê, í-gōa bô pa̍t-ê.
8:5 Sûi-jiân tī thiⁿ-téng á-.sī tī tē-chiūⁿ ū hō͘ lâng kiò-chò " Sîn-bêng "ê, chhin-chhiūⁿ ū chin chē " Sîn ", chin chē " chú ",
8:6 M̄ koh lán siong-sìn, lán chí ū chi̍t-ê Siōng-tè, to̍h-sī Thiⁿ-pē, bān-mi̍h lóng sī I chhòng-chō ê, lán mā ūi tio̍h I lâi oa̍h. Lán chí ū chi̍t-ê Chú I-é-su Ki-tok, bān-mi̍h lóng thong-kòe I lâi chhòng-chō, lán mā thong-kòe I lâi seng-chûn.
8:7 Chóng-.sī, m̄-sī ta̍k lâng lóng ū chit khoán tì-sek. Ū lâng pài ngó͘-siōng koàn-sì, kàu taⁿ chia̍h hit-ê mi̍h ê sî iáu siūⁿ kóng sī teh chia̍h ngó͘-siōng ê mi̍h. In ê liông-sim loán-jio̍k, siūⁿ kóng ánne chiū ē hō͘ hit khoán chia̍h-mi̍h bak tio̍h lahsap.
8:8 Kî-si̍t chia̍h-mi̍h bē hō͘ lán khah chiap-kīn Siōng-tè; bô chia̍h bô sún-sit, chia̍h mā bô siáⁿ-mi̍h lī-ek.
8:9 To̍k-to̍k lán tio̍h kín-sīn, m̄ thang in-ūi lín ánne chò, soah chiâⁿ-chò nńg-chiáⁿ ê lâng ê sìn-gióng chó͘-gāi.
8:10 Nā ū lâng liông-sim nńg-chiáⁿ, khòaⁿ tio̍h lín chiahê ū tì-sek ê lâng chē tī ngó͘-siōng ê biō lāi lim-chia̍h, ánne kám m̄-sī teh kó͘-lē liông-sim nńg-chiáⁿ ê lâng khì chia̍h chè-kòe ngó͘-siōng ê mi̍h?
8:11 Hitê nńg-chiáⁿ ê sìn-tô͘, mā sī Ki-tok thè i sí ê lâng, ē in-ūi lín ê tì-sek lâi bia̍t-bông.
8:12 Lín ánne chò, sī tek-chōe lín ê hiaⁿ-tī á-.sī chí-mōe, siong tio̍h in nńg-chiáⁿ ê liông-sim, lín to̍h-sī tek-chōe Ki-tok.
8:13 Só͘-í, nā chia̍h-mi̍h ē hō͘ góa ê hiaⁿ-tī á-.sī chí-mōe ê sìn-gióng siū chó͘-gāi, góa choa̍t-tùi m̄-chia̍h chè-kòe ngó͘-siōng ê mi̍h, chiah bián hō͘ in tī sìn-gióng siōng poa̍h-tó.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。