利未記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
5:1 Tio̍h Hiàn Sio̍k-chōe-chè ê Kui-tēng
" Nā ū lâng hoān chōe, to̍h-sī thiaⁿ tio̍h chiùchōa ê siaⁿ, i pún-lâi tio̍h chò kiàn-chèng, chóng-.sī, só͘ khòaⁿ-.tio̍h á-.sī só͘ chai ê, i m̄-kóng, i tio̍h tam-tng i ê chōe.
5:2 " Nā ū lâng bô-ì-tiong bong tio̍h bô chheng-khì ê mi̍h, á-.sī bô chheng-khì ê siù ê sin-si, á-.sī bô chheng-khì ê chengseⁿ ê sin-si, á-.sī bô chheng-khì ê thâng-thōa ê sin-si, i sûi-jiân kakī mā m̄-chai, i chiū bô chheng-khì, i chiū sǹg-chò ū chōe.
5:3 " Á-sī i bong tio̍h pa̍t lâng ê bô chheng-khì, bô-lūn bak tio̍h siáⁿ-mi̍h bô chheng-khì ê mi̍h tì-sú bô chheng-khì, chóng-.sī, i kakī m̄-chai, kàu chi̍t ē chai, chiū sǹg-chò ū chōe.
5:4 " Á-sī ū lâng sûi-piān chiùchōa, chhùi kóng beh chò pháiⁿ, beh chò hó, bô-lūn lâng tī siáⁿ-mi̍h tāichì sûi-piān chiùchōa, i kakī ā m̄-chai, kàu chi̍t ē chai, chiū tī chiahê sū ê chi̍t-hāng, i sǹg-chò sī ū chōe.
5:5 " I tī chiahê sū ê chi̍t hāng ū chōe, chiū tio̍h sêng-jīn i só͘ hoān ê chōe.
5:6 Mā tio̍h in-ūi só͘ hoān ê chōe, tòa pó͘ kòe-si̍t ê chè kàu Siōng-chú ê bīn-chêng, to̍h-sī iûⁿ-kûn tiong ê bó ê, á-.sī mî-iûⁿ-á, á-.sī soaⁿ-iûⁿ chò sio̍k-chōe ê chè. Koan-hē i ê chōe, chè-si tio̍h ánne kā i sio̍k.
5:7 " I ê khùi-la̍t nā bô kàu-gia̍h thang hiàn chi̍t chiah iûⁿ-á, chiū tio̍h in-ūi i só͘ hoān ê chōe, ēng nn̄g chiah pan-kah á-.sī nn̄g chiah hún-chiáu-kiáⁿ, tòa kàu Siōng-chú ê bīn-chêng chò pó͘ kòe-si̍t ê chè, chi̍t chiah chò sio̍k-chōe-chè, chi̍t chiah chò sio-chè.
5:8 I tio̍h kā chiahê tòa kàu chè-si hia, chè-si chiū tio̍h tāi-seng hiàn hit chiah chò sio̍k-chōe-chè ê; tùi ām-kún chūn i ê thâu, chóng-.sī, m̄ thang kā i phòa-khui.
5:9 I mā tio̍h ēng chit-ê sio̍k-chōe-chè ê hoeh hiù tī tôaⁿ piⁿ, só͘ chhun lo̍h-.lâi ê hoeh tio̍h piàⁿ tī tôaⁿ-kha hō͘ i lâu, che sī sio̍k-chōe-chè.
5:10 I tio̍h chiàu lē hiàn tē-jī chiah chò sio-chè, koan-hē i só͘ hoān ê chōe, chè-si tio̍h chiàu ánne kā i sio̍k, i chiū ē tit tio̍h sià-bián.
5:11 " I ê khùi-la̍t nā bô kàu-gia̍h thang hiàn nn̄g chiah pan-kah á-.sī nn̄g chiah hún-chiáu-kiáⁿ, chiū tio̍h in-ūi i só͘ hoān ê chōe, tòa i ê lé-mi̍h lâi, to̍h-sī iù ê mī-hún cha̍p-hūn chi-it e-hoat, chò sio̍k-chōe-chè, m̄ thang lo̍h iû, mā m̄ thang chham jú-hiuⁿ, in-ūi che sī sio̍k-chōe-chè.
5:12 I tio̍h kā lé-mi̍h tòa kàu chè-si hia, chè-si tio̍h la̍k chi̍t la̍k, lâi chò i ê kì-liām, sio tī tôaⁿ téng, chiàu hiàn hō͘ Siōng-chú ê hóe-chè, che sī sio̍k-chōe-chè.
5:13 Koan-hē i tī chit kúi hāng tāichì ê tiong-kan só͘ hoān ê chi̍t hāng, chè-si tio̍h ánne kā i sio̍k, i chiū ē tit tio̍h sià-bián. Só͘ chhun lo̍h-.lâi ê lóng kui hō͘ chè-si kah sò͘-chè sio-siâng."
5:14 Sio̍k Pó͘ Kòe-si̍t ê Chè ê Kui-tēng
Siōng-chú hoan-hù Mô͘-se kóng,
5:15 " Lâng nā tī Siōng-chú ê sèng-mi̍h hoān chōe tì-sú ū kòe-sit, chiū tio̍h ēng pó͘ kòe-si̍t ê chè lâi hiàn hō͘ Siōng-chú, chiàu lí só͘ kó͘ si-khel ê gîn, to̍h-sī chiàu sèng-só͘ ê si-khel, tùi iûⁿ-kûn tiong chhú bô khoat-tiám ê mî-iûⁿ-káng, lâi chò pó͘ kòe-si̍t ê chè.
5:16 I koh in-ūi tī sèng-mi̍h ê chhò-gō͘ tio̍h pôe, lēng-gōa tio̍h ke gō͘-hūn chi-it kau hō͘ chè-si. Chè-si tio̍h ēng pó͘ kòe-si̍t ê chè ê mî-iûⁿ-káng, thè i sio̍k-chōe, i chiū ē tit tio̍h sià-bián.
5:17 " Nā ū lâng hoān chōe chò Siōng-chú só͘ bēng-lēng m̄ thang kiâⁿ ê chi̍t hāng sū, i sûi-jiân m̄-chai mā sī ū chōe, chiū tio̍h tam-tng i ê chōe.
5:18 I tio̍h chiàu lí só͘ kó͘ ê, tùi iûⁿ-kûn tiong khan chi̍t chiah bô khoat-tiám ê mî-iûⁿ-káng, lâi kau hō͘ chè-si chò pó͘ kòe-si̍t ê chè, in-ūi i sit-gō͘ hoān-.tio̍h, i mā m̄-chai, chè-si chiū thè i sio̍k-chōe, i chiū ē tit tio̍h sià-bián.
5:19 Che sī pó͘ kòe-si̍t ê chè, in-ūi i tī Siōng-chú ê bīn-chêng si̍t-chāi ū kòe-sit.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。