利未記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
2:1 Sò͘-chè ê Kui-tēng
" Nā ū lâng hiàn sò͘-chè chò lé-mi̍h hō͘ Siōng-chú, tio̍h ēng iù ê mī-hún chò i ê lé-mi̍h, tio̍h thîn iû tī hit téng-bīn, hē jú-hiuⁿ tī hit téng-bīn.
2:2 Tòa kàu A-lông ê kiáⁿ-sun chò chè-si ê hia, i chiū tùi iù ê mī-hún tiong chhú chi̍t pé chhut-.lâi kah tām-po̍h-á iû, í-ki̍p só͘-ū ê jú-hiuⁿ, chè-si chiū kā i sio tī tôaⁿ téng chò kì-liām, sī hiàn hō͘ Siōng-chú chò phang-phang ê hóe-chè.
2:3 Sò͘-chè só͘ chhun lo̍h-.lâi ê, tio̍h kui hō͘ A-lông kah i ê kiáⁿ-sun; che sī hiàn hō͘ Siōng-chú hóe-chè tiong chò chì-sèng ê.
2:4 " Lí nā tòa hóe-lô͘ só͘ piak ê lé-mi̍h chò sò͘-chè, tio̍h ēng iù mī-hún ê bô-kàⁿ piáⁿ, ēng iû tiâu-hô ê á-.sī ēng iû boah ê bô-kàⁿ ê po̍h piáⁿ.
2:5 Nā ēng chian-pôaⁿ chian ê lé-mi̍h chò sò͘-chè, chiū tio̍h ēng tiâu-hô iû ê bô-kàⁿ iù mī-hún.
2:6 Tio̍h peh kui tè, thîn iû tī téng-bīn, che sī sò͘-chè.
2:7 Nā ēng tiáⁿ chú ê lé-mi̍h chò sò͘-chè, chiū tio̍h ēng iû kah iù mī-hún chò.
2:8 Tio̍h kā chiahê mi̍h chò sò͘-chè, tòa kàu Siōng-chú ê bīn-chêng, kau-tài chè-si, hō͘ i tòa kàu tôaⁿ chêng.
2:9 Chè-si tio̍h tùi sò͘-chè tiong the̍h-chhut chò kì-liām ê, sio tī tôaⁿ téng, che sī hiàn hō͘ Siōng-chú chò phang-phang ê hóe-chè.
2:10 Sò͘-chè só͘ chhun lo̍h-.lâi ê tio̍h kui hō͘ A-lông kah i ê kiáⁿ-sun, che sī hiàn hō͘ Siōng-chú ê hóe-chè tiong chò chì-sèng ê.
2:11 " Kiàn-nā lín hiàn hō͘ Siōng-chú ê sò͘-chè, lóng m̄ thang ēng kàⁿ lâi chò, in-ūi kàⁿ kah bi̍t lín lóng m̄ thang sio lâi chò hóe-chè, hiàn hō͘ Siōng-chú.
2:12 Chiahê mi̍h lín tio̍h hiàn hō͘ Siōng-chú, chò khí-thâu se̍k ê lé-mi̍h, chóng-.sī, m̄ thang khǹg tī tôaⁿ téng sio lâi chò phang-bī.
2:13 Kiàn-nā hiàn chò sò͘-chè ê lé-mi̍h, lóng tio̍h ēng iâm tiâu-hô; tī lí sò͘-chè ê téng-bīn m̄ thang khiàm-khoeh lín ê Siōng-tè só͘ li̍p-iok ê iâm. Lí it-chhè ê lé-mi̍h, lóng tio̍h phòe iâm lâi hiàn.
2:14 Nā ēng khí-thâu sêng-se̍k ê mi̍h chò sò͘-chè, hiàn hō͘ Siōng-chú chò lé-mi̍h, tio̍h ēng sin ê sūi, to̍h-sī kòe lún, kòe-hang ê hó ngó͘-kok, hiàn lâi chò lín khí-thâu sêng-se̍k ê sò͘-chè.
2:15 Mā tio̍h thîn iû tī hit téng-bīn, hē jú-hiuⁿ tī hit téng-bīn, che sī sò͘-chè.
2:16 Chè-si tio̍h kā hit tiong-kan chò kì-liām ê, to̍h-sī kòe-lún ê sūi chi̍t hūn kah iû chi̍t hūn, í-ki̍p it-chhè ê jú-hiuⁿ, lóng kā i sio, che sī hiàn hō͘ Siōng-chú ê hóe-chè.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。