出埃及記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
37:1 Chō Iok-kūi
( CAG 25: 10-22)
Be-cha-lel ēng chô-kia̍p chhâ chò kūi, tn̂g nn̄g tiú pòaⁿ, khoah tiú pòaⁿ, koân tiú pòaⁿ.
37:2 Lāi-gōa ēng sûn-kim pau khí-.lâi, sì-kho͘-ûi chò kim sòaⁿ-khí,
37:3 tī i ê sì-kha kā i chù sì-ê kim-khoân, chit pêng nn̄g khoân, hit pêng nn̄g khoân.
37:4 Ēng chô-kia̍p chhâ chò nn̄g ki kǹg, ēng kim pau khí-.lâi.
37:5 kā kǹg chhng tī kūi piⁿ ê khoân lāi, thang kng kūi.
37:6 Ēng sûn-kim chò si-un-só͘, tn̂g nn̄g tiú pòaⁿ, khoah tiú pòaⁿ.
37:7 Ēng kim chò nn̄g-ê ki-lō͘-peng, ēng chhia ê hong-hoat lâi chò, tī si-un-só͘ ê siang thâu,
37:8 chit thâu chi̍t-ê ki-lō͘-peng, hit thâu chi̍t-ê ki-lō͘-peng, nn̄g-ê ki-lō͘-peng tī si-un-só͘ ê siang thâu kah i liân chò chi̍t tè.
37:9 Nn̄g-ê ki-lō͘-peng koân-koân thí-khui si̍t, ēng in ê si̍t cha̍h si-un-só͘, in ê bīn sio-tùi; ki-lō͘-peng ê bīn àⁿ si-un-só͘.
37:10 Chō Kèng-toh
( CIG 25:23-30)
I ēng chô-kia̍p chhâ chò toh-á, tn̂g nn̄g tiú, khoah chi̍t tiú, koân tiú pòaⁿ,
37:11 ēng sûn-kim pau khí-.lâi, sì-kho͘-ûi kā i chò kim sòaⁿ-khí.
37:12 Toh-á ê sì-kho͘-ûi kok chò chi̍t pa-chiúⁿ khoah ê hoâiⁿ-niû, hoâiⁿ-niû téng ê sì-kho͘-ûi chò kim sòaⁿ-khí.
37:13 Kā i chù sì-ê kim-khoân, an-tì tī i ê sì-kha ê sì-ê kak.
37:14 An khoân ê só͘-chāi óa-kīn hoâiⁿ-niû, thang chhng kǹg lâi kng toh.
37:15 Ēng chô-kia̍p chhâ chò nn̄g ki kǹg, ēng kim pau khí-.lâi, thang kng toh.
37:16 Mā chò toh téng ê khì-kū, i ê pôaⁿ, óaⁿ, pân, poe thang lâi koàn-tiān, lóng ēng sûn-kim lâi chò.
37:17 Chō Teng-tâi
( CAG 25: 31-40)
I ēng sûn-kim chò teng-tâi, teng-tâi ê chō kah tiong thiāu, i ê poe, i ê ki, i ê hoe, lóng ēng phah ê hong-hoat, chò kui chō.
37:18 I ê piⁿ-á pun chhut la̍k ki, teng-tâi ê chit pêng ū saⁿ ki, teng-tâi ê hit pêng ū saⁿ ki;
37:19 chit pêng múi ki ū saⁿ-ê poe, khoán-sit chhin-chhiūⁿ hēng-hoe, ū ki koh ū hoe; hit pêng múi ki mā ū saⁿ-ê poe, khoán-sit chhin-chhiūⁿ hēng-hoe, ū ki koh ū hoe. Tùi teng-tâi pun chhut ê la̍k ki lóng sī ánne.
37:20 Teng-tâi thiāu ū sì-ê poe, khoán-sit chhin-chhiūⁿ hēng-hoe, ū i ê ki kah i ê hoe.
37:21 Nn̄g ki ê ē-bīn ū chi̍t ki kah i sio-liân, koh lēng-gōa nn̄g ki ê ē-bīn ū chi̍t ki kah i sio-liân, koh lēng-gōa nn̄g ki ê ē-bīn ū chi̍t ki kah i sio-liân; teng-tâi só͘ chhut ê la̍k ki lóng sī ánne.
37:22 Hiahê ki kah hiahê hoe lóng kah i liân chò chi̍t-ê, lóng ēng sûn-kim, chiàu phah ê hong-hoat lâi chò.
37:23 Mā kā i chò chhit-ê teng-chóaⁿ, í-ki̍p i ê chián kah i ê pôaⁿ, lóng ēng sûn-kim chò ê.
37:24 Chò teng-tâi kah só͘-ū ê khì-kū, ēng sûn-kim chi̍t tha-lan-t.
37:25 Chō Hiuⁿ-tôaⁿ
( CAG 30: 1-5)
I ēng chô-kia̍p chhâ chò hiuⁿ-tôaⁿ, tn̂g chi̍t tiú, khoah chi̍t tiú, khoán-sit sì-kak-hêng, koân nn̄g tiú, i hiahê kak kah tôaⁿ lóng liân chò chi̍t tè.
37:26 Tôaⁿ kah i ê téng-bīn kah i ê sì-kho͘-ûi kah i hiahê kak, lóng ēng sûn-kim pau khí-.lâi, mā tī i ê sì-kho͘-ûi chò kim sòaⁿ-khí.
37:27 Koh kā i chò nn̄g-ê kim-khoân, an-tì tī khí-sòaⁿ ê ē-bīn, chò tī tôaⁿ ê siang pêng nn̄g ki hoâiⁿ-koaiⁿ ê téng-bīn, chiahê khoân sī chò chhng kǹg ê lō͘-ēng, thang kng tôaⁿ.
37:28 Ēng chô-kia̍p chhâ chò kǹg, ēng kim pau khí-.lâi.
37:29 Chè-chō Iû kah Hiuⁿ
( CAG 30: 21-38)
Koh chiàu chò phang-bī ê hong-hoat, chò thang boah ê sèng-iû kah siōng-téng phang-liāu ê hiuⁿ.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。