路加福音 四福音合參 線上收聽:中文和合本 現代中文譯本修訂版 現代台語 台語聖經 台語(長老會傳播中心授權） 客語 現代客語 粵語和合本 希臘文(WH-NT) 下載檔案 關於語音聖經
3:1 Kiâⁿ Sé-lé Iô-há-neh ê Thoân-tō
( Mt 3: 1-12; Mk 1: 1-8; Ih 1: 19-28)
Lô-má hông-tè Tî-bé-lioh chē-ūi ê tē-cha̍p-gō͘ nî, Pún-tiu Pí-lia̍p-to chò Iô-tá-iah ê chóng-tok, He-lo̍t chò Ga-lí-la-iah séng hun-hong ê ông, i ê hiaⁿ-tī Hui-li̍p-pò͘ chò Î-tó͘-lá-iah kah To-la-kho-nî tē-hng hun-hong ê ông, Lū-sa-nî-a chò A-mí-lē-neh hun-hong ê ông.
3:2 An-na̍h kah Kai-a-hoah chò tōa-chè-si ê sî, Cha-kha-lī-a ê kiáⁿ Iô-há-neh, tī khòng-iá niá-siū Siōng-tè ê ōe.
3:3 Iô-há-neh chiū kàu Iol-tàn hô it-tài ê ta̍k só͘-chāi, soan-iông kóng, " Tio̍h hóe-kái lâi niá siū sé-lé, Siōng-tè chiū ē sià-bián lâng ê chōe. "
3:4 Chhin-chhiūⁿ I-sá-iah sian-ti tī i ê chheh-.ni̍h só͘ kì ê ōe, ū siaⁿ tī khòng-iá teh hoah, Tio̍h ūi Chú chún-pī tō-lō͘, ūi Chú siu-ti̍t I ê sió-lō͘.
3:5 Só͘-ū ê soaⁿ-kok lóng tio̍h thūn hō͘ i tīⁿ, chiahê tōa-sió ê soaⁿ-thâu lóng tio̍h siah hō͘ i kē. Oan-khiau ê lō͘ tio̍h chhú hō͘ i ti̍t, khâm-khia̍t ê lō͘ tio̍h siu hō͘ i pêⁿ.
3:6 Bān-bîn lóng ē khòaⁿ tio̍h Siōng-tè ê chín-kiù. '" (chù, ISI 40:3-5)
3:7 Iô-há-neh tùi chin chē lâi beh niá siū sé-lé ê lâng kóng, " Lín chiahê to̍k-chôa, siáⁿ lâng kéng-kò lín siám-phiah Siōng-tè teh beh hoat ê siū-khì?
3:8 Tio̍h ēng ji̍t-siông seng-oa̍h lâi chèng-bêng lín ê hóe-kái. M̄-thang kakī siūⁿ kóng, ' Ū A-bu-la-hàm chò goán ê chó͘-sian', in-ūi góa kā lín kóng, Siōng-tè ē-tàng tùi chiahê chio̍h-thâu chhut kiáⁿ-sun hō͘ A-bu-la-hàm.
3:9 Taⁿ pó͘-thâu í-keng tùi-chún chhiū thâu ā, só͘ ū bô kiat hó kóe-chí ê chhiū, lóng ē chhò khí-lâi hiat-lo̍h hóe. "
3:10 Chèng lâng mn̄g Iô-há-neh kóng, " Án-ne, goán tio̍h án-chóaⁿ chò khah hó? "
3:11 Iô-há-neh ìn kóng, " Ū nn̄g niá saⁿ ê lâng, tio̍h pun hō͘ bô saⁿ ê lâng; ū chia̍h-mi̍h ê lâng, mā tio̍h ánne chò. "
3:12 Ū chi̍t-kóa thiu-sòe ê lâng mā lâi beh niá siū sé-lé, in mn̄g Iô-há-neh kóng, " Lāu-su, goán tio̍h án-chóaⁿ chò chiah hó? "
3:13 Iô-há-neh tùi in kóng, " Kui-tēng ê sòe í-gōa, m̄ thang kā lâng ke thiu. "
3:14 Ū chi̍t-kóa peng-á mā mn̄g Iô-há-neh kóng, " Á goán tio̍h án-chóaⁿ chò? " I ìn kóng, " M̄-thang kā lâng khióng-hat the̍h-chîⁿ, m̄ thang kā lâng khà-iû, tùi lín só͘ niá ê sin-súi tio̍h boán-chiok. "
3:15 Tùi Iô-há-neh ê Hôe-èng
Jîn-bîn teh kî-thāi Ki-tok, sim-lāi lóng teh siūⁿ kóng Iô-há-neh bô tiāⁿ tio̍h to̍h-sī Ki-tok.
3:16 Iô-há-neh ìn kûn-chiòng kóng, " Góa ēng chúi kā lín sé-lé, to̍k-to̍k ū chi̍t ūi pí góa khah ū koân-lêng ê teh beh lâi, góa liân kā I thǹg ê to bē kham-tit; I beh ēng Sèng Sîn kah hóe kā lín sé-lé.
3:17 I ê chhiú the̍h pòa-ki, beh kā be̍h-tiâⁿ choân-pō͘ ê be̍h-á pòa chheng-khì, kā be̍h-á siu ji̍p-khì chhng-khò͘, m̄ koh, be̍h-hiūⁿ to̍h ēng bē hoa ê hóe sio-tiāu. "
3:18 Iô-há-neh thoân hok-im hō͘ bîn-chiòng ê sî, lóng ēng chin chē hong-hoat lâi khó͘-khǹg.
3:19 To̍k-to̍k Iô-há-neh chek-pī hun-hong ê ông He-lo̍t, in-ūi i chhiúⁿ-toa̍t sió-tī ê bó͘ He-ló-tiah, koh chò chin chē pháiⁿ tāichì.
3:20 Taⁿ He-lo̍t koh ke chi̍t hāng pháiⁿ tāichì, to̍h-sī kā Iô-há-neh koaiⁿ lo̍h kaⁿ.
3:21 I-é-su Siū Sé-lé
( Mt 3: 13-17; Mk 1: 9-11)
Chèng lâng niá siū sé-lé liáu-āu, I-é-su mā ū lâi niá siū sé-lé. I kî-tó ê sî, thiⁿ khui,
3:22 Sèng Sîn kàng-lîm tī I ê téng-bīn, hêng-chōng chhin-chhiūⁿ hún-chiáu, koh tùi thiⁿ ū siaⁿ kóng, " Lí sī góa só͘ thiàⁿ ê Kiáⁿ, góa chin kah-ì Lí. "
3:23 I-é-su ê Cho̍k-phó͘
( Mt 1:1-17)
I-é-su khai-sí thoân-tō ê sî chha-put-to saⁿ-cha̍p hòe. Chèng lâng khòaⁿ I sī Iô-sé-huh ê kiáⁿ, Iô-sé-huh sī He-lih ê kiáⁿ,
3:24 He-lih sī Má-that ê kiáⁿ, Má-that sī Lē-bī ê kiáⁿ, Lē-bī sī Me̍h-khi ê kiáⁿ, Me̍h-khi sī Ián-ná ê kiáⁿ, Ián-ná sī Iô-sé-huh ê kiáⁿ,
3:25 Iô-sé-huh sī Má-ta-sî-a ê kiáⁿ, Má-ta-sî-a sī A-mô͘-su ê kiáⁿ, A-mô͘-su sī Ná-om ê kiáⁿ, ná-om sī Ê-su-lih ê kiáⁿ, Ê-su-lih sī Nân-gái ê kiáⁿ,
3:26 Nân-gái sī Má-at ê kiáⁿ, Má-at sī Má-ta-sî-a ê kiáⁿ, Má-ta-sî-a sī Se-mé ê kiáⁿ, Se-mé sī Iô-sé-huh ê kiáⁿ, Iô-sé-huh sī Iô-tah ê kiáⁿ, Iô-tah sī Iô-a-ná ê kiáⁿ,
3:27 Iô-a-ná sī Lē-sah ê kiáⁿ, Lē-sah sī Só͘-lô-ba-pek ê kiáⁿ, Só͘-lô-ba-pek sī Sa-la-thi-el ê kiáⁿ, Sa-la-thi-el sī Nê-lí ê kiáⁿ,
3:28 Nê-lí sī Me̍h-khi ê kiáⁿ, Me̍h-khi sī A-tí ê kiáⁿ, A-tí sī Ko-sam ê kiáⁿ, Ko-sam sī Ê-má-tám ê kiáⁿ, Ê-má-tám sī El ê kiáⁿ, El sī Iô-sé ê kiáⁿ,
3:29 Iô-sé sī Ê-lī-e-chel ê kiáⁿ, Ê-lī-e-chel sī Iô-lîm ê kiáⁿ, Iô-lîm sī Má-that ê kiáⁿ, Má-that sī Lē-bī ê kiáⁿ,
3:30 Lē-bī sī Si-miān ê kiáⁿ, Si-miān sī Iô-tah ê kiáⁿ. Iô-tah sī Iô-sé-huh ê kiáⁿ, Iô-sé-huh sī Iô-nân ê kiáⁿ, Iô-nân sī É-lī-a-kim ê kiáⁿ,
3:31 É-lī-a-kim sī Me̍h-lé-a ê kiáⁿ, Me̍h-lé-a sī Mián-ná ê kiáⁿ, Mián-ná sī Mâ-tá-thah ê kiáⁿ, Mâ-tá-thah sī Ná-than ê kiáⁿ, Ná-than sī Ta-bi̍t ê kiáⁿ,
3:32 Ta-bi̍t sī I-é-sái ê kiáⁿ, I-é-sái sī O͘-biat ê kiáⁿ, O͘-biat sī Bô-oh-chuh ê kiáⁿ, Bô-oh-chuh sī Sal-mòng ê kiáⁿ, Sal-mòng sī Ná-sòng ê kiáⁿ,
3:33 Ná-sòng sī A-mí-ná-tap ê kiáⁿ, A-mí-ná-tap sī A-lâm ê kiáⁿ, A-lâm sī Ê-su-lòm ê kiáⁿ, Ê-su-lòm sī Hoa-lè-suh ê kiáⁿ, Hoa-lè-suh sī Iô-tah ê kiáⁿ,
3:34 Iô-tah sī Iâ-kop ê kiáⁿ, Iâ-kop sī Í-sak ê kiáⁿ, Í-sak sī A-bu-la-hàm ê kiáⁿ, A-bu-la-hàm sī Tha-la̍h ê kiáⁿ, Tha-la̍h sī Na-kho͘l ê kiáⁿ,
3:35 Na-kho͘l sī Se-luk ê kiáⁿ, Se-luk sī Le-ú ê kiáⁿ, Le-ú sī Hoa-le̍k ê kiáⁿ, Hoa-le̍k sī Ê-bel ê kiáⁿ, Ê-bel sī Se-la̍h ê kiáⁿ,
3:36 Se-la̍h sī Kai-nân ê kiáⁿ, Kai-nân sī Al-pak-sat ê kiáⁿ, Al-pak-sat sī Sé-mh ê kiáⁿ, Sé-mh sī Nó͘-ah ê kiáⁿ, nó͘-ah sī Le-me̍k ê kiáⁿ,
3:37 Le-me̍k sī Me-thu-se-la̍h ê kiáⁿ, Me-thu-se-la̍h sī Ê-no͘k ê kiáⁿ, Ê-no͘k sī Iá-lia̍t ê kiáⁿ, Iá-lia̍t sī Mâ-lé-lel ê kiáⁿ, Mâ-lé-lel sī Kai-nân ê kiáⁿ, Kai-nân sī Ê-nó͘-suh ê kiáⁿ,
3:38 Ê-nó͘-suh sī Siat ê kiáⁿ, Siat sī A-tám ê kiáⁿ, A-tám sī Siōng-tè ê kiáⁿ.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。