撒迦利亞書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
13:1 Tng hit ji̍t, ē ūi tio̍h Ta-bi̍t ê ke kah tòa tī Ê-lú-sa-lèm ê jîn-bîn khui chi̍t-ê chúi-chôaⁿ, sé-tû chōe-ok kah lahsap.
13:2 Siōng-chú Tû-tiāu Ngó͘-siōng kah Ké Sian-ti
Bān-kun ê Siōng-chú kóng, " Tng hit ji̍t, Góa beh tùi chit-ê só͘-chāi tû-khì ngó͘-siōng ê miâ, bô koh hō͘ lâng kì-liām i, mā beh hō͘ sian-ti kah ù-òe ê sîn-bêng lī-khui chit só͘-chāi.
13:3 Nā ū lâng ī-giân, seⁿ i ê pē-bú ē kā i kóng, ' Lí bē tàng oa̍h, in-ūi lí thok Siōng-chú ê miâ kóng pe̍h-chha̍t. ' Seⁿ i ê pē-bú, tī i ī-giân ê sî, ē kā i chha̍k-thàu.
13:4 Hit ji̍t, hiahê sian-ti ta̍k-ê tī in ī-giân ê sî, ē ūi tio̍h in ê ī-siōng lâi kiàn-siàu, bô koh chhēng ū mn̂g ê saⁿ lâi phiàn lâng.
13:5 I ē kóng, ' Góa m̄-sī sian-ti, góa sī choh-sit lâng; góa tùi sè-hàn chiū chò lâng ê lô͘-po̍k. '
13:6 Ū lâng ē mn̄g i kóng, ' Lí nn̄g chhiú ê tiong-kan sī siáⁿ-mi̍h siong? ' I ē ìn kóng, ' Che sī góa tī pêng-iú ê chhù lāi só͘ siū ê siong. '"
13:7 Siōng-tè ê Bo̍k-chiá Siū Thâi
Bān-kun ê Siōng-chú kóng, " To-kiàm, tio̍h khí-lâi kong-kek Góa ê bo̍k-chiá, mā kong-kek hit-ê kah Góa chò tâng-phōaⁿ ê lâng. Phah bo̍k-chiá, iûⁿ-kûn chiū sì-sòaⁿ; hiahê bî-sè-.ê, Góa beh oa̍t-tńg chhiú lâi kā in phah.
13:8 Chit-ê choân tē ê lâng, nn̄g hūn ē siū chián-tû lâi sí, chi̍t hūn ē lâu-.leh.
13:9 Góa beh hō͘ chit-ê saⁿ-hūn chi-it keng-kòe hóe, toàn-liān in chhin-chhiūⁿ teh toàn-liān gîn, chhì-thàm in chhin-chhiūⁿ teh chhì-thàm kim. In ē kiû-kiò Góa ê miâ, Góa beh kā in ìn. Góa beh kóng: Che sī Góa ê chú-bîn. In mā ē kóng, ' Siōng-chú sī góa ê Siōng-tè. '"
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。