撒迦利亞書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
6:1 Bé-chhia ê Ī-siōng
Góa koh gia̍h thâu khòaⁿ; lí khòaⁿ, ū sì tâi chhia tùi nn̄g-ê soaⁿ phāng chhut-.lâi, hiahê soaⁿ sī tâng ê soaⁿ.
6:2 Thâu chi̍t tâi chhia kòa chhiah bé, tē-jī tâi chhia kòa o͘ bé,
6:3 Tē-saⁿ tâi chhia kòa pe̍h bé, tē-sì tâi chhia kòa hoe-pan ê ióng bé.
6:4 Góa chiū ìn kah góa kóng-ōe ê sù-chiá kóng, " Góa ê chú ah, chiahê sī siáⁿ-mi̍h? "
6:5 Sù-chiá ìn góa kóng, " Chiahê to̍h-sī thiⁿ-téng sì-bīn ê hong, khiā tī choân tē ê Chú ê bīn-chêng, taⁿ tùi hia chhut-.lâi. "
6:6 Kòa o͘ bé ê chhia chhut-khì pak-hong, pe̍h bé tòe i ê āu-bīn; hoe-pan ê bé chhut-khì lâm-hong.
6:7 Ióng-ê bé chhut-.lâi, ài beh tī choân tē kiâⁿ lâi kiâⁿ khì. I kóng, " Chò lín khì, tī choân tē kiâⁿ lâi kiâⁿ khì. " In chiū tī choân tē kiâⁿ lâi kiâⁿ khì.
6:8 I kiò góa, kā góa kóng, " Lí khòaⁿ, khì pak-hong ê í-keng tī pak-hong an góa ê sim. "
6:9 Kā Io-siú-ah Tì Bián-liû
Siōng-chú ê ōe lîm-kàu góa, kóng,
6:10 " Lí tio̍h tùi hiahê siū lia̍h ê lâng ê tiong-kan, to̍h-sī tùi Hel-tāi, tùi To-bi-iah, tùi Ia-ta-iah niá-siū kim-gîn. Koh tī hit ji̍t lí tio̍h ji̍p-khì Che-hoán-iah ê kiáⁿ Io-si-iah ê chhù, to̍h-sī in tùi Ba-bú-lông tò tńg-lâi só͘ kàu ê chhù,
6:11 niá-siū kim-gîn chò bián-liû, tì tī Io-cha-tak ê kiáⁿ — tōa-chè-si Io-siú-ah ê thâu-khak,
6:12 tùi i kóng, bān-kun ê Siōng-chú ánne kóng, : Lí khòaⁿ, hit-ê kiò-chò chhiū-ki ê lâng, i ē tùi i ê kin-thâu hoat khí-.lâi, mā beh khí Siōng-chú ê tiān.
6:13 I ē khí Siōng-chú ê tiān, i mā ē tit tio̍h êng-kng, chē i ê pó-chō lâi tī-lí, mā beh tī i ê pó-chō chò chè-si, tī in nn̄g-ê ê tiong-kan ū hô-pêng ê kè-ōe.
6:14 Bián-liû beh kui tī He-lêm（ Chù, Mā kiò-chò Hel-tāi）, To-bi-iah, Ia-ta-iah kah Che-hoán-iah ê kiáⁿ — Hiân （ Chiū-sī Io-si-iah ）, hē tī Siōng-chú ê tiān chò kì-liām. "
6:15 Hn̄g ê lâng mā ē lâi, ū hūn tī khí Siōng-chú ê tiān, lín chiū ē chai sī bān-kun ê Siōng-chú chhe-phài góa lâi-kàu lín chia. Lín nā chù-ì chun-thàn Siōng-chú — lín ê Siōng-tè ê ōe, chiū ē ū chit-ê tāichì.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。