西番雅書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
2:1 Ho͘-io̍k Jîn-bîn Lâi Hóe-kái
M̄-chai kiàn-siàu ê jîn-bîn, lín eng-kai chū-chi̍p, tio̍h hōe-chi̍p!
2:2 Chiū-sī bēng-lēng iáu-bōe hoat-chhut ê chìn-chêng, ji̍t-chí kòe-.khì chhin-chhiūⁿ chho͘-khng, Siōng-chú tōa siū-khì iáu-bōe lîm-kàu lín ê chìn-chêng, Siōng-chú siū-khì ê ji̍t iáu-bōe lîm-kàu lín ê chìn-chêng, lín eng-kai chū-chi̍p.
2:3 Kiàn-nā tē-chiūⁿ khiam-sùn ê lâng, chun-thàn Siōng-chú hoat-tō͘ ê, lín tio̍h cháu-chhōe Siōng-chú, tio̍h chhōe kong-gī, tio̍h chhōe khiam-sùn, kiámchhái tī Siōng-chú siū-khì ê ji̍t, lín ū só͘-chāi thang siám-bih.
2:4 I-su-la-el Keh-piah Kok Tú tio̍h Chai-lān
In-ūi Ga-jah ē tú tio̍h siū khì-choa̍t, A-si-ke-lông ē hong-hùi. A-si-to͘t tī ji̍t tiong-tàu ê sî ē siū kóaⁿ-chhut, Ek-lóng mā ē tú tio̍h siū poe̍h khí-.lâi.
2:5 Tòa tī hái piⁿ ê Ke-le-thih cho̍k ū chai-hō ah! Ka-nân, Hui-lī-sū lâng ê tē, Siōng-chú ê ōe kā lín kong-kek, kóng: Góa beh húi-bia̍t lí, tì-sú bô lâng tòa tī hia.
2:6 Hái piⁿ ê tē ē piàn-chò chháu-tiûⁿ, ū bo̍k-chiá ê chháu-liâu, ū iûⁿ-kûn ê tiâu.
2:7 Hái-hōaⁿ ē hō͘ Iô-tah ke chhun lo̍h-.lâi ê jîn-bîn tit tio̍h, in ē tī hia chhī iûⁿ-kûn; ê-hng sî, in ē tó tī A-si-ke-lông chiahê chhù; in-ūi Siōng-chú — in ê Siōng-tè ē chiàu-kò͘ in, hō͘ in siū lia̍h ê lâng tò tńg-.lâi.
2:8 Góa bat thiaⁿ tio̍h Mô͘-ap ê húi-pòng kah Am-móng lâng ê khau-sé, to̍h-sī húi-pòng Góa ê chú-bîn, kakī pòng-tōa, kong-kek in ê kéng-kài.
2:9 In-ūi ánne, bān-kun ê Siōng-chú — I-su-la-el ê Siōng-tè kóng, " Góa kì-jiân sī oa̍h ê, Mô͘-ap ē chhin-chhiūⁿ So͘-tóm, Am-móng lâng ē chhin-chhiūⁿ Am-mo͘-la̍h, chhì-phè hoat ām-ām, choân tē ū iâm kheⁿ, éng-oán pha-hng. Góa ê jîn-bîn só͘ chhun lo̍h-.lâi ê ē kā in chhiúⁿ-kiap, Góa tī kok lāi só͘ lâu lo̍h-.lâi ê ē tit tio̍h in ê thó͘-tē chò sán-gia̍p. "
2:10 In tú tio̍h chit-ê tāichì, sī in-ūi in kiau-ngō͘, húi-pòng, koh kakī pòng-tōa, lâi kong-kek bān-kun ê Siōng-chú ê chú-bîn.
2:11 Siōng-chú ē tùi in hián-chhut ui-giâm, in-ūi I beh hō͘ sè-chiūⁿ chiahê sîn-bêng soe-jio̍k. Lia̍t kok chèng tó-sū ê jîn-bîn, ta̍k-ê tī i pún só͘-chāi kā I kèng-pài.
2:12 Kú-si̍t lâng, lín mā ē hō͘ Góa ê to thâi-sí.
2:13 I beh chhun chhiú kong-kek pak-hong, châu-bia̍t A-siul; hō͘ Ni-ne-beh pha-hng, ta-sò chhin-chhiūⁿ khòng-iá.
2:14 Lia̍t kok ê cháu-siù ē kui kûn tó tī hit tiong-kan; thê-ô͘ kah hô-ti ē hioh tī thiāu-táu; tī thang-á lāi ū háu ê siaⁿ, hō͘-tēng lóng ē siū húi-hoāi, pek-hiuⁿ chhâ pán í-keng lō͘-chhut.
2:15 Che sī iàn-lo̍k an-jiân seng-oa̍h bô chhau-hoân ê siâⁿ, sim-lāi siūⁿ kóng: Chí ū góa, góa í-gōa bô pa̍t-ê; taⁿ ná ē pha-hng kàu ánne, chiâⁿ-chò iá-siù tó ê só͘-chāi! Kiàn-nā tùi hia keng-kòe ê lâng, lóng ē khau-sé lâi iô chhiú.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。