彌迦書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
2:1 Pak-siap-chiá ê Miā-ūn
Tī bîn-chhn̂g tô͘-bô͘ chōe-kò, chō-chok kan-ok ê lâng, lí kàu thiⁿ-kng, in-ūi chhiú ū la̍t chiū khì chiàu ánne kiâⁿ, chit khoán lâng ū chai-hō!
2:2 In tham lâng ê chhân-hn̂g, chiū kā i chhiúⁿ-.lâi, tham lâng ê chhù-the̍h, chiū kā i chiàm khí-.lâi; in ap-chè lâng kah i ê ke, to̍h-sī lâng kah i ê sán-gia̍p.
2:3 Só͘-í, Siōng-chú ánne kóng: Lí khòaⁿ, Góa kè-ōe beh kàng chai-hō tī chit-ê cho̍k, lín bē tàng hō͘ i thoat-lī lín ê ām-kún; lín mā bē tàng thâu-khak gia̍h koân-koân lâi kiâⁿ, in-ūi chit-ê sî-sè chin bái.
2:4 Kàu hit ji̍t, lâng ē ēng sio̍k-gí kā lín phoe-phêng, koh ē ēng chhi-chhám ê ai-ko lâi ai-siong: Goán lóng soe-pāi! I piàn-ōaⁿ góa ê jîn-bîn ê hūn-gia̍h, i ē kā i î-sóa lī-khui góa kàu án-chóaⁿ? I kā goán ê chhân-tē pun hō͘ pōe-ge̍k ê lâng.
2:5 Só͘-í, tī Siōng-chú ê tōa hōe tiong, lí it-tēng bô lâng thang liam-khau khan chún-chîn.
2:6 In soan-káng: Lín m̄ thang soan-pò͘; in bô beh soan-pò͘ chiahê tāichì; lêng-jio̍k bô beh soah.
2:7 Lín tit tio̍h chheng-chò Iâ-kop ê ke, Siōng-chú ê Sèng Sîn kám sī e̍h chiⁿ-chiⁿ? Chiahê tāichì kám sī I só͘ chò ê? Góa ê ōe kám bô lī-ek tī kiâⁿ chèng-ti̍t ê lâng?
2:8 Siōng-chú ìn kóng, " Chòe-kīn chit kúi ji̍t, Góa ê jîn-bîn ē khí-lâi chhin-chhiūⁿ tùi-te̍k, tùi hiahê an-jiân keng-kòe, bô ài kau-chiàn ê lâng, chhiúⁿ i ê gōa-saⁿ kah lāi-saⁿ.
2:9 Góa ê jîn-bîn ê chabó͘ lâng, lín kā in kóaⁿ-chhut in an-lo̍k ê ke, koh kā Góa ê êng-kng, tùi in ê sè-hàn gín'á éng-oán chhiúⁿ-.khì.
2:10 Khí-.lâi! Lí khì! Chia m̄-sī lín an-hioh ê só͘-chāi; in-ūi tē í-keng hō͘ ù-òe só͘ pāi-hoāi, i ê pāi-hoāi chin siong-tiōng.
2:11 " Nā ū lâng kóng hàm-kó͘ kah pe̍h-chha̍t ōe, kóng: Góa beh tùi lín soan-pò͘ po̍h chiú kah kāu chiú, chit-ê lâng chiū beh chò chiahê jîn-bîn ê sian-ti. "
2:12 Èng-ín Ho̍k-heng
" Iâ-kop, Góa it-tēng beh kā lín chū-chi̍p, Góa it-tēng beh chio-chi̍p I-su-la-el chhun lo̍h-.lâi ê lâng; Góa beh kā in an-tì tī chi̍t-ê só͘-chāi, chhin-chhiūⁿ Bo-chu-la̍h ê iûⁿ, koh chhin-chhiūⁿ chháu-tiûⁿ tiong ê iûⁿ-kûn; in-ūi lâng-gia̍h chē, ē tōa-tōa soan-hoa. "
2:13 Kong-phòa ê lâng tī in ê thâu-chêng tńg-.khì; in kong-phòa ti̍t-ti̍t keng-kòe kàu siâⁿ mn̂g, koh tùi hia chhut-.lâi. In ê ông chò thâu kiâⁿ, Siōng-chú chhōa in khì.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。