阿摩司書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
6:1 I-su-la-el ê Húi-bia̍t
Tī Si-óng bô chhau-hoân ê, tī Sa-má-lī-a soaⁿ lia̍h-chò ún-tàng ê, tī bān-kok tiong chò tē-it kok ê siú-léng, to̍h-sī I-su-la-el ê chú-bîn só͘ kui-óa ê ū chai-hō!
6:2 Lín tio̍h khì Kal-neh lâi khòaⁿ, tùi hia khì-kàu tōa siâⁿ Ha-mat, koh lo̍h-khì Hui-lī-sū ê Gat, in kám ū pí chiahê kok khah iâⁿ? In ê kéng-kài kám ē pí lín ê kéng-kài khah khoah?
6:3 Lín kakī lia̍h-chò-kàng chai-hō ê ji̍t iáu koh hn̄g, hō͘ pō-gio̍k ê chō-ūi kīn-óa.
6:4 Lín tó tī chhiūⁿ-gê ê bîn-chhn̂g, theⁿ tī an-lo̍k í, chia̍h iûⁿ-kûn tiong ê iûⁿ-á kah tiâu lāi ê gû-á ê bah,
6:5 tôaⁿ khîm, tôaⁿ sek, chhiùⁿ kakī sûi-ì pian ê koa-khek, ūi kakī chò ga̍k-khì, chhin-chhiūⁿ Ta-bi̍t.
6:6 Ēng óaⁿ lim chiú, ēng siōng hó ê iû boah kakī, chóng-.sī, bô ūi Iô-sé-huh ê pāi-hoāi tam-iu.
6:7 Só͘-í, in ē tī siū lia̍h ê lâng ê tiong-kan tāi-seng siū lia̍h; theⁿ tī an-lo̍k í ê lâng ê iàn-lo̍k ē bô-.khì.
6:8 Chì-koân Siōng-chú kí kakī lâi chiùchōa kóng: Góa thó-ià Iâ-kop ê êng-hôa, oàn-hūn i ê kiong-tiān; in-ūi ánne, Góa beh kā siâⁿ kah kî-tiong só͘-ū ê lóng kau-hù hō͘ tùi-te̍k.
6:9 Hit sî, nā chhun cha̍p-ê lâng tī chi̍t keng chhù, mā lóng ē sí-.khì.
6:10 Sí-lâng ê chhin-cho̍k, to̍h-sī sio i ê sin-si ê kā i hû khí-.lâi, beh tòa i ê si-hâi chhut-khì chhù gōa, chiū mn̄g bih tī lāi-té pâng ê lâng, kóng, " Lí hia iáu ū lâng bô? " Hitê lâng ìn kóng, " Bô ". I chiū kóng, " M̄-thang chhut siaⁿ, in-ūi lán m̄ thang kóng-khí Siōng-chú ê miâ. "
6:11 Lí khòaⁿ, Siōng-chú hoat-chhut bēng-lēng, kā tōa keng chhù phah hō͘ i chhùi-chhùi, phah sè-keng chhù hō͘ i li̍h-li̍h-.khui.
6:12 Bé kám ē pháu tī chio̍h-pôaⁿ téng? Lâng kám ē ēng gû tī hia lê? Lín kèng-jiân hō͘ kong-pêⁿ piàn-chò khó͘ táⁿ, hō͘ kong-gī ê kóe-chí piàn-chò in-tîn.
6:13 Lín hoaⁿ-hí hi-ké ê tāichì, mā kóng, " Goán kám m̄-sī ēng kakī ê khùi-la̍t lâi chhú nn̄g ki kak? "
6:14 Siōng-chú — bān-kun ê Siōng-tè kóng, " Lí khòaⁿ, I-su-la-el ê chú-bîn, Góa beh heng-khí chi̍t kok lâi kā lín kong-kek; in ē kā lín khó͘-to̍k, tùi ji̍p Ha-mat ê lō͘ kàu A-la̍h-bah ê khe. "
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。