阿摩司書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
1:1 The-ko-oah bo̍k-chiá tiong-kan ê A-mô͘-su ê ōe. Chiahê ōe to̍h-sī tī Iô-tah ông O͘-chi-a nî-kan, to̍h-sī I-su-la-el ông Io-a-si （ Chù, goân e̍k-pún kin-kì " Chhim bûn-lí úi-pān e̍k-pún " e̍k-chò " Iok-hat"）ê kiáⁿ Ia-lô-ba-am ê nî-kan, tē-tāng í-chêng nn̄g nî, só͘ khòaⁿ tio̍h koan-hē I-su-la-el ê tāichì.
1:2 A-mô͘-su kóng: Siōng-chú tùi Si-óng tōa-siaⁿ hoah, tùi Ê-lú-sa-lèm hoat-chhut I ê siaⁿ; bo̍k-chiá ê chháu-tiûⁿ pi-ai; Kal-mel ê soaⁿ téng ta-.khì.
1:3 Siōng-tè Tùi I-su-la-el Keh-piah Kok ê Sím-phòaⁿ
（1:3-2:5）
Tùi A-lâm ê Sím-phòaⁿ
Siōng-chú ánne kóng, " Ūi tio̍h Ta-má-su-ko hoān chōe kàu tē-saⁿ pái, mā ē kàu tē-sì pái, Góa bô beh bián-tû tùi i ê hêng-hoa̍t; in-ūi i ēng phah ngó͘-kok ê thih-khì phah Gi-lia̍t.
1:4 Góa beh kàng hóe tī Ha-cha-el ê ke, sio-bia̍t Bian-ha-tat ê kiong-tiān.
1:5 Góa beh chám-tn̄g Ta-má-su-ko ê mn̂g-chhòaⁿ, chián-tû Am-móng pêng-goân ê jîn-bîn kah Bia̍t-e-tiān chiáng koân-pèng ê. A-lâm lâng ē siū lia̍h khì-kàu Ki-l. Che sī Siōng-chú kóng ê. "
1:6 Tùi Hui-lī-sū ê Sím-phòaⁿ
Siōng-chú ánne kóng, " Ūi tio̍h Ga-jah hoān chōe kàu tē-saⁿ pái, mā kàu tē-sì pái, góa bô beh bián-tû tùi i ê hêng-hoa̍t; in-ūi in lia̍h kui cho̍k ê jîn-bîn kau hō͘ E-tóm.
1:7 Góa beh kàng hóe tī Ga-jah ê siâⁿ chhiûⁿ, kā i ê kiong-tiān sio bia̍t-tiāu.
1:8 Góa beh chián-tû A-si-to͘t ê jîn-bîn kah A-si-ke-lông chiáng-koân-pèng ê, mā beh oa̍t tńg-sin lâi kong-kek Ek-lóng. Hui-lī-sū lâng só͘ chhun lo̍h-.lâi ê ē lóng bia̍t-bông. Che sī chì-koân Siōng-chú kóng ê. "
1:9 Tùi Tu-lô ê Sím-phòaⁿ
Siōng-chú ánne kóng, " Ūi tio̍h Tu-lô hoān chōe kàu tē-saⁿ pái, mā kàu tē-sì pái, Góa bô beh bián-tû tùi i ê hêng-hoa̍t; in-ūi in kā kui cho̍k ê jîn-bîn kau hō͘ E-tóm, mā bē kì-tit hiaⁿ-tī ê bêng-iok.
1:10 Góa beh kàng hóe tī Tu-lô ê siâⁿ chhiûⁿ, kā i ê kiong-tiān sio bia̍t-tiāu. "
1:11 Tùi E-tóm ê Sím-phòaⁿ
Siōng-chú ánne kóng, " Ūi tio̍h E-tóm hoān chōe kàu tē-saⁿ pái, mā kàu tē-sì pái, góa bô beh bián-tû tùi i ê hêng-hoa̍t; in-ūi i gia̍h to jiok i ê hiaⁿ-tī, lóng bô liân-bín, i ê siū-khì béng-lia̍t, hoat-chhut-lâi chiū bô soah, éng-oán khǹg siū-khì.
1:12 Góa beh kàng hóe tī Thê-man, kā Bo-chu-la̍h ê kiong-tiān sio bia̍t-tiāu. "
1:13 Tùi Am-móng ê Sím-phòaⁿ
Siōng-chú ánne kóng, " Ūi tio̍h Am-móng cho̍k hoān chōe kàu tē-saⁿ pái, mā kàu tē-sì pái, góa bô beh bián-tû i ê hêng-hoa̍t; in-ūi in phòa-khui Gi-lia̍t ū sin-īn ê chabó͘ lâng, beh khui-khoah in ê kéng-kài.
1:14 Góa beh tī kau-chiàn hoah-hiàm ê ji̍t-chí, kńg-lê-á hong ê kông hong ji̍t-chí, khí hóe tī Lap-bah ê siâⁿ chhiûⁿ, kā i ê kiong-tiān sio bia̍t-tiāu.
1:15 In ê ông kah i hiahê siú-léng ē chò chi̍t-ē hō͘ lâng lia̍h-.khì. Che sī Siōng-chú kóng ê. "
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。