聖經閱讀

查字典本章地圖影像 [ 條列 | 表格 | 整段 ] 繁簡語態度量衡其他閱讀計畫

新版查詢或移至：說明

約珥書線上收聽:中文和合本現代中文譯本修訂版現代台語台語聖經客語福州話希伯來文讀經下載檔案關於語音聖經

2:1

Chháu-me̍h Chai-hāi Sī Siōng-chú Sím-phòaⁿ ê Kéng-kò

Lín tio̍h tī Si-óng pûn sàu-kak, tī Góa ê sèng-soaⁿ pûn kó͘-chhoe. Kok lāi ê jîn-bîn lóng tio̍h phi̍h-phi̍h chhoah; in-ūi Siōng-chú ê ji̍t teh beh kàu, taⁿ í-keng kīn à.
2:2 Hit ji̍t sī o͘-o͘ àm-àm, ba̍t hûn o͘-àm ê ji̍t, chhin-chhiūⁿ phah-phú-kng ê sek-tì pho͘-móa soaⁿ-thâu. Ū chi̍t cho̍k tōa koh kiông, chiông kàu taⁿ m̄ bat ū ánne ê, í-āu kàu tāi-tāi mā bô.
2:3 Hóe tī in ê thâu-chêng teh to̍h, hóe-iām tī in ê āu-bīn teh sio. In bōe kàu ê tē chhin-chhiūⁿ E-tiân hn̂g; in kòe-liáu ê tē, chiâⁿ-chò pha-hng ê khòng-iá; bô chi̍t hāng siám-phiah ē lī.
2:4 In ê hêng-chōng chhin-chhiūⁿ bé, pháu-cháu chhin-chhiūⁿ bé-peng.
2:5 In tī soaⁿ téng tiô-thiàu chhin-chhiūⁿ chhia ê siaⁿ, koh chhin-chhiūⁿ hóe-iām sio chháu ê siaⁿ, chhin-chhiūⁿ kiông-béng ê jîn-bîn pâi tī chiàn-tīn.
2:6 In chi̍t-ē lâi, chèng lâng chhám kàu-ke̍k, bīn lóng piàn sek.
2:7 In pháu-cháu chhin-chhiūⁿ ióng-sū, peh-chiūⁿ siâⁿ chhin-chhiūⁿ chiàn-sū; ta̍k-ê chiàu lō͘ kiâⁿ, bô loān tūi-ngó͘.
2:8 Tāi-ke bô sio e-kheh, ta̍k-ê chiàu i ê lō͘-sòaⁿ chìn-hêng, tú tio̍h chhiuⁿ, to mā bô siám-phiah.
2:9 In thiàu ji̍p-khì siâⁿ lāi, pôaⁿ-kòe chhiûⁿ, peh-chiūⁿ chhù téng, ji̍p thang-á chhin-chhiūⁿ chha̍t.
2:10 In chi̍t-ē lâi, tē tín-tāng, thiⁿ iô-tāng, ji̍t-goe̍h o͘-àm, chheⁿ-sîn bô kng.
2:11 Siōng-chú tī I ê kun-peng bīn-chêng chhut siaⁿ, I ê kun-tūi chin tōa; kiâⁿ I ê bēng-lēng ê chin kiông-béng. In-ūi Siōng-chú ê ji̍t tōa koh thang kiaⁿ, siáⁿ lâng tng ē khí?
2:12

Ho͘-io̍k Hóe-kái

Siōng-chú kóng: Sûi-jiân ánne, lín tio̍h ēng choan-sim, ēng kìm-chia̍h, ēng thî-khàu, ēng pi-ai oa̍t tńg-lâi kui-ǹg Góa.
2:13 Tio̍h thiah-li̍h lín ê sim, m̄ thang thiah-li̍h lín ê saⁿ. Kui-ǹg Siōng-chú — lín ê Siōng-tè; in-ūi I ū jîn-chû, liân-bín, bô khoài siū-khì, móa-móa un-hūi, koh hō͘-hóe I ê chai-hō.
2:14 Siáⁿ lâng ē chai I khéng oa̍t tò tńg-lâi hō͘-hóe, lâu hok-khì tī āu-lâi, to̍h-sī ū sò͘-chè kah koàn-tiān hiàn hō͘ lín ê Siōng-tè — Siōng-chú.
2:15 Lín tio̍h tī Si-óng pûn sàu-kak, siat chi̍t-ê kìm-chia̍h ê sèng-ji̍t, tiàu-chi̍p giâm-siok-hōe.
2:16 Chū-chi̍p chèng lâng hun-pia̍t hit-ê ē chò sèng, chio-chi̍p lāu lâng, chū-chi̍p gín'á kah chia̍h leng ê; hō͘ sin-lông chhut i ê chhù, sin-niû lī-khui i ê pâng.
2:17 Ho̍k-sāi Siōng-chú ê chè-si, tio̍h tī mn̂g-lông kah chè-tôaⁿ ê tiong-kan thî-khàu, kóng: Siōng-chú ah, kiû Lí liōng-chêng Lí ê chú-bîn, m̄ thang hō͘ Lí ê sán-gia̍p siū lêng-jio̍k, hō͘ lia̍t pang kā in koán-hat. Ná ē hō͘ lia̍t kok ê lâng kóng, in ê Siōng-tè tī tó-ūi?
2:18 Hit sî, Siōng-chú ūi tio̍h I ê tē lâi jia̍t-sim, liân-bín I ê chú-bîn.
2:19

Siōng-chú Koh-chài Sù-hok

Siōng-chú ìn I ê chú-bîn kóng: Lí khòaⁿ, Góa beh hō͘ lín ū ngó͘-kok, sin chiú kah iû, lín chiū boán-chiok; Góa bô koh hō͘ lín tī lia̍t pang tiong siū lêng-jio̍k.
2:20 Góa mā beh hō͘ pak-hong ê kun-tūi lī-khui lín hn̄g-hn̄g, kā i kóaⁿ kàu khòng-ōaⁿ, pha-hng ê tē, i ê chêng-tūi kàu tang-hái, āu-tūi kàu se-hái; in-ūi i kiâⁿ tōa tāichì, i ê pháiⁿ-bī chhèng khí-.lâi, chhàu-bī hoat khí-.lâi.
2:21 Thó͘-tē, lí m̄-bián kiaⁿ, tio̍h hoaⁿ-hí khoài-lo̍k, in-ūi Siōng-chú kiâⁿ tōa sū.
2:22 Chhân-iá ê cháu-siù, lí m̄-bián kiaⁿ, in-ūi khòng-iá ê chháu-tiûⁿ teh seng-tióng, chhiū kiat i ê kóe-chí, bû-hoa-kó chhiū kah phû-tô chhiū mā lóng kiat kóe-chí.
2:23 Si-óng ê jîn-bîn, lín tio̍h khoài-lo̍k, ūi tio̍h Siōng-chú — lín ê Siōng-tè lâi hoaⁿ-hí; in-ūi I kā ki̍p-sî ê hō͘ siúⁿ-sù hō͘ lín, ūi tio̍h lín lo̍h hō͘-chúi, to̍h-sī chhun-hō͘ chhiu-lîm kah í-chêng kāng-khoán.
2:24 Tiū-tiâⁿ ē ū be̍h móa-móa, khut-tiong ê sin chiú kah iû ē móa chhut-.lâi.
2:25 Góa chhe-phài kàu lín tiong-kan ê tōa kun-tūi, to̍h-sī tē-it chióng, tē-jī chióng, tē-saⁿ chióng kah tē-sì chióng ê chháu-meh, só͘ chia̍h hiahê nî-tang, Góa lóng beh hêng lín.
2:26 Lín ē chia̍h pá lâi ti chiok, mā ē oló lín ê Siōng-tè — Siōng-chú ê miâ. In-ūi I ūi tio̍h lín kiâⁿ kî-biāu ê tāichì, Góa ê chú-bîn it-tēng éng-oán bô kiàn-siàu.
2:27 Lín chiū ē chai Góa tī I-su-la-el ê tiong-kan, koh chai Góa sī Siōng-chú — lín ê Siōng-tè, í-gōa bô pa̍t-ê. Góa ê chú-bîn it-tēng éng-oán bô kiàn-siàu.
2:28

Siōng-chú ê Ji̍t-chí

Liáu-āu, Góa beh ēng Góa ê Sèng Sîn kàng-lo̍h hō͘ hoān-nā ū jio̍k-thé ê. Lín ê kiáⁿ-jî ē chò sian-ti kóng-ōe, lín ê lāu lâng ē tit tio̍h bîn-bāng, lín ê siàu-liân lâng ē khòaⁿ tio̍h ī-siōng.
2:29 Tī hiahê ji̍t-chí, Góa beh ēng Góa ê Sèng Sîn kàng-lo̍h tī lô͘-po̍k kah lú-pī.
2:30 Góa beh hián-bêng kî-sū tī thiⁿ-.ni̍h, tī tē-.ni̍h, ū hoeh kah hóe, í-ki̍p hóe-ian ê thiāu.
2:31 Tī Siōng-chú tōa koh thang kiaⁿ ê ji̍t-chí iáu-bōe kàu ê chìn-chêng, ji̍t-thâu ē piàn o͘-àm, goe̍h ē piàn-chò hoeh.
2:32 Kàu hit sî, kiàn-nā ū kiû-kiò Siōng-chú ê miâ ê ē tit tio̍h kiù; in-ūi tī Si-óng soaⁿ kah tī Ê-lú-sa-lèm ē ū tô-thoat ê lâng, chiàu Siōng-chú só͘ kóng ê, tī chhun lo̍h-.lâi ê jîn-bîn tiong-kan ē ū Siōng-chú só͘ tiàu ê.

查詢或移至：說明

[ 條列 | 表格 | 整段 ] 繁簡語態重新查詢影像本章地圖度量衡其他

中文:和合本和合本2010現代中文譯本1995版現代中文譯本2019版新譯本恢復本思高譯本呂振中譯本NET聖經中譯本深文理和合本官話和合本北京官話譯本文理和合本神天聖書文理委辦譯本施約瑟淺文理譯本馬殊曼譯本四人小組譯本高連茨基聖詠經郭實臘新遺詔書和舊遺詔聖書太平天國文理譯本原文直譯(參考用)
英文:ESVKJVBBEWEBASVDarbyERV
原文與古譯本:舊約馬索拉原文七十士譯本
台客語:現代台語2021版漢字現代台語2021版全羅聖經公會巴克禮台漢本巴克禮全羅巴克禮漢羅聖經公會現代客語全羅聖經公會現代客語漢字全民台語聖經全羅全民台語聖經漢羅全民台語聖經Ruby
其他:聖經公會布農語聖經聖經公會泰雅爾語聖經聖經公會魯凱語聖經賽德克族Tgdaya語聖經公會阿美語1997聖經公會太魯閣語聖經印尼聖經越南聖經俄文聖經韓文聖經日語聖經藏語聖經武加大譯本新武加大譯本

各聖經譯本著作權如版權說明。

本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。

信望愛站使用cookies 技術來強化網站功能，您使用本網站，表示您同意我們使用 cookies 技術.