何西阿書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
1:1 Tng U-chi-iah, Iô-thàm, A-khà-chuh, Hi-che-kia sio-chiap chò Iô-tah ông, Io-a-si ê kiáⁿ Ia-lô-ba-am chò I-su-la-el ông ê sî, Siōng-chú ê ōe lîm-kàu Be-lī ê kiáⁿ Hô-se-a.
1:2 Hô-se-a ê Bó͘ kah Kiáⁿ-jî
Siōng-chú khí-thâu tùi Hô-se-a kóng ê ōe sī ánne: Siōng-chú tùi Hô-se-a kóng, " Lí tio̍h khì chhōa îm-hū chò bó͘, mā tit tio̍h tùi îm-loān só͘ seⁿ ê kiáⁿ; in-ūi chit-ê só͘-chāi tōa kiâⁿ kan-îm, lī-khui Siōng-chú. "
1:3 Chiū ánne, Hô-se-a khì chhōa Ti-bu-la-im ê chabó͘ kiáⁿ Go-mel. Cha-bó͘ lâng hoâi-īn, kā i seⁿ chi̍t-ê kiáⁿ.
1:4 Siōng-chú tùi i kóng, " Kā i hō-miâ kiò-chò E-chu-le-el; in-ūi koh chi̍t-sî-á, Góa beh pān E-hú ê ke tī E-chu-le-el thâi lâng lâu hoeh ê chōe, mā beh hō͘ I-su-la-el ê chú-bîn ê kok bô-.khì.
1:5 Kàu hit ji̍t, Góa beh tī E-chu-le-el pêng-goân, at-tn̄g I-su-la-el ê kiong. "
1:6 Cha-bó͘ lâng koh hoâi-īn, seⁿ chi̍t-ê chabó͘ kiáⁿ, Siōng-chú tùi Hô-se-a kóng, " Kā i hō-miâ Lo-lu-ha-mah（ Chù, Hi-bú-lâi bûn ê im-tha̍k, ì-sù sī " Bô siū tio̍h liân-bín ". ）, in-ūi góa bô beh koh liân-bín I-su-la-el ê chú-bîn, choa̍t-tùi bô beh sià-bián in.
1:7 Chóng-.sī, Góa beh liân-bín Iô-tah ke, ēng Siōng-chú — in ê Siōng-tè kiù in, m̄-sī ēng kiong, ēng to, ēng kau-chiàn, ēng bé kah ēng bé-peng lâi kiù in. "
1:8 Lo-lu-ha-mah tn̄g leng liáu-āu, chabó͘ lâng koh hoâi-īn, seⁿ chi̍t-ê kiáⁿ.
1:9 Siōng-chú kóng, " Tio̍h kā i hō-miâ kiò-chò Lo-am-mi（ Chù, Hi-bú-lâi bûn ê im-tha̍k, ì-sù sī " M̄-sī Góa ê chú-bîn ". ）; in-ūi lín m̄-sī Góa ê jîn-bîn, Góa mā m̄-chò lín ê Siōng-tè. "
1:10 I-su-la-el ê Ho̍k-heng
Chóng-.sī, I-su-la-el ê lâng-gia̍h ē chhin-chhiūⁿ hái soa, bē sǹg-.tit, mā sǹg bē liáu. Í-chêng tī siáⁿ-mi̍h só͘-chāi tùi in kóng " Lín m̄-sī Góa ê chú-bîn ", chiong-lâi tī hia mā ē tùi in kóng " Lín sī éng-oán oa̍h ê Siōng-tè ê kiáⁿ".
1:11 Iô-tah lâng kah I-su-la-el lâng ē chò-hóe chū-chi̍p, ūi kakī siat-li̍p chi̍t-ê thâu-lâng, tùi chit-ê tē-chiūⁿ-.khì, in-ūi E-chu-le-el ê ji̍t ē chiâⁿ-chò tōa ê ji̍t.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。