但以理書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
1:1 Ta-ni-el kah I Hiahê Pêng-iú
（1:1-6:28）
— Ta-ni-el tī Nep-kat-ne-chal ê Kiong-tiān
Iô-tah ông — E-hō͘-iá-kim chē-ūi tē-saⁿ nî, Ba-bú-lông ông — Nep-kat-ne-chal lâi-kàu Ê-lú-sa-lèm, ûi siâⁿ lâi kong-kek.
1:2 Chú ēng Iô-tah ông — E-hō͘-iá-kim kah Siōng-tè chhù lāi khì-kū ê chi̍t hūn kau tī i ê chhiú. I kā in tòa kàu Sī-nal ê tē, ji̍p-khì i ê sîn-bêng ê chhù, ēng hiahê khì-kū hē tī i ê sîn-bêng ê khò͘-pâng lāi.
1:3 Ông hoan-hù thài-kàm-tiúⁿ — A-si-pe-na-chuh tio̍h tùi I-su-la-el ê ông-chhin kah kùi-cho̍k ê tiong-kan chhōa kúi-ê lâng lâi;
1:4 to̍h-sī siàu-liân, bô khoat-tiám, bīn-māu súi, ū chhong-bêng tì-sek, thong-ta̍t ta̍k chióng ê ha̍k-būn, bêng-lí, koh ū kàu-gia̍h thang kin-tòe tī ông-kiong ê, mā tio̍h kà-sī in Kal-tí-ah lâng ê bûn-ha̍k kah giân-gí.
1:5 Ông chiū hun-phài kā ông só͘ chia̍h ê hó mi̍h kah só͘ lim ê chiú, múi ji̍t hō͘ in chi̍t hūn, kā in pôe-ióng saⁿ nî, jiân-āu hō͘ in kin-tòe tī ông ê bīn-chêng.
1:6 In tiong-kan ū Iô-tah cho̍k ê lâng Ta-ni-el, Ha-na-niah, Mi-sa-el kah A-cha-lí-ah.
1:7 Thài-kàm-tiúⁿ kā in hō sin ê miâ, Ta-ni-el kiò-chò Bel-ti-sia-chal, Ha-na-niah kiò-chò Sia-to-la̍k, Mi-sa-el kiò-chò Me-siak, A-cha-lí-ah kiò-chò A-bia̍t-ne-go͘.
1:8 Chóng-.sī, Ta-ni-el li̍p-chì bô beh ēng ông ê hó mi̍h kah i só͘ lim ê chiú lâi kā kakī òe lahsap, só͘-í i kiû thài-kàm-tiúⁿ iông-ín i, bián-tit i kā kakī òe lahsap.
1:9 Siōng-tè hō͘ Ta-ni-el tī thài-kàm-tiúⁿ ê bīn-chêng tit tio̍h un-hūi kah liân-bín.
1:10 Thài-kàm-tiúⁿ kā Ta-ni-el kóng, " Góa kiaⁿ-ùi góa ê chú — góa ê ông. I í-keng hun-phài lín ê lim-chia̍h, góa ná thang hō͘ i khòaⁿ tio̍h lín ê bīn-māu pí lín tâng-nî ê siàu-liân lâng khah su? Nā ánne, chiū ē hō͘ góa ê thâu-khak tī ông ê bīn-chêng oh-tit pó-choân. "
1:11 Thài-kàm-tiúⁿ ū phài chi̍t-ê kàm-hō͘-chiá lâi koán-lí Ta-ni-el, Ha-na-niah, Mi-sa-el kah A-cha-lí-ah.
1:12 Ta-ni-el tùi i kóng, " Kiû lí chhì lí chiahê lô͘-po̍k cha̍p kang, hō͘ goán chia̍h chhài lim chúi,
1:13 Jiân-āu lí thang khòaⁿ goán ê bīn-māu kah hiahê chia̍h ông hó mi̍h ê siàu-liân lâng ê bīn-māu, chiū chiàu lí só͘ khòaⁿ-.tio̍h ê lâi khoán-thāi lí chiahê lô͘-po̍k! "
1:14 Chit-ê tāichì, i ū ín-chún in, chiū kā in chhì-thàm cha̍p kang.
1:15 Cha̍p kang āu, i khòaⁿ tio̍h in ê bīn-māu pí hiahê chia̍h ông ê hó mi̍h ê siàu-liân lâng koh khah súi, koh khah phauh.
1:16 Chiū ánne, kàm-hō͘-chiū thiat-siau só͘ hō͘ in ê hó mi̍h kah só͘ tio̍h lim ê chiú, kantaⁿ hō͘ in chia̍h chhài.
1:17 Chit sì-ê siàu-liân lâng, Siōng-tè sù hō͘ in ta̍k chióng ê bûn-jī, ha̍k-būn, chhong-bêng kah tì-sek; Ta-ni-el koh bêng-pe̍k ta̍k chióng ê ī-siōng kah bāng-kìⁿ ê tiāu-thâu.
1:18 Ông só͘ tiāⁿ tio̍h chhōa in ji̍p-khì ê ji̍t í-keng kàu, thài-kàm-tiúⁿ chiū chhōa in ji̍p-khì kàu Nep-kat-ne-chal ê bīn-chêng.
1:19 Ông kah in kóng-ōe, tī in chèng lâng ê tiong-kan, khòaⁿ bô chi̍t-ê kah Ta-ni-el, Ha-na-niah, Mi-sa-el kah A-cha-lí-ah ē pí-.tit, só͘-í in tit tio̍h khiā tī ông ê bīn-chêng ê khoán-thāi.
1:20 Ông kiàn-nā iú-só͘ mn̄g in ê tāichì, chiū chai in ê tì-hūi chhong-bêng iâⁿ-kòe choân kok ê chheⁿ-siōng-ka kah su̍t-sū cha̍p pōe.
1:21 Ta-ni-el kàu Ko-le-si ông goân nî iáu oa̍h-.leh.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。