以西結書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
35:1 Siōng-chú Têng-hoa̍t E-tóm
Siōng-chú ê ōe lîm-kàu góa, kóng,
35:2 " Jîn-chú, lí tio̍h bīn ǹg Se-il soaⁿ, soan-pò͘ lâi kā i kong-kek.
35:3 Tùi i kóng, chì-koân Siōng-chú ánne kóng: Lí khòaⁿ, Se-il soaⁿ, Góa kah lí chò tùi-te̍k, Góa beh chhun chhiú kong-kek lí, hō͘ lí hi-bî, thang hō͘ lâng tio̍h-kiaⁿ kah gāng-.khì.
35:4 Góa beh hō͘ lí chiahê siâⁿ piàn-chò pha-hng, hō͘ lí hi-bî. Lí chiū ē chai Góa sī Siōng-chú.
35:5 In-ūi lí khǹg éng-oán ê oàn-hūn, tī I-su-la-el cho̍k tú tio̍h chai-hō, chōe-kò chiong-kio̍k ê sî, lí kā in kau hō͘ to-kiàm ê sè-le̍k.
35:6 Só͘-í, chì-koân Siōng-chú ánne kóng: Góa kí Góa ê éng-oán oa̍h-miā lâi chiùchōa, Góa it-tēng beh hō͘ lí tú tio̍h lâu hoeh ê pò-èng, chōe it-tēng ē jiok lí; lí í-keng bô oàn-hūn thâi lâng lâu hoeh, só͘-í chit-ê chōe it-tēng ē jiok lí.
35:7 Góa beh hō͘ Se-il soaⁿ pha-hng, hi-bî, tùi hia óng-lâi ê lâng, Góa beh kā i chián-tû.
35:8 Góa beh hō͘ i hiahê soaⁿ, siū sat-hāi ê lâng móa-móa sī; hō͘ to-kiàm thâi-sí ê ē tó tī lí ê sió soaⁿ kah soaⁿ-kok, í-ki̍p só͘-ū ê kheⁿ-kau.
35:9 Góa beh hō͘ lí éng-oán pha-hng, lí chiahê siâⁿ it-tēng bô lâng tòa, lín chiū it-tēng ē chai Góa sī Siōng-chú.
35:10 " In-ūi lín kóng, ' Chit nn̄g kok, nn̄g-ê tē-hng lóng ē kui góa, goán ē tit tio̍h. '（ kî-si̍t Siōng-chú tī hia）,
35:11 só͘-í, chì-koân Siōng-chú ánne kóng: Góa kí Góa ê éng-oán oa̍h-miā lâi chiùchōa, Góa beh chiàu lí ê siū-khì, chiò lí ūi tio̍h oàn-hūn kiâⁿ tī in ê oàn-tò͘ lâi khoán-thāi lí. Tī sím-phòaⁿ lí ê sî, Góa chiū beh hián-bêng kakī tī in tiong-kan.
35:12 Lí chiū ē chai Góa — Siōng-chú í-keng thiaⁿ tio̍h lí kong-kek I-su-la-el chiahê soaⁿ só͘ kóng ê húi-pòng, sī kóng, ' Pha-hng à, in í-keng kau tī goán, hō͘ goán thang kā i thun-chia̍h. '
35:13 Lín koh ēng chhùi ǹg Góa lâi kakī khoa-kháu, ke-thiⁿ lín chiahê ōe lâi kong-kek Góa, Góa ū thiaⁿ tio̍h à.
35:14 " Chì-koân Siōng-chú ánne kóng: Tng choân tē hoaⁿ-hí ê sî, Góa beh hō͘ lí pha-hng.
35:15 Lí in-ūi I-su-la-el ê chú-bîn ê ki-gia̍p pha-hng lâi hoaⁿ-hí, Góa mā beh ánne khoán-thāi lí. Se-il soaⁿ, lí ē pha-hng, E-tóm choân tē mā ē ánne. In chiū ē chai Góa sī Siōng-chú. "
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。