出埃及記 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
22:1 Koan-hē Pôe-sióng ê Tiâu-Lē
Lâng nā thau khan gû á-.sī iûⁿ, bô-lūn thâi á-.sī bē, chi̍t chiah gû tio̍h pôe i gō͘ chiah, chi̍t chiah iûⁿ tio̍h pôe i sì chiah.
22:2 Chha̍t nā iah-khang hō͘ lâng tú-.tio̍h, kā i phah-sí, ánne phah-sí chha̍t ê lâng bô sǹg ū chōe.
22:3 Nā ji̍t-thâu í-keng chhut-.lâi, chiū sǹg i ū phah-sí-lâng ê chōe. Án-ne, chha̍t it-tēng tio̍h pôe, nā bô thang pôe, chha̍t tio̍h bē sin lâi tú i só͘ thau ê.
22:4 " Nā i só͘ thau ê, kiámchhái gû á-.sī lî, iûⁿ, iáu oa̍h tī i ê chhiú tiong, chiū tio̍h pôe têng-pōe.
22:5 " Lâng nā tī chhân-.ni̍h á-.sī phû-tô hn̂g, pàng chengseⁿ chhut-chāi i chia̍h pa̍t lâng ê chhân, chiū tio̍h ēng kakī ê chhân-.ni̍h siōng hó ê kah phû-tô hn̂g siōng hó ê lâi pôe.
22:6 " Nā hóe sio chhì-phè, sòa sio-.tio̍h tiū-tui á-.sī iáu-bōe koah ê tiū-á, á-.sī chhân-hn̂g, khí hóe ê lâng chiū it-tēng tio̍h pôe.
22:7 " Lâng nā kā chêⁿ-á-.sī mi̍h-kiāⁿ kau-tài chhù-piⁿ kò͘-siú, chiahê mi̍h nā tùi hit-ê lâng ê ke tio̍h chhat-thau, chha̍t nā lia̍h tio̍h, chha̍t tio̍h pôe têng-pōe;
22:8 chha̍t nā lia̍h bô tio̍h, hit-ê ke-chú tio̍h kàu kèng-pài Siōng-chú ê só͘-chāi, piáu-bêng khòaⁿ i ū the̍h chhù-piⁿ ê mi̍h-kiāⁿ á-bô.
22:9 " Kiàn-nā ū kòe-sit, kiámchhái sī ūi tio̍h gû, lî, iûⁿ, á-.sī ūi tio̍h saⁿ-khò͘, á-.sī siáⁿ-mi̍h sit-lo̍h ê mi̍h-kiāⁿ, ū lâng jīn-tit sī i ê, siang pêng ê àn-kiāⁿ tio̍h kàu kèng-pài Siōng-tè ê só͘-chāi, koaⁿ-hú nā toàn-tēng siáⁿ lâng ū chōe, hit-ê lâng tio̍h pôe i ê chhù-piⁿ têng-pōe.
22:10 " Lâng nā kā lî, á-.sī gû, á-.sī iûⁿ, á-.sī pa̍t chióng chengseⁿ, kau-tài chhù-piⁿ kò͘-siú, chengseⁿ kiámchhái sí, á-.sī siū-siong, á-.sī hō͘ lâng thau khan-.khì, bô lâng khòaⁿ-.tio̍h,
22:11 nn̄g lâng ê tiong-kan, tio̍h kí Siōng-chú lâi chiùchōa, m̄ bat the̍h chhù-piⁿ ê mi̍h, goân chú-lâng chiū tio̍h soah, kò͘-siú ê lâng m̄-bián pôe.
22:12 Cheng-seⁿ nā tùi kò͘-siú ê lâng hia hō͘ lâng thau lia̍h-.khì, i chiū tio̍h pôe goân chú-lâng.
22:13 Nā siū iá-siù thiah-chhùi, kò͘-siú ê lâng tio̍h kā i tòa-lâi chò chèng-kì, só͘ thiah-chhùi ê chiū m̄-bián pôe.
22:14 " Lâng nā tùi chhù-piⁿ chioh siáⁿ-mi̍h mi̍h-kiāⁿ, só͘ chioh ê kiámchhái siū-siong á-.sī sí-.khì, goân chú-lâng bô kah i tī hia, chioh ê lâng it-tēng tio̍h pôe.
22:15 Nā goân chú-lâng kah i tī hia, i chiū m̄-bián pôe; nā-sī cho͘ ê, mā m̄-bián pôe, in-ūi pún-lâi to̍h ū cho͘-kim.
22:16 Tō-tek kah Chong-kàu ê Kui-tēng
" Lâng nā ín-iú bōe siū phèng ê chabó͘ gín'á kah i tâng-pâng, i tio̍h chhōa i chò bó͘.
22:17 Nā i ê lāu-pē choa̍t-tùi m̄-khéng kā chabó͘ kiáⁿ phòe hō͘ i, i chiū tio̍h chiàu chāi-sek-lí ê phèng-lé hō͘ i chîⁿ.
22:18 " Chò ang-î ê, tio̍h hō͘ i sí.
22:19 " Kiàn-nā kah siù kiâⁿ kan-îm ê, it-tēng tio̍h hō͘ i sí.
22:20 " Bô choan-it chè-sū Siōng-chú khì chè-sū pa̍t-ê sîn-bêng ê, tio̍h kā i bia̍t-tiāu.
22:21 " M̄-thang khi-hū chhut-gōa lâng, mā m̄ thang kā i khi-ap, in-ūi lín tī Ai-gi̍p tē mā bat chò chhut-gōa lâng.
22:22 M̄-thang pháiⁿ khoán-thāi kóaⁿ-hū kah ko͘-jî;
22:23 nā sió-khóa kā in pháiⁿ khoán-thāi, in ē kiû-kiò Góa, Góa it-tēng ē thiaⁿ in ê kiû-kiò,
22:24 mā ē tōa siū-khì, ēng to thâi lín, hō͘ lín ê bó͘ chò kóaⁿ-hū, lín ê kiáⁿ chò ko͘-jî.
22:25 " Góa ê chú-bîn tiong-kan nā ū sànchhiah lâng kah lín tòa, lí nā chioh i chîⁿ, lí m̄ thang chhin-chhiūⁿ chè-chú kā i khoán-thāi, mā m̄ thang the̍h i ê lī-sek.
22:26 Lí nā the̍h chhù-piⁿ ê saⁿ-khò͘ chò chún-tǹg, kàu ji̍t lo̍h chiū tio̍h hêng i;
22:27 i chí ū chit kiāⁿ thang kah, sī i cha̍h seng-khu ê saⁿ; nā bô, i beh án-chóaⁿ khùn? I kiû Góa, Góa ē thiaⁿ, in-ūi Góa sī chû-pi ê.
22:28 " M̄-thang húi-pòng koaⁿ-hú, mā m̄ thang mē lí ê jîn-bîn ê sī-tōa.
22:29 " Lí tio̍h tùi só͘ siu-sêng ê ngó͘-kok kah chiú-khut lāi só͘ lâu chhut ê chiú, the̍h-lâi hiàn, m̄ thang iân-chhiân.
22:30 " Lí tio̍h kā thâu-chiūⁿ ê kiáⁿ kui tī Góa. Lí ê gû kah lí ê iûⁿ mā tio̍h ánne; chhit ji̍t thang tòe i ê bó, tī tē-peh ji̍t tio̍h kui tī Góa.
22:31 " Lín tio̍h ūi tio̍h Góa chò sèng ê chú-bîn, só͘-í, chhân-.ni̍h iá-siù só͘ thiah-li̍h ê bah, lín m̄ thang chia̍h, tio̍h hiat hō͘ káu chia̍h. "
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。