以西結書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
2:1 Siōng-tè Soán-tiàu I-che-kel Chò Sian-ti
I tùi góa kóng, " Jîn-chú, lí khiā khí-.lâi! Góa beh kah lí kóng-ōe. "
2:2 I tùi góa kóng ōe ê sî, sîn-lêng chiū ji̍p-lâi góa ê lāi-bīn, hō͘ góa khiā khí-.lâi, góa chiū thiaⁿ tio̍h hit ūi tùi góa kóng ōe ê siaⁿ.
2:3 I tùi góa kóng, " Jîn-chú, Góa chhe lí khì-kàu I-su-la-el cho̍k, kàu pōe-ge̍k ê pang-kok, in sī pōe-ge̍k Góa ê, in kah in ê chó͘-sian ûi-pōe Góa, it-ti̍t kàu kin-á-ji̍t.
2:4 Chiahê kiáⁿ bīn-phôe kāu, sim ngē. Góa chhe lí khì in hia, lí tio̍h tùi in kóng: Chì-koân Siōng-chú ánne kóng.
2:5 In kiámchhái ē thiaⁿ, kiámchhái m̄-thiaⁿ, ( in-ūi in sī pōe-ge̍k ê ke ), in ē chai tī in tiong-kan it-tēng bat ū sian-ti.
2:6 " Jîn-chú, sûi-jiân ū chháu-chhì, chi̍t-lê tī lí hia, jî-chhiáⁿ lí tiàm tī giat-á thâng ê tiong-kan, lóng m̄-bián kiaⁿ in, mā m̄-bián kiaⁿ in ê ōe; in sûi-jiân sī pōe-ge̍k ê ke, mā m̄-bián kiaⁿ in ê ōe, mā m̄ thang in-ūi in ê bīn-māu lâi kiaⁿ-hiâⁿ.
2:7 In kiámchhái ē thiaⁿ, kiámchhái m̄-thiaⁿ, lí chò lí kā Góa ê ōe tùi in kóng; in-ūi in sī hui-siông pōe-ge̍k ê.
2:8 " Jîn-chú, lí tio̍h thiaⁿ Góa tùi lí só͘ kóng ê ōe, lí m̄ thang pōe-ge̍k, chhin-chhiūⁿ hit-ê pōe-ge̍k ê ke, lí tio̍h khui chhùi, chia̍h Góa só͘ hō͘ lí ê. "
2:9 Hit sî góa khòaⁿ, ū chi̍t ki chhiú chhun tùi góa chia lâi; lí khòaⁿ, chhiú lāi ū chi̍t kńg chheh.
2:10 I kā hit pún chheh tī góa ê bīn-chêng hian-khui, lāi-gōa lóng ū siá jī; hit téng-bīn só͘ siá ê ū ai-siong, thó͘-khùi, chai-hō ê ōe.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。