耶利米哀歌 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
5:1 Ai-kiû Liân-bín
Siōng-chú ah, kiû Lí kì-liām goán só͘ tú-.tio̍h ê tāichì; khòaⁿ goán só͘ siū ê lêng-jio̍k, kiû Lí lâi kàm-chhat hit-ê lêng-jio̍k.
5:2 Goán ê sán-gia̍p kui tī gōa-pang lâng, goán ê chhù-the̍h kui tī pa̍t cho̍k.
5:3 Goán sī bô lāu-pē ê ko͘-jî, goán ê lāu-bú chhin-chhiūⁿ kóaⁿ-hū.
5:4 Goán tio̍h chhut gîn chiah ū chúi thang lim, goán hiâⁿ chhâ mā tio̍h bé chhâ.
5:5 Jiok goán ê chhi̍h tio̍h goán ê ām-kún; goán ià-siān, bē tàng hioh-khùn.
5:6 Goán tâu-hâng Ai-gi̍p lâng kah A-siul lâng, sī ūi tio̍h beh tit tio̍h bí-niûⁿ thang chia̍h pá.
5:7 Goán ê chó͘-sian hoān chōe, taⁿ in sí-.khì à; goán tio̍h tam-tng in ê chōe-kò.
5:8 Lô͘-po̍k kā goán koán-hat, bô lâng kiù goán thoat-lī in ê chhiú.
5:9 Goán piàⁿ sèⁿ-miā lâi tit tio̍h bí-niûⁿ, in-ūi ū to-kiàm tī khòng-iá.
5:10 Goán ê phôe-hu o͘ kah chhin-chhiūⁿ hóe-lô͘, in-ūi ki-hng lâi hoat-jia̍t.
5:11 In tī Si-óng kiông-kan chabó͘ lâng, í-ki̍p Iô-tah chiahê siâⁿ ê chāi-sek-lí.
5:12 In pa̍k hiahê kùi-cho̍k ê chhiú, kā in tiàu lī tē; kìⁿ tio̍h láu-tōa ê bīn, mā bô chun-kèng.
5:13 Siàu-liân lâng kng chio̍h-bō, gín'á taⁿ chhâ, tì-sú poa̍h-tó.
5:14 Lāu lâng bô koh chē tī siâⁿ mn̂g-kháu, siàu-liân lâng bô koh chàu ga̍k.
5:15 Goán ê sim khoài-lo̍k í-keng soah, goán ê thiàu-bú piàn-chò pi-ai.
5:16 Goán thâu-khak téng ê bián-liû ka-la̍uh, goán ū chai-hō ah! In-ūi goán ū hoān chōe.
5:17 In-ūi ánne, goán ê sim hūn-.khì, in-ūi ánne, goán ê ba̍k-chiu hoe.
5:18 Sī ūi tio̍h Si-óng soaⁿ pha-hng, soaⁿ-káu tī hit téng-bīn kiâⁿ-iû.
5:19 Siōng-chú ah, Lí sī éng-oán chûn-chāi; Lí ê pó-chō tāi-tāi bô soah.
5:20 Lí ná ē éng-oán bē kì-tit goán? Ná ē khì-sak goán kàu hiah kú?
5:21 Siōng-chú ah, kiû Lí hō͘ goán oa̍t tńg-lâi kui Lí, goán chiū oa̍t tńg-.lâi. Kiû Lí kā goán ê ji̍t-chí ōaⁿ sin, chhin-chhiūⁿ chá-sî ánne.
5:22 Kám kóng Lí beh oân-choân khì-sak goán, siū-khì goán kàu-ke̍k?
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。