以賽亞書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
35:1 Sîn-sèng Chi Lō͘
Khòng-iá kah ta-sò ê tē it-tēng ē hoaⁿ-hí; soa-bô͘ mā ē khoài-lo̍k, koh chhin-chhiūⁿ mûi-kùi teh khui hoe.
35:2 I ē khui hoe bō͘-sēng lâi hoaⁿ-hí, ē ū hoaⁿ-hí kah chhiùⁿ koa. Le-ba-nòng ê êng-kng, Kal-mel kah Sia-lông ê súi ē kui i. In ē khòaⁿ tio̍h Siōng-chú ê êng-kng, lán ê Siōng-tè ê bí-biāu.
35:3 Lín tio̍h hō͘ loán-jio̍k ê chhiú ióng-chòng, hō͘ bô la̍t ê kha-thâu-u chū-chāi.
35:4 Tùi sió-táⁿ ê lâng kóng: Lín tio̍h kong-kiông, m̄-bián kiaⁿ; lí khòaⁿ, lín ê Siōng-tè ē lâi thè lí pò-siû, ē lâi kiâⁿ ke̍k tōa ê pò-èng; I ē lâi chín-kiù lín.
35:5 Hit sî, chheⁿmê lâng ê ba̍k-chiu ē khui, chhàu-hīⁿ-lâng ê hīⁿ-khang ē lāi.
35:6 Hit sî, pái-kha-.ê ē tiô-thiàu chhin-chhiūⁿ lo̍k; é-káu ê chi̍h ē chhiùⁿ koa. In-ūi chúi chhèng-chhut tī khòng-iá; khe-lâu chhèng-chhut tī soa-bô͘.
35:7 Hoat-chhut kng ê soa ē piàn-chò chúi-tî; ta-sò ê tē ē piàn-chò chúi-chôaⁿ. Tī soaⁿ-káu tó teh khùn ê só͘-chāi, ē ū chheⁿ-chháu, lô͘-úi kah pô͘-chháu.
35:8 Tī hia ē ū chi̍t tiâu koân ê lō͘, chit tiâu lō͘ ē hông kiò-chò sèng ê lō͘. Ù-òe ê lâng bē tàng keng-kòe, ngē-ngē beh chò in ê lō͘-ēng; kiâⁿ lō͘ ê lâng sûi-jiân gû-gōng, mā bē kiâⁿ m̄ tio̍h lō͘.
35:9 Tī hia it-tēng bô sai, béng-siù mā bô chiūⁿ chit tiâu lō͘. Tī hia lóng bô tú tio̍h in, to̍k-to̍k tit tio̍h sio̍k-hôe ê jîn-bîn tī hia teh kiâⁿ.
35:10 Jî-chhiáⁿ Siōng-chú kiù-sio̍k ê jîn-bîn ē tò tńg-.lâi. In ē chhiùⁿ koa lâi-kàu Si-óng, ē tit tio̍h éng-oán ê hoaⁿ-hí chò bián-liû. In ē hoaⁿ-hí khoài-lo̍k, iu-būn, thó͘-khùi lóng ē cháu-.khì.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。