以賽亞書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
20:1 Thǹg-pak-the̍h ê Sian-ti
A-siul ông Sal-góng chhe Thal-thàn kàu A-si-to͘t hit nî, Thal-thàn chiū kong-phòa A-si-to͘t, kā i cheng-ho̍k.
20:2 Hit sî, Siōng-chú kau-thok A-mô͘-su ê kiáⁿ I-sá-iah kóng, " Lí khì, lí tio̍h tháu lí io-.ni̍h ê môa-pò͘, thǹg lí kha-.ni̍h ê ê. " I-sá-iah chiàu ánne chò, thǹgpaktheh koh thǹg-chhiah-kha lâi kiâⁿ.
20:3 Siōng-chú kóng, " Góa ê lô͘-po̍k I-sá-iah thǹgpaktheh koh thǹg-chhiah-kha lâi kiâⁿ saⁿ nî, chiâⁿ-chò koan-hē Ai-gi̍p kah Kú-si̍t ê tiāu-thâu kî-sū.
20:4 Chhin-chhiūⁿ ánne, A-siul ông ē kā Ai-gi̍p ê siū lia̍h ê lâng kah Kú-si̍t siū chhian-sóa ê lâng chhōa-.khì, bô-lūn ló-iù, lóng thǹgpaktheh koh thǹg-chhiah-kha, lō͘-chhut ē-sin, hō͘ Ai-gi̍p kiàn-siàu.
20:5 In ē in-ūi só͘ ǹg-bāng ê Kú-si̍t kah só͘ khoa-kháu ê Ai-gi̍p, lâi kiaⁿ-hiâⁿ kiàn-siàu.
20:6 " Hit sî, chiahê tòa tī iân hái ê jîn-bîn ē kóng, ' Lí khòaⁿ, lán chiahê pêng-sî só͘ ǹg-bāng ê, to̍h-sī lán in-ūi beh thoat-lī A-siul ông chiah cháu-khì kiû i chín-kiù ê, kì-jiân ánne, lán ná ē-tàng tô-thoat? '"
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。