以賽亞書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
4:1 Tī hit ji̍t, chhit-ê chabó͘ lâng ē khîⁿ chi̍t-ê chapo͘ lâng, kóng, " Goán chia̍h kakī ê bí-niûⁿ, chhēng kakī ê saⁿ-khò͘, to̍k-to̍k kiû lí chún goán kui tī lí ê miâ, lâi tû-khì goán ê kiàn-siàu. "
4:2 Ê-lú-sa-lèm ê Tiông-kiàn
Kàu hit ji̍t, Siōng-chú só͘ hoat-chhut ê íⁿ ē súi koh êng-kng. Thó͘-tē ê chhut-sán ē chiâⁿ-chò I-su-la-el tô-thoat ê lâng ê êng-kng kah thé-biān.
4:3 Hoān-nā lâu tī Si-óng, seng-chûn tī Ê-lú-sa-lèm, kì-chài tī Ê-lú-sa-lèm eng-kai tit tio̍h oa̍h ê lâng lóng ē kiò-chò sèng;
4:4 to̍h-sī tī Chú ēng sím-phòaⁿ ê sîn-lêng kah sio-húi ê sîn-lêng, sé-tû Si-óng chabó͘ kiáⁿ ê ù-òe, chheng-khì Ê-lú-sa-lèm tiong-kan thâi lâng lâu hoeh ê hoeh-jiah ê sî.
4:5 Siōng-chú ē tī Si-óng soaⁿ choân tē kah i hiahê hōe-chiòng ê téng-bīn, tī ji̍t-sî khí hûn kah ian, tī àm-sî ū hóe-iām ê kng; in-ūi tī só͘-ū êng-kng ê téng-bīn, it-tēng ū jia-khàm.
4:6 Tī hia ē ū têng-á, ji̍t-sî thang jia ìm-ńg lâi siám-phiah jia̍t, mā thang chò siám-phiah kông hong tōa hō͘, tô-siám bih sin ê só͘-chāi.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。