聖經閱讀

查字典本章地圖影像 [ 條列 | 表格 | 整段 ] 繁簡語態度量衡其他閱讀計畫

新版查詢或移至：說明

出埃及記線上收聽:中文和合本現代中文譯本修訂版現代台語台語聖經客語福州話希伯來文讀經下載檔案關於語音聖經

9:1

Cheng-seⁿ ê Chai-lān

Siōng-chú tùi Mô͘-se kóng, " Lí ji̍p-khì kìⁿ Hôa-láu, kā i kóng, ' Siōng-chú — Hi-bú-lâi lâng ê Siōng-tè ánne kóng, Τio̍h chún Góa ê chú-bîn lī-khui, thang ho̍k-sāi Góa.
9:2 Lí nā m̄-khéng hō͘ in khì, iû-goân bián-kióng lâu in,
9:3 lí khòaⁿ, Siōng-chú ê chhiú ē chhun tī lí chhân-.ni̍h ê chengseⁿ, bé, lî, lo̍k-tô, gû-kûn, iûⁿ-kûn, ē ū tāng ê un-e̍k.
9:4 Siōng-chú ē hun-pia̍t I-su-la-el ê chengseⁿ kah Ai-gi̍p ê chengseⁿ, só͘-ū sio̍k I-su-la-el lâng ê, bē sí kah pòaⁿ chiah. '"
9:5 Siōng-chú chiū tiāⁿ tio̍h sî-kî, kóng, " Bîn-á-chài Siōng-chú ē tī chit-ê tē, kiâⁿ chit-ê tāichì. "
9:6 Keh tńg kang, Siōng-chú chiū kiâⁿ chit-ê tāichì. Ai-gi̍p ê chengseⁿ lóng-chóng sí-.khì, to̍k-to̍k I-su-la-el lâng ê chengseⁿ lóng bô sí kah pòaⁿ chiah.
9:7 Hôa-láu chhe lâng khì khòaⁿ, lí khòaⁿ, I-su-la-el lâng ê chengseⁿ liân chi̍t chiah mā bô sí. Chóng-.sī, Hôa-láu ê sim kò͘-chi̍p, m̄-chún jîn-bîn lī-khui.
9:8

Liàp-á-chhng ê Chai-lān

Siōng-chú tùi Mô͘-se kah A-lông kóng, " Lín tio̍h put kúi phóng lô͘-.ni̍h ê hóe-hu, Mô͘-se tio̍h tī Hôa-láu ê bīn-chêng ǹg thiⁿ iā-.khì.
9:9 Hóe-hu ē tī Ai-gi̍p choân tē piàn-chò tîn-ai, tī Ai-gi̍p choân tē, tī lâng kah chengseⁿ ê seng-khu, lóng seⁿ liàp-á, chiâⁿ-chò chhng. "
9:10 In chiū put lô͘-.ni̍h ê hóe-hu, khiā tī Hôa-láu ê bīn-chêng. Mô͘-se ǹg thiⁿ iā-.khì, chiū tī lâng kah chengseⁿ ê seng-khu seⁿ liàp-á, chiâⁿ-chò chhng.
9:11 Phok-sū ūi tio̍h liàp-á ê tāichì tī Mô͘-se ê bīn-chêng khiā bē tiâu, in-ūi chheⁿ-siōng-ka kah só͘-ū Ai-gi̍p lâng ê seng-khu lóng ū hit khoán liàp-á.
9:12 Siōng-chú hō͘ Hôa-láu ê sim ngē, tì-sú m̄-thiaⁿ in ê ōe, tútú chiàu Siōng-chú tùi Mô͘-se só͘ kóng ê.
9:13

Tōa-pha̍uh ê Chai-lān

Siōng-chú tùi Mô͘-se kóng, " Lí thàu-chá khí-.lâi, khiā tī Hôa-láu ê bīn-chêng kā i kóng, ' Siōng-chú — Hi-bú-lâi lâng ê Siōng-tè ánne kóng, tio̍h chún Góa ê chú-bîn lī-khui, hō͘ in thang ho̍k-sāi Góa.
9:14 In-ūi chit pái Góa ē hō͘ Góa só͘-ū ê chai-hō lîm-kàu tī lí ê sim kah lí ê jîn-sîn, í-ki̍p lí ê jîn-bîn, hō͘ lí chai-iáⁿ tī phó͘-thiⁿ-ē bô chi̍t-ê ē-tàng kah Góa pí-phēng.
9:15 Góa nā chhun chhiú, ēng un-e̍k kong-kek lí kah lí ê jîn-bîn, lí chiū sûi-sî tī tē-chiūⁿ húi-bia̍t.
9:16 Chóng-.sī, Góa hō͘ lí khiā chāi, sī thiâu-kang beh ēng lí lâi hián-bêng Góa ê tōa koân-lêng, hō͘ Góa ê miâ soan-iông tī choân tē-chiūⁿ.
9:17 Lí kám ē iáu koh tùi Góa ê jîn-bîn kiau-ngō͘, m̄-chún in lī-khui?
9:18 Lí khòaⁿ, bîn-á-chài chiong-kīn chit sî, Góa ē lo̍h tōa pha̍uh, tùi Ai-gi̍p khai-kok í-lâi m̄ bat ū ánne kòe.
9:19 Taⁿ lí tio̍h chhe lâng, kā lí ê chengseⁿ kah lí chhân-.ni̍h it-chhè só͘-ū ê, pek in ji̍p-.lâi. Só͘-ū tī chhân-.ni̍h, bô siu tńg-lâi chhù-.ni̍h ê, bô-lūn lâng á-.sī chengseⁿ, pha̍uh ē lo̍h tī in ê sin chiūⁿ, in chiū ē sí. '"
9:20 Hôa-láu ê jîn-sîn tiong-kan, kiaⁿ-ùi Siōng-chú ê ōe ê, chiū hō͘ i ê lô͘-po̍k kah chengseⁿ cháu ji̍p-khì chhù lāi,
9:21 Chóng-.sī, hit-ê bô lia̍h Siōng-chú ê ōe chò iàu-kín ê, chiū kā i ê lô͘-po̍k kah chengseⁿ lâu tī chhân-.ni̍h.
9:22 Siōng-chú tùi Mô͘-se kóng, " Lí ǹg thiⁿ chhun chhiú, hō͘ pha̍uh lo̍h tī Ai-gi̍p ê choân tē, phah lâng kah chengseⁿ, í-ki̍p chhân-.ni̍h ê chhài-se, choân Ai-gi̍p tē lóng ánne. "
9:23 Mô͘-se ǹg thiⁿ chhun-chhut i ê koái-á, Siōng-chú chiū khí lûi lo̍h pha̍uh, ū hóe kiâⁿ tī tē-bīn chiūⁿ; Siōng-chú lo̍h pha̍uh tī Ai-gi̍p tē.
9:24 Chiū ánne, ū pha̍uh, mā ū hóe chham tī pha̍uh ê lāi-bīn, chin lī-hāi, tùi Ai-gi̍p khai-kok í-lâi, choân tē m̄ bat ū ánne.
9:25 Tī Ai-gi̍p choân tē, kiàn-nā tī chhân-.ni̍h ê, bô-lūn lâng á-.sī chengseⁿ, lóng hō͘ pha̍uh phah, pha̍uh mā phah chhân-.ni̍h só͘-ū ê chhài-se, koh phah-tn̄g chhân-.ni̍h só͘-ū ê chhiū-ba̍k.
9:26 To̍k-to̍k tī I-su-la-el lâng só͘ tòa ê Go-sián tē bô lo̍h pha̍uh.
9:27 Hôa-láu chhe lâng kiò Mô͘-se kah A-lông lâi, kā in kóng, " Chit pái góa ū hoān chōe, Siōng-chú sī kong-gī, góa kah góa ê jîn-bîn sī pháiⁿ.
9:28 Taⁿ chiahê chhè-lûi kah pha̍uh í-keng kàu-gia̍h à, kiû lín tùi Siōng-chú kî-tó, góa chiū chún lín lī-khui, m̄-bián koh tòa chia. "
9:29 Mô͘-se kā i kóng, " Góa chi̍t-ē chhut siâⁿ chiū ē ǹg Siōng-chú gia̍h-khí góa siang ki chhiú, lûi ē soah, pha̍uh mā bô koh lo̍h, hō͘ lí chai choân tē lóng sio̍k tī Siōng-chú.
9:30 Chóng-.sī, koan-hē lí kah lí ê jîn-sîn, góa chai lín iáu-sī bô kiaⁿ-ùi Siōng-chú — Siōng-tè.
9:31 Hit sî, môa kah tōa-be̍h siū phah-pháiⁿ, in-ūi tōa-be̍h í-keng chhut-sūi, môa mā khui hoe.
9:32 To̍k-to̍k sió-be̍h kah chho͘-be̍h bô siū phah-pháiⁿ, in-ūi iáu-bōe tōa châng.
9:33 Mô͘-se lī-khui Hôa-láu chhut siâⁿ, gia̍h-khí siang chhiú ǹg Siōng-chú, lûi kah pha̍uh chiū soah, hō͘ mā bô koh piàⁿ lo̍h tē.
9:34 Hôa-láu khòaⁿ tio̍h hō͘, pha̍uh kah lûi lóng soah, chiū koh khah hoān chōe, i kah i ê jîn-sîn lóng ngē-sim.
9:35 Hôa-láu sim ngē, m̄-chún I-su-la-el lâng lī-khui, tútú chiàu Siōng-chú thok Mô͘-se só͘ kóng ê.

查詢或移至：說明

[ 條列 | 表格 | 整段 ] 繁簡語態重新查詢影像本章地圖度量衡其他

中文:和合本和合本2010現代中文譯本1995版現代中文譯本2019版新譯本恢復本思高譯本呂振中譯本NET聖經中譯本深文理和合本官話和合本北京官話譯本文理和合本神天聖書文理委辦譯本施約瑟淺文理譯本馬殊曼譯本四人小組譯本高連茨基聖詠經郭實臘新遺詔書和舊遺詔聖書太平天國文理譯本原文直譯(參考用)
英文:ESVKJVBBEWEBASVDarbyERV
原文與古譯本:舊約馬索拉原文七十士譯本
台客語:現代台語2021版漢字現代台語2021版全羅聖經公會巴克禮台漢本巴克禮全羅巴克禮漢羅聖經公會現代客語全羅聖經公會現代客語漢字全民台語聖經全羅全民台語聖經漢羅全民台語聖經Ruby
其他:聖經公會布農語聖經聖經公會泰雅爾語聖經聖經公會魯凱語聖經賽德克族Tgdaya語聖經公會阿美語1997聖經公會太魯閣語聖經印尼聖經越南聖經俄文聖經韓文聖經日語聖經藏語聖經武加大譯本新武加大譯本

各聖經譯本著作權如版權說明。

本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。

信望愛站使用cookies 技術來強化網站功能，您使用本網站，表示您同意我們使用 cookies 技術.