傳道書 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
11:1 Bêng-tì Lâng ê Chok-ûi
Tio̍h kā lí ê bí-niûⁿ iā tī chúi-bīn, in-ūi ji̍t kú chiū ē tit-.tio̍h.
11:2 Hūn-gia̍h tio̍h pun-chò chhit hūn á-.sī peh hūn, in-ūi lí m̄-chai chiong-lâi ū siáⁿ-mi̍h chai-hō ē lîm-kàu tē-chiūⁿ.
11:3 Hûn nā ū hō͘ móa-móa, chiū piàⁿ lo̍h-lâi tē-chiūⁿ. Chhiū nā ǹg lâm á-.sī ǹg pak tó, chhiū tó tī siáⁿ-mi̍h só͘-chāi, chiū tiāⁿtiāⁿ tī hia.
11:4 Khòaⁿ hong-sè ê lâng bô beh iā chéng, khòaⁿ hûn-sek ê lâng bô beh siu-koah.
11:5 Hong só͘ chhoe ê lō͘, lí m̄-chai, kut-hâi tī īn-hū ê thai án-chóaⁿ seng-tióng, lí mā m̄-chai; ánne, kiâⁿ bān sū ê Siōng-tè só͘ chò ê tāichì, lí mā sī bē tàng chai.
11:6 Chá-khí sî tio̍h iā lí ê chéng-chí, ê-hng sî mā m̄ thang thêng lí ê chhiú, in-ūi lí m̄-chai tó chi̍t-ê ē bō͘-sēng, sī chit-ê á-.sī hit-ê, á-.sī nn̄g-ê ē pêⁿ hó.
11:7 Kng chin-chiàⁿ sī hó, ba̍k-chiu khòaⁿ tio̍h kng mā sī thang hoaⁿ-hí.
11:8 Lâng oa̍h chin chē nî, chiū tio̍h khoài-lo̍k chin chē nî; chóng-.sī, mā tio̍h siūⁿ kàu o͘-àm ê ji̍t-chí, in-ūi o͘-àm ê ji̍t-chí ē chin chē. Só͘ beh lâi ê lóng sī khang-hi.
11:9 Tùi Siàu-liân Lâng ê Khoàn-kò
Siàu-liân lâng, lí tī siàu-liân ê sî tio̍h khoài-lo̍k; tī siàu-liân ê ji̍t-chí hō͘ lí ê sim-sîn an-ùi lí, mā tio̍h chiàu lí sim só͘ ì-ài ê kah ba̍k-chiu só͘ khòaⁿ-.tio̍h ê lâi kiâⁿ. Chóng-.sī, lí tio̍h chai, ūi tio̍h che it-chhè ê tāichì, Siōng-tè ē kā lí sím-phòaⁿ.
11:10 Só͘-í, tio̍h hō͘ iu-būn lī-khui lí ê sim, mā tùi lí ê seng-khu tû-khì pháiⁿ tāi, in-ūi siàu-liân kah chòng-liân, lóng sī khang-hi.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。