箴言 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
24:1 Tē Cha̍p-káu Tiâu
M̄-thang him-siān pháiⁿ lâng, mā m̄ thang ài kah in chò-tui.
24:2 In-ūi in ê sim tô͘-bô͘ kiông-pō, in ê chhùi tâm-lūn chân-hāi.
24:3 Tē Jī-cha̍p Tiâu
Chhù tùi tì-hūi lâi khí-chō, koh tùi chhong-bêng lâi kiàn-li̍p.
24:4 Koh tùi tì-sek, i ê pâng-keng chiū chhiong-móa ta̍k hāng pó-pòe kah kùi-tiōng ê châi-bu̍t.
24:5 Tē Jī-cha̍p-it tiâu
Tì-hūi ê lâng ū tōa lêng-le̍k, ū tì-sek ê lâng ke-thiⁿ khùi-la̍t.
24:6 Lí beh kau-chiàn tio̍h ēng hó ê kè-chhek, bô͘-sū chē chiū ē tek-sèng.
24:7 Tē Jī-cha̍p-jī Tiâu
Tì-hūi chin koân, gōng lâng bē tàng kàu; i tī siâⁿ mn̂g bē hiáu khui chhùi.
24:8 Tē Jī-cha̍p-saⁿ Tiâu
Kè-bô͘ chò pháiⁿ ê lâng ē hông chheng-chò jiá chai-hō ê lâng.
24:9 Gōng lâng ê sim-su ì-liām sī chōe-ok, bú-bān ê lâng sī lâng só͘ thó-ià.
24:10 Tē Jī-cha̍p-sì Tiâu
Tī hoān-lān ê ji̍t nā tò-kiu, lí ê khùi-la̍t chiū ē kiám-chió.
24:11 Tē Jī-cha̍p-gō͘ Tiâu
Lâng siū thoa kàu sí-tē, lí tio̍h kā i kái-kiù; lâng teh beh siū sat-hāi, lí m̄ thang bô kā i kiù.
24:12 Lí nā kóng, " Lí khòaⁿ, chit-ê tāichì goán m̄-chai ", hit ūi kàm-chhat lâng ê sim ê Siōng-tè kám bē sím-phòaⁿ? Pó-choân lí ê sèⁿ-miā ê kám m̄-chai? I kám bô chiàu ta̍k lâng só͘ kiâⁿ ê lâi pò-èng?
24:13 Tē Jī-cha̍p-la̍k Tiâu
Góa ê kiáⁿ, lí tio̍h chia̍h bi̍t, in-ūi bi̍t sī hó; chia̍h bi̍t-pâng só͘ tih ê bi̍t chiū chai tiⁿ.
24:14 Lí tio̍h chai, tì-hūi tī lí ê sim-lāi mā sī ánne; lí nā chhōe-.tio̍h, chiong-lâi ē ū hó pò; lí ê ǹg-bāng mā bē tì-kàu toān-choa̍t.
24:15 Tē Jī-cha̍p-chhit Tiâu
Pháiⁿ lâng, lí m̄ thang bih-.leh kong-kek gī lâng ê chhù; m̄ thang phò-hoāi i an-hioh ê só͘-chāi.
24:16 In-ūi gī lâng poa̍h-tó chhit pái ē koh peh khí-.lâi; pháiⁿ lâng siū chai-lān chiū tó-hoāi.
24:17 Tē Jī-cha̍p-peh Tiâu
Lí ê tùi-te̍k poa̍h-tó, m̄ thang hoaⁿ-hí; i tó lo̍h-.khì, lí ê sim mā m̄ thang khoài-lo̍k.
24:18 Khióng-kiaⁿ Siōng-chú khòaⁿ tio̍h chiū bô hoaⁿ-hí, soah hō͘ I ê siū-khì lī-khui lí ê tùi-te̍k.
24:19 Tē Jī-cha̍p-káu Tiâu
M̄-thang ūi tio̍h chò pháiⁿ ê lâng lâi phō put-pêng, mā m̄ thang him-siān pháiⁿ lâng.
24:20 In-ūi pháiⁿ lâng bô hó kiat-kio̍k, pháiⁿ lâng ê teng ē hoa-khì.
24:21 Tē Saⁿ-cha̍p Tiâu
Góa ê kiáⁿ, lí tio̍h kèng-ùi Siōng-chú kah kun-ông, m̄ thang kah chō-hoán ê lâng kiat-kau.
24:22 In-ūi in hut-jiân khí chai-lān, siáⁿ lâng ē chai sī Siōng-tè kah kun-ông teh kā in hêng-hoa̍t?
24:23 Lēng-gōa Chi̍t-kóa Tì-hūi ê Ōe
ē-bīn só͘ kì ê mā sī tì-hūi lâng ê ōe. Sím-phòaⁿ ê sî khòaⁿ lâng ê chêng-bīn sī m̄-hó.
24:24 Tùi pháiⁿ lâng kóng, " Lí sī kong-gī ", bān-bîn ē chiù-chó͘ chit khoán lâng, lia̍t pang ē thó-ià i.
24:25 Chek-pī pháiⁿ lâng ê lâng ē tit tio̍h hoaⁿ-hí, hó ōe ê chiok-hok mā ē lîm-kàu i.
24:26 Ēng ha̍p-gî ê ōe ìn-tap, ná chhin-chhiūⁿ ēng chhùi kā lâng chim.
24:27 Lí tio̍h tāi-seng chún-pī gōa-bīn ê tāichì, chhân-hn̂g liāu-lí hó-sè, Chiah thang khí chhù.
24:28 M̄-thang bô-iân bô-kò͘ chò kiàn-chèng lâi kong-kek chhù-piⁿ; lí kám ē ēng chhùi-tûn lâi khi-phiàn lâng?
24:29 M̄-thang kóng i án-chóaⁿ khoán-thāi góa, góa mā ánne kā i khoán-thāi; góa beh chiàu hit-ê lâng ê só͘ chò lâi pò-ho̍k.
24:30 Góa keng-kòe pîntōaⁿ lâng ê chhân, bû-ti ê lâng ê phû-tô hn̂g;
24:31 Khòaⁿ-kìⁿ chhì-phè hoat kah móa sì-kè, chháu-chhì jia-khàm tē bīn, chio̍h-chhiûⁿ mā tó lo̍h-.khì.
24:32 Góa khòaⁿ-liáu chiū chhim-ji̍p su-khó, góa khòaⁿ-liáu chiū tit tio̍h kà-sī.
24:33 Koh khùn chi̍t-sî-á, koh bîn chi̍t-sî-á, koh theⁿ chi̍t-sî-á,
24:34 Lí ê sànchhiah ē chhin-chhiūⁿ chha̍t-á lâi, lí ê khiàm-khoeh ē chhin-chhiūⁿ kiông-tō kàu.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。