箴言 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
19:1 Chèng-ti̍t ê sànchhiah lâng, iâⁿ-kòe o͘-pe̍h-kóng koh gû-gōng ê lâng.
19:2 Jia̍t-sim nā bô tì-sek sī m̄-hó; kha kiâⁿ kín ê lâng bē bián-tit ē hoān chōe.
19:3 Lâng in-ūi gû-gōng lâi pāi-hoāi kakī ê lō͘, i ê sim tian-tò-khì bâi-oàn Siōng-chú.
19:4 Hó-gia̍h chiū ē ke-thiⁿ chin chē pêng-iú, sànchhiah chiū ē hō͘ pêng-iú lī-khui i.
19:5 Lām-sám kiàn-chèng ê lâng bē bián-tit ē siū hêng-hoa̍t; kóng pe̍h-chha̍t mā bē tàng tô-thoat hêng-hoa̍t.
19:6 Chiáng-koân ê lâng, chin chē lâng ē tùi i kiû un; chín-chè ê lâng, lâng-lâng chò i ê pêng-iú.
19:7 Sàn-chhiah lâng liân i ê hiaⁿ-tī to thó-ià i, hô-hòng i ê pêng-iú koh khah ē lī-khui i; jiok beh kah in kóng-ōe, in í-keng bô tī hia.
19:8 Tit tio̍h tì-hūi ê lâng, ē thiàⁿ-sioh i ê lêng-hûn; pó-siú bêng-lí ê lâng, ē tit tio̍h hok-khì.
19:9 Lām-sám kiàn-chèng ê lâng bē bián-tit siū hêng-hoa̍t; kóng pe̍h-chha̍t ê lâng ē tú tio̍h bia̍t-bông.
19:10 Gōng lâng hióng-siū iàn-lo̍k sī bô ha̍p-gî; lô͘-po̍k koán-hat kùi-cho̍k koh khah bô eng-kai.
19:11 Lâng ū kiàn-sek chiū bē khoài siū-khì; sià-bián lâng ê kòe-sit to̍h-sī kakī ê êng-kng.
19:12 Ông ê tōa siū-khì chhin-chhiūⁿ sai hm̄-hm̄ háu; i ê un-tián chhin-chhiūⁿ chháu-téng ê lō͘-chúi.
19:13 Gōng kiáⁿ sī lāu-pē ê chai-hō; bó͘ ê chháu-nāu chhin-chhiūⁿ hō͘-chúi chho̍p-chho̍p tih.
19:14 Chhù-the̍h châi-sán sī chó͘-sian só͘ lâu ê, to̍k-to̍k hiân-hūi ê bó͘ sī Siōng-chú só͘ sù.
19:15 Lán-si ê lâng khùn tāng-bîn, pîntōaⁿ ê lâng ē tú tio̍h iau-gō.
19:16 Siú kài-bēng ê lâng sī teh siú lêng-hûn; bô sè-jī kiâⁿ Siōng-chú ê lō͘ ē tì-kàu sí-bông.
19:17 Chín-chè sànchhiah lâng to̍h-sī teh chioh hō͘ Siōng-chú; I ē chiàu i só͘ kiâⁿ ê hó sū lâi hêng i.
19:18 Thàn iáu ū ǹg-bāng, tio̍h kàu-tok lí ê kiáⁿ, lí m̄ thang siūⁿ beh hō͘ i sí.
19:19 Khoài siū-khì ê lâng it-tēng tio̍h siū hêng-hoa̍t, lí nā kiù i tio̍h koh ke chi̍t pái hêng-hoa̍t.
19:20 Lí tio̍h thiaⁿ khó͘-khǹg, siū kà-sī, thang hō͘ lí kàu bóe ū tì-hūi.
19:21 Lâng sim-lāi ū chin chē kè-bô͘, chí ū Siōng-chú ê chí-ì chiah ē ún-tàng si̍t-hiān.
19:22 Lâng só͘ ì-ài sī i ê jîn-chû; sànchhiah pí kóng pe̍h-chha̍t khah hó.
19:23 Kèng-ùi Siōng-chú chiū ē tit tio̍h oa̍h-miā; i ē an-ki pá-chiok bē tú tio̍h chai-hō.
19:24 Pîn-tōaⁿ ê lâng chhun chhiú tī pôaⁿ-.ni̍h, mā m̄-khéng the̍h kàu chhùi.
19:25 Phah bú-bān ê lâng ē hō͘ gōng-ti̍t ê lâng chhéⁿ-ngō͘; chek-pī bêng-lí ê lâng ē hō͘ i koh khah ū tì-sek.
19:26 Pháiⁿ khoán-thāi lāu-pē koh kóaⁿ-chhut lāu-bú ê lâng, sī sià bīn-chú koh tì-kàu lêng-jio̍k ê kiáⁿ.
19:27 Góa ê kiáⁿ, choa̍t-tùi m̄ thang phian-lī tì-sek ê ōe, tì-sú bô thiaⁿ koán-kà.
19:28 Chò hi-ké kiàn-chèng sī teh bú-bān kong-pêⁿ, pháiⁿ lâng kā chōe-ok chún pn̄g thun lo̍h-.khì.
19:29 Hêng-hoa̍t sī ūi tio̍h bú-bān ê lâng lâi siat; piⁿ-phah mā sī ūi tio̍h gōng lâng ê kha-chiah-phiaⁿ lâi chún-pī.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。