箴言 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
5:1 Kéng-kài Îm-loān
Góa ê kiáⁿ, tio̍h chim-chiok góa ê tì-hūi, àⁿ hīⁿ-khang thiaⁿ góa chhong-bêng ê ōe.
5:2 Ūi tio̍h beh hō͘ lí chip-siú kè-ōe, chhùi-tûn tio̍h pó-chûn tì-sek.
5:3 In-ūi îm-hū ê chhùi-tûn tih-lo̍h tiⁿ-bi̍t, i ê chhùi pí iû khah-ku̍t.
5:4 Kàu bóe chiū khó͘ kah chhin-chhiūⁿ in-tîn, LBK kah chhin-chhiūⁿ siaam bīn lāi ê kiàm.
5:5 I ê kha lo̍h kàu sí-tē; i ê kha-pō͘ ta̍h tio̍h im-hú.
5:6 Tì-sú oa̍h-miā pêⁿ-tháⁿ ê lō͘ i chhōe bē tio̍h; i ê lō͘ bô tiāⁿ tio̍h, i mā m̄-chai.
5:7 Góa chiahê kiáⁿ, taⁿ tio̍h chun-thàn góa; m̄ thang lī-khui góa só͘ kóng ê ōe.
5:8 Lí ê lō͘ tio̍h lī-khui i hn̄g-hn̄g, m̄ thang kiâⁿ kīn i ê mn̂g-kháu.
5:9 Khióng-kiaⁿ lí ē kā kakī ê êng-kng hō͘ pa̍t lâng; ē kā lí ê hòe-siū kau hō͘ chân-jím ê lâng.
5:10 Khióng-kiaⁿ gōa-lâng ē tit tio̍h lí ê chîⁿ-châi móa-móa; lí lô-khó͘ tit tio̍h ê châi-hù ē kui hō͘ gōa-lâng ê ke.
5:11 Kàu bóe lí ê jio̍k-thé soe-pāi, lí chiū pi-ai thó͘-khùi,
5:12 Lí chiū ē kóng, " Hāi ah! Góa ná ē oàn-hūn kà-sī, sim-lāi biáu-sī chek-pī;
5:13 Ná ē bô chun-thàn góa ê lāu-su ê ōe, koh bô àⁿ hīⁿ-khang thiaⁿ hiahê kà-sī góa ê lâng.
5:14 Góa tī hōe-chiòng kah tōa hōe tiong, hiám-hiám-á hām-lo̍h tī ta̍k chióng ê pháiⁿ. "
5:15 Lí tio̍h lim kakī chúi-tî lāi ê chúi, lim kakī chéⁿ lāi só͘ chhut ê chúi.
5:16 Lí ê chúi-chôaⁿ kám thang móa chhut gōa-bīn? Lí ê khe chúi kám thang lâu tī ke-lō͘?
5:17 To̍k-to̍k kui lí chi̍t-ê lâng; m̄ thang kah pa̍t lâng chò-hóe ēng.
5:18 Tio̍h hō͘ lí ê chúi-chôaⁿ tit tio̍h hok-khì; tio̍h hoaⁿ-hí lí siàu-liân ê sî só͘ chhōa ê bó͘.
5:19 I chhin-chhiūⁿ thang thiàⁿ ê lo̍k-bú, thang hoaⁿ-hí ê lo̍k-bú; i ê heng chêng hō͘ lí sî-sî ti chiok; i ê ài-chêng hō͘ lí tiāⁿtiāⁿ loân-bō͘.
5:20 Góa ê kiáⁿ, lí ná ē loân-bō͘ îm-hū? Ná ē khì lám ki-lí?
5:21 In-ūi lâng só͘ kiâⁿ ê lō͘ lóng tī Siōng-chú ê ba̍k-chiu chêng; I mā siu pêⁿ lâng só͘-ū ê lō͘.
5:22 Pháiⁿ lâng ē hō͘ kakī ê chōe-kò khîⁿ-tiâu; i ē hō͘ i chōe-ok ê soh-á pa̍k-.leh.
5:23 I in-ūi khiàm-khoeh kà-sī ē tì-sú sí-bông; koh in-ūi gû-gōng kàu-ke̍k ē kiâⁿ chhe-lō͘.
各聖經譯本著作權如版權說明。
本畫面由信望愛資訊中心之CBOL計畫產生，歡迎連結，無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人，來榮耀祂自己的名。