詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
146:1 O-ló Siōng-chú ê Pang-chō͘
Lín tio̍h oló Siōng-chú! Góa ê sim-sîn, lí tio̍h oló Siōng-chú!
146:2 Góa chi̍t-sì-lâng beh oló Siōng-chú! Góa iáu oa̍h-.leh ê sî, beh chhiùⁿ koa oló góa ê Siōng-tè!
146:3 Lín m̄ thang óa-khò kun-ông, m̄ thang óa-khò sè-kan lâng; In chi̍t-tiám-á to bē tàng pang-chān.
146:4 I chi̍t-ē tn̄g-khùi chiū kui thó͘; i ê kè-ōe tī hit ji̍t chiū piàn khang-khang.
146:5 Ū Iâ-kop ê Siōng-tè chò i ê pang-chān ê lâng ū hok-khì! Gióng-bōng i ê Siōng-tè — Siōng-chú ê lâng ū hok-khì!
146:6 I chhòng-chō thiⁿ, tē, hái kah kî-tiong ê bān-mi̍h; I pó-siú sìn-si̍t kàu tī éng-oán.
146:7 I ūi tio̍h siū oan-óng ê lâng sin-oan, siúⁿ-sù chia̍h-mi̍h hō͘ iau-gō ê. Siōng-chú tháu-pàng siū koaiⁿ-kaⁿ ê lâng,
146:8 Siōng-chú khui chheⁿmê lâng ê ba̍k-chiu, Siōng-chú hû-khí siū ap-chè ê lâng. Siōng-chú thiàⁿ-sioh gī lâng.
146:9 Siōng-chú pó-hō͘ chhut-gōa lâng, Siōng-chú hû-chhî ko͘-jî, kóaⁿ-hū; chóng-.sī, I ē hō͘ pháiⁿ lâng ê tō-lō͘ oan-khiau.
146:10 Siōng-chú ē chò ông kàu éng-oán! Si-óng, lí ê Siōng-tè ē chò ông kàu bān-sè-tāi! Lín tio̍h oló Siōng-chú!
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。