詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
132:1 Siōng-chàn Sèng-tiān
(Peh kiā-á ê si. )Siōng-chú ah, Ta-bi̍t siū it-chhè ê khó͘-lān, kiû Lí kì-liām i!
132:2 I án-chóaⁿ tùi Siōng-chú chiùchōa, tùi Iâ-kop ê tōa koân-lêng ê hē goān,
132:3 kóng: Góa it-tēng bô beh ji̍p-khì góa ê chhù ê pò͘-pêⁿ, mā bô beh chiuN77 góa ê bîn-chhn̂g;
132:4 Góa bô iông-ín góa ê ba̍k-chiu khùn-.khì, mā bô iông-ín góa ê ba̍k-chiu phôe ha̍p-óa;
132:5 It-ti̍t kàu góa ūi tio̍h Siōng-chú chhōe tio̍h só͘-chāi, ūi Iâ-kop ê tōa koân-lêng ê chhōe tio̍h tòa ê só͘-chāi.
132:6 Lí khòaⁿ, goán thiaⁿ tio̍h iok-kūi tī E-hu-la̍t, goán tī chhiū-nâ ê chhân chhōe-.tio̍h.
132:7 Goán beh ji̍p-khì Siōng-chú tòa ê só͘-chāi, goán beh tī I ê kha-ta̍h-í-chêng kūi-pài.
132:8 Siōng-chú ah, kiû Lí khí-.lâi, Lí kah Lí ū khùi-la̍t ê iok-kūi chò-hóe ji̍p-khì Lí hioh-khùn ê só͘-chāi!
132:9 Goān Lí ê chè-si ēng kong-gī chò saⁿ-chhēng! Goān Lí sèng ê chú-bîn chhut hoaⁿ-hí ê siaⁿ!
132:10 Kiû Lí ūi tio̍h Lí ê lô͘-po̍k — Ta-bi̍t ê iân-kò͘, m̄ thang khì-sak Lí boah iû siat-li̍p ê kun-ông!
132:11 Siōng-chú ēng sìn-si̍t tùi Ta-bi̍t chiùchōa, tek-khak bē kái-piàn, kóng, góa beh hō͘ lí ê kiáⁿ chē tī lí ê pó-chō.
132:12 Lí ê kiáⁿ-sun nā chun-siú góa ê iok kah góa só͘ kà-sī in ê hoat-tō͘, In ê kiáⁿ-sun ē éng-oán chē lí ê pó-chō. "
132:13 In-ūi Siōng-chú ū kéng-soán Si-óng, chò I pún-sin tòa ê só͘-chāi,
132:14 kóng: Che sī Góa éng-oán hioh-khùn ê só͘-chāi; Góa beh tòa chia, in-ūi chia sī Góa só͘ ì-ài ê.
132:15 Góa beh hō͘ Si-óng bí-niûⁿ hong-sēng, Góa ē ēng chia̍h-mi̍h hō͘ i ê sànchhiah lâng kàu-gia̍h thang chia̍h.
132:16 Góa beh hō͘ i ê chè-si ēng kiù-un chò saⁿ-chhēng, i sèng ê chú-bîn ē chhut tōa hoaⁿ-hí ê siaⁿ!
132:17 Góa beh hō͘ Ta-bi̍t ê kak tī hia chiáng-koân, koh ūi tio̍h Góa boah iû siat-li̍p ê kun-ông chún-pī kng-teng.
132:18 Góa beh hō͘ i ê tùi-te̍k ēng kiàn-siàu chò saⁿ-chhēng; chóng-.sī, ông ê bián-liû ē tī i ê thâu-khak téng hoat-chhut kng.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。