詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
108:1 Kiû Chō͘ ê Kî-tó
( SPh 57: 7-11; 60: 5-12)
( Ta-bi̍t ê si-koa. )Siōng-tè ah, góa ê sim chū-chāi; góa beh gîm-si, góa ê sim-sîn beh chhiùⁿ koa oló!
108:2 Khîm kah sek, lín tio̍h cheng-sîn khí-.lâi! Góa pún-sin beh chá-chá cheng-sîn khí-.lâi!
108:3 Siōng-chú ah, góa beh tī bān-bîn ê tiong-kan kám-siā Lí, tī lia̍t pang ê tiong-kan chhiùⁿ koa oló Lí!
108:4 In-ūi Lí ê chû-ài khah tōa kòe thiⁿ! Lí ê sìn-si̍t thong-kàu kiong-chhong!
108:5 Siōng-tè ah, goān Lí koân-tōa pôaⁿ-kòe hiahê thiⁿ! Goān Lí ê êng-kng pôaⁿ-kòe choân tē!
108:6 Kiû Lí thiaⁿ goán, ēng chiàⁿ chhiú lâi khan-kiù goán, thang hō͘ Lí só͘ thiàⁿ ê lâng tit-kiù.
108:7 Siōng-tè í-keng kí I ê sèng-kiat lâi kóng, " Góa beh tōa hoaⁿ-hí; góa beh hun-koah Sī-khiàm, hun-phòe Su-kot ê soaⁿ-kok.
108:8 Gi-lia̍t sī Góa ê, Má-ná-se mā sī Góa ê; E-hu-laim sī Góa ê thâu-khoe, Iô-tah sī Góa ê koân-pèng.
108:9 Mô͘-ap beh chò góa ê e̍k-phûn; góa beh hiat góa ê ê tī E-tóm lâi ióng-iú; góa beh in-ūi khah iâⁿ Hui-lī-sū lâi tōa-siaⁿ hoah.
108:10 Siáⁿ lâng ē chhōa góa ji̍p-khì kian-kò͘ ê siâⁿ? Siáⁿ lâng ē chhōa góa ji̍p-khì E-tóm ê tē?
108:11 Siōng-tè ah, Lí kám m̄-sī khì-sak goán? Siōng-tè ah, Lí bô kah goán ê kun-peng chò-hóe chhut-cheng.
108:12 Kiû Lí pang-chān goán kong-kek tùi-te̍k, in-ūi lâng ê chín-kiù sī bô chhái-kang.
108:13 Goán óa-khò Siōng-chú chiah ē oân-sêng tōa tāichì, in-ūi thún-ta̍h goán ê tùi-te̍k ê to̍h-sī I.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。