詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
101:1 Kun-ông ê Hē-goān
( Ta-bi̍t ê si. )Góa beh chhiùⁿ chû-ài kah kong-pêⁿ ê koa; Siōng-chú ah, góa beh ǹg Lí chhiùⁿ oló ê koa!
101:2 Góa beh ēng tì-hūi kiâⁿ tī oân-choân ê lō͘. Lí siáⁿ-sî ē lâi-kàu góa chia? Góa beh ēng oân-choân ê sim kiâⁿ tī góa ê chhù lāi.
101:3 Siâ-ok ê tāichì, góa lóng bô beh pâi tī góa ê ba̍k-chiu chêng; pōe-ge̍k ê lâng só͘ chò ê tāichì, góa chin oàn-hūn; góa bô beh hō͘ i bak-.tio̍h.
101:4 Oan-khiau ê sim-su it-tēng hō͘ i lī-khui góa; só͘-ū ê pháiⁿ tāichì, góa lóng kā i kī-choa̍t.
101:5 Àm-tiong húi-pòng chhù-piⁿ ê lâng, góa beh kā i bia̍t-tiāu; ba̍k-thâu koân, sim kiau-ngō͘ ê lâng, góa bô iông-ín i.
101:6 Góa ê ba̍k-chiu beh khòaⁿ kok lāi sêng-si̍t ê lâng, hō͘ in kah góa chò-hóe tòa; kiâⁿ tī oân-choân ê lō͘ ê lâng ē ho̍k-sāi góa.
101:7 Kiâⁿ kúi-chà ê lâng bē tàng tòa góa ê chhù lāi; kóng pe̍h-chha̍t ê lâng bē tàng tī góa ê ba̍k-chiu chêng khiā-tiâu.
101:8 Ta̍k chá-khí góa beh siau-bia̍t kok lāi ê pháiⁿ lâng, thang kā só͘-ū chò pháiⁿ ê lâng tùi Siōng-chú ê siâⁿ tû-.khì.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。