詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
99:1 Siōng-chú sī Chì-koân ê Ông
Siōng-chú chò ông, lia̍t pang to̍h phi̍h-phi̍h chhoah! I chē tī ki-lō͘-peng, tē to̍h iô-tāng.
99:2 Siōng-chú tī Si-óng chò tōa; I pôaⁿ-kòe tī bān-bîn ê téng-bīn.
99:3 In tio̍h oló Lí tōa koh thang kiaⁿ-ùi ê miâ; I sī chì-sèng!
99:4 Ông ū khùi-la̍t, ì-ài kong-pêⁿ, Lí hō͘ chèng-ti̍t kian-kò͘, tī Iâ-kop kiâⁿ kong-pêⁿ kah gī-lí.
99:5 Lín tio̍h chun-tiōng Siōng-chú — lán ê Siōng-tè, tī I kha-ta̍h-í ê thâu-chêng kūi-pài. I sī chì-sèng!
99:6 Tī I ê chè-si tiong ū Mô͘-se kah A-lông; tī kiû-kiò I ê miâ ê lâng ê tiong-kan ū Sa-mu-el. In kiû-kiò Siōng-chú, I chiū thiaⁿ in ê kî-kiû.
99:7 I tī hûn-thiāu ê tiong-kan tùi in kóng ōe; in chun-siú I kiàn-chèng ê ōe kah I só͘ siúⁿ-sù hō͘ in ê lu̍t-hoat.
99:8 Siōng-chú — goán ê Siōng-tè ah, Lí ū kā in ìn-tap; Lí sûi-jiân chiàu in ê só͘ chò lâi kā in pò-èng, Lí iáu koh sī sià-bián in ê Siōng-tè.
99:9 Lín tio̍h chun-chông Siōng-chú — lán ê Siōng-tè, tī I ê sèng-soaⁿ kūi-pài, in-ūi lán ê Siōng-tè — Siōng-chú sī chì-sèng!
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。