詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
81:1 Cheh-kî Chi Koa
( A-sah ê si, kau hō͘ ga̍k-koaⁿ; ēng Gat ê tiāu. )Siōng-tè sī lán ê khùi-la̍t, lín tio̍h tōa-siaⁿ oló I, tio̍h chhut hoaⁿ-hí ê siaⁿ, oló Iâ-kop ê Siōng-tè!
81:2 Tio̍h chhiùⁿ si-koa, iô lin-long-kó͘, tôaⁿ hó thiaⁿ ê khîm kah sek.
81:3 Tio̍h tī chhe-it cha̍p-gō͘ — lán cheh-kî ê ji̍t, pûn sàu-kak.
81:4 In-ūi che sī kā I-su-la-el tiāⁿ tio̍h ê lu̍t-lē, sī Iâ-kop ê Siōng-tè só͘ siat ê lé-gî.
81:5 I khì kong-kek Ai-gi̍p tē ê sî, tī Iô-sé-huh ê tiong-kan li̍p chit-ê iok chò kiàn-chèng. Tī hia góa thiaⁿ tio̍h góa só͘ bē liáu-kái ê ōe.
81:6 Siōng-tè kóng: Góa hō͘ i ê keng-kah-thâu thoat-lī tāng-tàⁿ, hō͘ i ê chhiú pàng-lo̍h tāng ê nâ-á.
81:7 Lí tī hoān-lān tiong kiû-kiò góa, góa bat kiù lí; góa tī tân-lûi ê ba̍t hûn tiong ìn lí, góa tī Me-lí-bah ê chúi piⁿ chhì-thàm lí. [Sè-la̍h]
81:8 Góa ê chú-bîn, lí tio̍h thiaⁿ, góa beh tùi lí chò kiàn-chèng; I-su-la-el, goān lí chun-thàn góa.
81:9 Tī lí ê tiong-kan m̄ thang ū pa̍t-ê sîn-bêng; gōa-pang ê sîn-bêng, lí mā m̄ thang kūi-pài.
81:10 Góa sī Siōng-chú — lí ê Siōng-tè, góa bat chhōa lí tùi Ai-gi̍p tē chhut-.lâi. Tio̍h tōa khui lí ê chhùi, góa chiū hō͘ lí pá-chiok.
81:11 Chóng-.sī, Góa ê chú-bîn m̄-thiaⁿ góa ê ōe; I-su-la-el lóng m̄ chhap góa.
81:12 Góa chiū chhut-chāi in sim ngē, hō͘ in chiàu kakī ê kè-bô͘ khì chò.
81:13 Goān Góa ê chú-bîn khéng thiaⁿ góa, I-su-la-el khéng kiâⁿ góa ê lō͘,
81:14 Góa chiū ē chin kín kā in ê siû-te̍k chè-ap; oa̍t-tńg góa ê chhiú lâi kong-kek in ê tùi-te̍k.
81:15 Oàn-hūn Siōng-chú ê lâng ē lâi tâu-hâng I, chóng-.sī, in ē kú-tn̂g siū hêng-hoa̍t.
81:16 Siōng-chú mā ē ēng hó ê be̍h hō͘ in chia̍h, koh ēng tùi chio̍h-pôaⁿ chhut ê bi̍t hō͘ in chia̍h kàu pá.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。