詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
61:1 Kî-kiû Pó-hō͘
( Ta-bi̍t ê si, kau hō͘ ga̍k-koaⁿ; ēng si-hiân ê ga̍k-khì. )Siōng-tè ah, kiû Lí thiaⁿ góa ê kiû-kiò, àⁿ-lo̍h thiaⁿ góa ê kî-tó!
61:2 Góa ê sim sit-chì ê sî, chiū beh tùi tē-ke̍k kiû-kiò Lí. Kiû Lí chhōa góa kàu hit-ê pí góa khah koân ê chio̍h-pôaⁿ!
61:3 In-ūi Lí bat chò góa tô-siám ê só͘-chāi, chò góa kian-kò͘ ê siâⁿ-pó lâi hō͘ góa thoat-lī tùi-te̍k.
61:4 Góa beh éng-oán tòa tī Lí ê pò͘-pêⁿ, góa beh bih tī Lí si̍t-kó͘-ē ún-ba̍t ê só͘-chāi. [Sè-la̍h]
61:5 Siōng-tè ah, góa só͘ hē ê goān Lí ū thiaⁿ-.tio̍h; Lí ū kā sán-gia̍p siúⁿ-sù hō͘ kèng-ùi Lí ê lâng.
61:6 Lí ē ke-thiⁿ ông ê hòe-siū, i ê nî-hòe beh kàu bān-sè-tāi.
61:7 I ē éng-oán chē tī Siōng-tè ê bīn-chêng; goān Lí chún-pī chû-ài kah sìn-si̍t lâi pó-hō͘ i!
61:8 Án-ne, góa beh chhiùⁿ koa oló Lí ê miâ kàu éng-oán; thang ji̍t-ji̍t siā góa ê goān.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。