詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
53:1 Lâng ê Siâ-ok
( Ta-bi̍t kà-sī ê si, kau hō͘ ga̍k-koaⁿ; tiāu sī ēng Bâ-hap-la̍h. )Gōng lâng sim-lāi siūⁿ kóng bô Siōng-tè. In sūn-chiông siâ-ok, chò khó-ò͘ⁿ ê tāichì, bô kah chi̍t-ê lâng chò hó.
53:2 Siōng-tè tùi thiⁿ àⁿ lo̍h-lâi khòaⁿ sè-kan lâng, beh khòaⁿ ū bêng-lí ê lâng, á-.sī ū cháu-chhōe Siōng-tè ê lô͘-po̍k á-bô.
53:3 In ta̍k lâng lóng kiâⁿ bê-lō͘, it-khài piàn-chò ù-òe; bô lâng chò hó, liân kah chi̍t-ê to bô.
53:4 Chò pháiⁿ ê lâng kám bē liáu-kái? In thun-chia̍h góa ê jîn-bîn chhin-chhiūⁿ teh chia̍h piáⁿ. In mā bô kiû-kiò Siōng-tè.
53:5 In tī bián kiaⁿ-hiâⁿ ê só͘-chāi tōa kiaⁿ-hiâⁿ, in-ūi Siōng-tè kā hit-ê chat iâⁿ kong-kek lí ê lâng ê kut-thâu phah-sòaⁿ. Lí hō͘ in kiàn-siàu, in-ūi Siōng-tè kā in khì-sak.
53:6 Goān I-su-la-el ê chín-kiù tùi Si-óng chhut! Goān Siōng-tè kā I hiahê siū lia̍h ê chú-bîn kiù tò tńg-.lâi! Hit sî, Iâ-kop ē khoài-lo̍k, I-su-la-el ē hoaⁿ-hí.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。