詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
47:1 Chì-koân ê Thóng-tī-chiá
( Khó-la̍h kiáⁿ-sun ê si, kau hō͘ ga̍k-koaⁿ. ) Lín chèng lâng lóng tio̍h phah pho̍k-á! Tio̍h ēng tek-sèng ê siaⁿ tōa-siaⁿ oló Siōng-tè!
47:2 Siōng-chú — Chì-koân-.ê tio̍h siū kèng-ùi, I sī tōa kun-ông, koán-lí choân tē.
47:3 I hō͘ bān-bîn khut-ho̍k tī goán ê ē-bīn, mā hō͘ lia̍t pang khut-ho̍k tī goán ê kha chêng.
47:4 I thè goán kéng goán ê sán-gia̍p, to̍h-sī I só͘ thiàⁿ ê Iâ-kop ê êng-kng. [Sè-la̍h]
47:5 Siōng-tè tńg-khì I ê pó-chō, ū hoan-ho͘ ê siaⁿ kin-tòe I; Siōng-chú tńg-khì I ê ông-ūi, ū kó͘-chhoe ê siaⁿ kin-tòe I.
47:6 Lín tio̍h chhiùⁿ koa oló Siōng-tè, tio̍h chhiùⁿ koa oló! Tio̍h chhiùⁿ koa oló lán ê ông, tio̍h chhiùⁿ koa oló.
47:7 In-ūi Siōng-tè sī choân tē ê ông, tio̍h ēng tì-hūi chhiùⁿ koa oló I.
47:8 Siōng-tè chò ông tī-lí bān-kok; Siōng-tè chē tī I sèng ê pó-chō.
47:9 Lia̍t-pang ê kùi-cho̍k chū-chi̍p, beh chò A-bu-la-hàm ê Siōng-tè ê chú-bîn; in-ūi choân tē ê kun-ông lóng sio̍k tī Siōng-tè, I sī ke̍k koân siū chun-chông ê.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。