詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
45:1 Kun-ông Hun-in Chi Koa
( Khó-la̍h kiáⁿ-sun kà-sī ê si, koh sī ài-bō͘ ê koa; kau hō͘ ga̍k-koaⁿ; tiāu ēng " Pek-ha̍p-hoe ". )Góa ê sim chhèng-chhut bí-hó ê ōe, góa kóng-khí góa ūi tio̍h ông só͘ chò ê si, góa ê chi̍h chhin-chhiūⁿ láu-liān chok-ka ê pit.
45:2 Lí pí sè-kan lâng khah hó khòaⁿ, lí ê chhùi chhiong-móa un-hūi, só͘-í, Siōng-tè kā lí sù-hok, ti̍t-kàu éng-oán.
45:3 Tōa koân-lêng ê ông, lí tio̍h phāiⁿ kiàm tī io-.ni̍h, hián-chhut lí ê êng-kng kah ui-giâm.
45:4 Koh tī ui-giâm ê tiong-kan, ūi tio̍h chin-lí, khiam-pi kah kong-gī, lí chē bé-chhia chìn-chêng khì, pek-chiàn pek-sèng; lí ê chiàⁿ chhiú ē chò thang kiaⁿ-ùi ê tāichì.
45:5 Lí ê chìⁿ chin lāi, siā tio̍h ông ê tùi-te̍k ê sim; lia̍t pang lóng tó tī lí ê kha-ē.
45:6 Siōng-tè sù hō͘ lí éng-éng oán-oán ê pó-chō, sù hō͘ lí ê kok ū chèng-ti̍t ê koân-pèng.
45:7 Lí ì-ài kong-gī, thó-ià put-hoat; só͘-í, Siōng-tè — lí ê Siōng-tè ēng hoaⁿ-hí ê iû kā lí boah, hō͘ lí iâⁿ-kòe lí hiahê tâng-phōaⁿ.
45:8 Lí ê saⁿ-khò͘ lóng ū bu̍t-io̍h, tîm-hiuⁿ kah jio̍k-kùi ê phang-bī; tùi chhiūⁿ-gê ê ông-kiong ū si-hiân ê ga̍k-khì hō͘ lí hoaⁿ-hí.
45:9 Tī lí chun-kùi ê chabó͘ lâng tiong-kan ū lia̍t kok ê kong-chú; ông-hō͘ ēng O͘-huil ê sûn-kim táⁿ-pān, khiā tī lí ê chiàⁿ pêng.
45:10 Cha-bó͘ gín'á, lí tio̍h àⁿ hīⁿ-khang lâi chim-chiok thiaⁿ, tio̍h siông-sè khòaⁿ! M̄-thang siàu-liām lí ê jîn-bîn kah lí ê lāu-pē ê ke;
45:11 Ông chiū ē him-bō͘ lí ê súi; i sī lí ê Chú, lí tio̍h sūn-ho̍k i.
45:12 Tu-lô ê jîn-bîn ē sàng lé-mi̍h lâi; jîn-bîn tiong-kan ê hó-gia̍h lâng ē tùi lí kiû un.
45:13 Ông ê chabó͘ kiáⁿ tī ông-kiong lāi hui-siông êng-hôa; i ê saⁿ-khò͘ sī ēng kim-sòaⁿ siù ê.
45:14 I chhēng siù-hoe ê saⁿ-khò͘, hông chhōa kàu ông ê bīn-chêng; chò-phōaⁿ kin-tòe i ê chāi-sek-lí mā ē siū chhōa lâi-kàu lí ê bīn-chêng.
45:15 In ē hoaⁿ-hí khoài-lo̍k hō͘ lâng chhōa-.lâi, chìn-ji̍p ông-kiong.
45:16 Lí ê kiáⁿ-sun ē sòa-chiap lí ê chó͘-sian; lí beh siat-li̍p in tī choân tē chò ông.
45:17 Góa beh hō͘ lí ê miâ tāi-tāi hō͘ lâng kì-liām; bān-bîn ē éng-éng oán-oán kám-siā Lí.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。