詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
43:1 Liû-bông-chiá ê Kî-tó
Siōng-tè ah, kiû Lí kā góa chú-chhî kong-tō, hiòng bô khiân-sêng ê kok thè góa sin-oan; kiû Lí kiù góa thoat-lī kan-chà put-gī ê lâng.
43:2 In-ūi Lí sī hō͘ góa ū khùi-la̍t ê Siōng-tè, Lí ná ē pàng-sak góa? Góa sī án-chóaⁿ tio̍h in-ūi tùi-te̍k ê ap-pek, tiāⁿtiāⁿ iu-būn, kiâⁿ lâi kiâⁿ khì?
43:3 Kiû Lí hoat-chhut Lí ê kng kah chin-si̍t lâi ín-chhōa góa, chhōa góa kàu Lí ê sèng-soaⁿ, kàu Lí ê hōe-bō͘.
43:4 Góa chiū beh kàu Siōng-tè ê chè-tôaⁿ, kàu góa ke̍k hoaⁿ-hí ê Siōng-tè hia. Siōng-tè ah, góa ê Siōng-tè ah, góa beh tôaⁿ khîm lâi oló Lí.
43:5 Góa ê sim, lí ná ē ut-chut? Sī án-chóaⁿ tī góa ê lāi-bīn teh tio̍h-kip? Lí tio̍h gióng-bōng Siōng-chú, in-ūi góa iáu koh beh oló I. I sī góa ê bīn ê êng-kng, góa ê Siōng-tè.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。