詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
42:1 Tē-jī Koàn(42-72 phiⁿ)
Liû-lōng-chiá ê Kî-tó
( Khó-la̍h kiáⁿ-sun kà-sī ê si, kau hō͘ ga̍k-koaⁿ. ) Siōng-tè ah, góa ê sim pek-chhiat him-bō͘ Lí, chhin-chhiūⁿ lo̍k pek-chhiat him-bō͘ khe chúi.
42:2 Góa ê sim chhùi-ta him-bō͘ Siōng-tè, to̍h-sī éng-oán oa̍h ê Siōng-tè; góa tang-sî ē-tàng kàu Siōng-tè ê bīn-chêng khì kìⁿ I?
42:3 Góa mê-ji̍t ēng góa ê ba̍k-sái chún pn̄g chia̍h; tùi-te̍k it-ti̍t mn̄g góa kóng, Lí ê Siōng-tè tī tó-ūi?
42:4 Góa chá-chêng kah kûn-chiòng chò-tīn khì, chhōa in lâi-kàu Siōng-tè ê chhù, ēng hoaⁿ-hí oló ê siaⁿ kah tāi-ke siú cheh. Góa tui-liām chiahê tāichì, góa ê sim hui-siông pi-siong.
42:5 Góa ê sim ná ē ut-chut? Ná ē tī góa ê lāi-bīn tio̍h-kip? Tio̍h gióng-bōng Siōng-tè; in-ūi I ê bīn ǹg góa lâi chín-kiù góa, só͘-í, góa iáu koh beh oló I.
42:6 Góa ê Siōng-tè ah, góa ê sim tī góa ê lāi-bīn ut-chut, só͘-í, góa tùi Iol-tàn hô ê tē kah Hel-móng, mā tùi Mi-chah ê soaⁿ lâi kì-liām Lí.
42:7 Lí ê pho̍k-pò͘ chhut siaⁿ, chhim-ian kah chhim-ian chiū sio ho͘-èng; Lí ê pho-lōng kah Lí ê tōa-éng lóng kā góa im-ba̍t.
42:8 M̄ koh, Siōng-chú tī ji̍t-sî ē si-lo̍h I ê chû-ài; I tī àm-sî hō͘ góa chhiùⁿ koa, lâi tùi sù góa oa̍h-miā ê Siōng-tè kî-kiû.
42:9 Góa beh tùi Siōng-tè — góa ê chio̍h-pôaⁿ kóng, Lí ná ē bē kì-tit góa? Góa sī án-chóaⁿ in-ūi tùi-te̍k ê ap-pek lâi iu-būn, kiâⁿ lâi kiâⁿ khì?
42:10 Góa ê tùi-te̍k kā góa khau-sé kahná phah-chhùi góa ê kut-thâu; in it-ti̍t mn̄g góa kóng, lí ê Siōng-tè tī tó-ūi?
42:11 Góa ê sim, lí ná ē ut-chut? Sī án-chóaⁿ tī góa ê lāi-bīn tio̍h-kip? Lí tio̍h gióng-bōng Siōng-tè; góa iáu koh beh oló I, in-ūi I sī góa ê bīn ê êng-kng, mā sī góa ê Siōng-tè.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。