詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
36:1 Lâng ê siâ-ok kah Siōng-chú ê Siān-liông
( Siōng-tè ê lô͘-po̍k — Ta-bi̍t ê si, kau hō͘ ga̍k-koaⁿ. )Pháiⁿ lâng ū goân chōe tī sim tiong teh chok-koài, i gán-tiong bô kiaⁿ Siōng-tè.
36:2 In-ūi tùi i lâi kóng, goân chōe sī i ê khoa-kháu, kakī siūⁿ kóng i ê chōe-ok éng-oán bē lō͘-hiān, bē siū thó-ià.
36:3 I chhùi lāi ê ōe lóng sī chōe-ok kah kan-chà; i bô koh-chài ū tì-hūi, mā bô ū hó ê hêng-ûi.
36:4 I tī bîn-chhn̂g téng iáu teh tô͘-bô͘ chōe-ok; i koat-tēng beh kiâⁿ pháiⁿ lō͘, i bô thó-ià pháiⁿ tāi.
36:5 Siōng-chú ah, Lí ê chû-ài sī tī thiⁿ-.ni̍h ; Lí ê sìn-si̍t kàu tī kiong-chhong.
36:6 Lí ê gī chhin-chhiūⁿ ke̍k koân ê soaⁿ; Lí ê phòaⁿ-toàn chhin-chhiūⁿ chhim-ian. Siōng-chú ah, lâng kah chengseⁿ Lí lóng pó-hō͘.
36:7 Siōng-tè ah, Lí ê chû-ài ná ē hiah pó-pòe! Sè-kan lâng bih tī Lí si̍t-kó͘ ê tì-ìm ē bīn.
36:8 In beh tī Lí ê tiān hióng-siū hó mi̍h, tit tio̍h pá-chiok; Lí mā beh hō͘ in lim Lí khoài-lo̍k ê hô chúi.
36:9 In-ūi oa̍h-miā ê goân-thâu chāi tī Lí; Tùi Lí ê kng, goán ē khòaⁿ tio̍h kng.
36:10 Goān Lí tiāⁿtiāⁿ si chû-ài hō͘ bat Lí ê lâng; tiāⁿtiāⁿ siúⁿ-sù Lí ê kong-gī hō͘ sim-lāi chèng-ti̍t ê lâng.
36:11 M̄-thang iông-ín kiau-ngō͘ ê lâng ê kha thún-ta̍h góa, m̄ thang iông-ín hiong-ok ê lâng ê chhiú kā góa kóaⁿ-tio̍k.
36:12 Chò pháiⁿ ê lâng í-keng tó lo̍h-.khì; i hō͘ lâng chhia-tó, bē tàng koh khí-.lâi.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。