詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
32:1 Jīn Chōe kah Kiû Sià
( Ta-bi̍t ê kà-sī ê si. )Kòe-sit tit tio̍h sià-bián, chōe-kò tit tio̍h jia-khàm, chit khoán lâng ū hok-khì!
32:2 Siōng-chú bô sǹg i chò ū chōe, i ê sim bô kan-chà ê, chit khoán lâng ū hok-khì.
32:3 Góa tiām-tiām ê sî, góa ê kut-thâu ta-.khì; in-ūi góa kui ji̍t tōa-siaⁿ háu.
32:4 In-ūi mê-ji̍t Lí ê chhiú tāng-tāng chhi̍h góa; góa ê cheng-chúi piàn kah chhin-chhiūⁿ joa̍h-thiⁿ ê ta-sò. [Sè-la̍h]
32:5 Góa tùi Lí pâi-lia̍t góa ê chōe-kò, bô ún-môa góa ê chōe-ok; góa kóng, góa beh tùi Siōng-chú sêng-jīn góa ê kòe-sit; Lí chiū sià-bián góa hoān-hoat ê chōe. [Sè-la̍h]
32:6 In-ūi ánne, kiàn-nā khiân-sêng ê lâng, tī thang chhōe tio̍h Lí ê sî, tio̍h tùi Lí kî-tó. Tōa chúi hoàn-lām ê sî, it-tēng bē kàu i hia.
32:7 Lí sī góa siám-bih ê só͘-chāi; Lí ē pì-iū góa thoat-lī kan-khó͘, Lí ē ēng tit-kiù ê koa sì-bīn ûi góa. [Sè-la̍h]
32:8 Góa beh kà-sī lí, chí-sī lí eng-kai kiâⁿ ê lō͘; góa beh chù-ba̍k khòaⁿ lí, lâi khoàn-kài lí.
32:9 M̄-thang chhin-chhiūⁿ bé, lô, in bô tì-sek; Tio̍h ēng chhùi lam kah bé le̍k-sek kā in iok-sok; nā bô, in chiū m̄ óa-kīn lí.
32:10 Pháiⁿ lâng siū chin chē khó͘-lān; chí ū óa-khò Siōng-chú ê lâng ū chû-ài sì-bīn ûi i.
32:11 Lín gī lâng, tio̍h in-ūi Siōng-chú lâi hoaⁿ-hí khoài-lo̍k; sim chèng-ti̍t ê lâng, lín tio̍h chhut hoaⁿ-hí ê siaⁿ.
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。