詩篇 線上收聽:中文和合本 現代中文譯本修訂版 現代台語 台語聖經 客語 福州話 希伯來文讀經 下載檔案 關於語音聖經
30:1 Kám-un ê Kî-tó
(Chit-ê si sī hiàn kiong-tiān ê koa, Ta-bi̍t chò ê. )Siōng-chú ah, góa beh chun-tiōng Lí chò chì-koân, in-ūi Lí bat thê-poa̍t góa, bô hō͘ góa ê siû-te̍k tùi góa khoa-kháu.
30:2 Siōng-chú — góa ê Siōng-tè ah, góa bat kiû-kiò Lí, Lí chiū kā góa i hó.
30:3 Siōng-chú ah, Lí bat tùi im-kan kā góa ê lêng-hûn kiù khí-.lâi, Lí hō͘ góa oa̍h-.leh, bián-tit ji̍p-khì bōng lāi.
30:4 Siōng-chú sèng ê chú-bîn, lín tio̍h chhiùⁿ koa oló I, kì-liām I ê sèng-miâ lâi kám-siā I.
30:5 In-ūi I ê siū-khì put-kò sī ba̍k-nih-kú, I ê un-tián sī kàu chi̍t-sì-lâng; kui mê sûi-jiân ū thî-khàu, chá-khí sî chiū ū hoaⁿ-hí.
30:6 Góa heng-thong ê sî, chiū kóng, " Góa éng bē iô-tāng. "
30:7 Siōng-chú ah, Lí bat si un, hō͘ góa chhin-chhiūⁿ soaⁿ khiā chāi kian-kò͘; Lí am Lí ê bīn m̄-khòaⁿ góa, góa chiū gêng-sim.
30:8 Siōng-chú ah, góa kiû-kiò Lí; góa tùi Siōng-chú kiû un, kóng,
30:9 Góa lâu hoeh, góa ji̍p-khì bōng lāi, ū siáⁿ lī-ek? Tîn-ai kám ē oló Lí? Kám ē soan-iông Lí ê sìn-si̍t?
30:10 Siōng-chú ah, kiû Lí thiaⁿ góa, liân-bín góa! Siōng-chú ah, kiû Lí pang-chān góa!
30:11 Lí í-keng kā góa ê thî-khàu piàn-chò thiàu-bú, Lí kā góa ê môa-saⁿ thǹg tiāu, ēng hoaⁿ-hí chò tòa kā góa hâ,
30:12 Thang hō͘ góa ê sim-sîn chhiùⁿ koa oló Lí, bô koh tiām-tiām. Siōng-chú — góa ê Siōng-tè ah, góa beh kám-siā Lí, ti̍t-kàu éng-oán!
各聖經譯本著作權如版權說明。
本畫面由信望愛資訊中心之CBOL計畫產生,歡迎連結,無須申請。CBOL計畫之資料版權宣告採用GNU Free Documentation License。願上帝的話能建造每一位使用這系統的人,來榮耀祂自己的名。